Miting Blong Kingdom Wok Blong Desemba
Wik We i Stat Long Desemba 1
Singsing 57
10 menet: Lokol mesej. Sam Advaes long Kingdom Wok Blong Yumi.
15 menet: “Tokbaot Jeova Evri Dei.” Kwestin mo ansa. Long haf 4, tokbaot sam poen long School Guidebook, stadi 16, haf 14-16.
20 menet: “Baebol—Buk Blong God Blong Lidim Ol Man.” Wan elda i tokbaot haf ya mo i givim ol risen from wanem yumi mas pusum ol man blong stadi Baebol. (Lukluk buklet ya A Book for All People, pej 30, 32.) Blong smoltaem, askem kwestin long tu pablisa, olsem wanem bambae tufala i yusum ol rod blong storeyan long haf 3 kasem 8 blong ansarem wan kwestin. Yusum wan long ol rod ya blong mekem pleplei olsem wanem blong prij long man fastaem, mo wan long olgeta blong visitim man bakegen.
Singsing 165 mo laswan prea.
Wik We i Stat Long Desemba 8
Singsing 58
10 menet: Lokol mesej. Ripot blong ol kaon.
20 menet: ?From Wanem Yumi Mas Ripotem Fasin Nogud? Elda i givim tok ya we i stanap long Wajtaoa blong Ogis 15, 1997, pej 26-30.
15 menet: “!Ol Narafala Oli Harem Nogud Taem Yu No Stap!” Wan elda i mekem haf ya wetem kwestin mo ansa. Tokbaot namba blong man we oli stap kam long ol miting blong kongregesen. Askem long samfala blong talem risen from wanem oli haremgud blong joen wanples long ol miting.
Singsing 172 mo laswan prea.
Wik We i Stat Long Desemba 15
Singsing 63
12 menet: Lokol mesej. Tokbaot ol rod blong ansa long kaengud fasin taem ol man oli talem ‘Hapi Krismas’ mo ‘Hapi Nyu Yia’ long yumi. Talem ol spesel plan blong prij long Desemba 25 mo Janewari 1.
18 menet: Lokol nid.
15 menet: Ol Samting Blong Tingbaot Long Hot Taem. Tok wetem kwestin mo ansa. Bighaf blong yumi i plan blong mekem sam samting long hot taem, olsem spel, go luk famle blong yumi, mo tekem taem blong pleplei smol. ?Olsem wanem blong mekem wan gudfala plan we yumi no fogetem ol tiokratik wok? Tokbaot se: (1) Yumi no mas kam slak blong go long ol miting, nating se yumi stap long ples blong yumi nomo no yumi wokbaot i go samples. (2) Joen long wok blong prij, mo sipos yumi stap longwe long kongregesen blong yumi, sanem ripot blong prij i gobak long kongregesen. (3) Karem sam buk blong yusum taem yumi tekem jans blong prij long trep blong yumi. (4) Long taem blong spel ya, prij moa long sapa. (5) Fulumap pepa blong haftaem paenia long wan no moa manis blong hot taem. (6) Ol elda oli mas mekem gudfala plan blong ol wok long kongregesen, mo meksua se wan narafala i tekem ples blong hemia we i spel blong mekem ol wok blong hem.
Singsing 174 mo laswan prea.
Wik We i Stat Long Desemba 22
Singsing 138
8 menet: Lokol mesej.
17 menet: “Tiokratik Skul Blong 1998.” Elda we i lukaot long tiokratik skul i givim tok ya. Tokbaot ol rod blong kasem moa gudfala samting long skul ya long yia we i kam. Pulum evriwan long kongregesen blong folem “Program Blong Narafala Baebol Riding” evri wik.
20 menet: Talemaot Gud Nyus Long Evri Ples. Kwestin mo ansa long buk ya Minista Wok Blong Yumi, pej 88-93, wetem ol kwestin olsem: (1) ?From wanem ol buk blong yumi oli gudfala rod blong seremaot gud nyus? ?From wanem yumi mas seremaot ol buk long evri jans we yumi gat? (2) ?From wanem yumi mas tingbaot oltaem blong tekem jans blong prij? ?Long weples nao yumi save tekem jans blong prij? (Askem long samfala blong storeyan long ol gudfala samting we i bin kamaot taem oli bin tekem jans blong prij.) (3) ?From wanem kongregesen i mas traehad blong wokemgud olgeta teritori blong hem? (4) ?Olsem wanem ol miting blong prij long kongregesen oli givhan long yumi? ?Olsem wanem yumi save mekem wan plan blong yusumgud olgeta taem we yumi makemaot blong prij?
Singsing 222 mo laswan prea.
Wik We i Stat Long Desemba 29
Singsing 181
8 menet: Lokol mesej. Talem long evriwan blong putum ripot blong prij.
12 menet: Tokbaot Buk We Yumi Seremaot Long Janewari. Soem ol olfala buk we kongregesen i gat i stap, no Save buk. Tokbaot sam gudfala poen long ol buk ya we oli save givhan long yumi blong storeyangud wetem ol man. Mekem wan pleplei. Yumi mas gohed blong traehad blong statem ol nyufala Baebol stadi long Samting We God i Wantem buklet mo Save buk.
25 menet: “Yumi Mas Kam Ol Tija, i No Ol Man Blong Prij Nomo.” Kwestin mo ansa. Long haf 11, ridim School Guidebook, stadi 15, haf 11.
Singsing 215 mo laswan prea.