Miting Blong Kingdom Wok Blong Ogis
Wik We i Stat Long Ogis 3
Singsing 216
10 menet: Lokol mesej. Sam Advaes long Kingdom Wok Blong Yumi. Tokbaot ripot blong manis Epril long Vanuatu mo kongregesen blong yu.
15 menet: “?Bambae Ogis, Hem i Wan Spesel Manis?” Kwestin mo ansa. Leftemap tingting blong evriwan blong joen long wok blong prij long manis Ogis, mo olgeta manis blong nyufala sevis yia tu.
20 menet: “Yusum Buklet Blong Pulum Tingting Mo Kasem Hat Blong Man.” Storeyan wetem ol man we oli lesin. Tekem smoltaem, blong luklukbak long ol buklet we yufala i kasem long ol yia we i pas, we oli givimaot ol impoten save blong Baebol long ol man. (Lukluk Watch Tower Publications Index 1986-1995, pej 652 kasem 653.) Tokbaot ol bigfala poen long ol buklet we oli jes kamaot. Storebaot wanem kaen man we maet oli intres blong kasem ol defren buklet ya. Mekem wan no tu pleplei, we oli soemaot praes blong ol buklet ya tu.
Singsing 191 mo laswan prea.
Wik We i Stat Long Ogis 10
Singsing 127
10 menet: Lokol mesej. Ripot blong ol kaon.
15 menet: Lokol nid.
20 menet: “Yangfala—Yusumgud Jans Ya We Yu Gat Long Skul.” Kwestin mo ansa. Yusum sam poen long Wekap! blong Epril 8, 1992, pej 17-19, mo Wajtaoa blong Julae 15, 1991, pej 23-26, we oli laenap wetem tok ya.
Singsing 37 mo laswan prea.
Wik We i Stat Long Ogis 17
Singsing 163
10 menet: Lokol mesej. Askem man blong talem olsem wanem yumi save askem nem mo adres blong wan man we yumi prij long hem long rod, long maket, no eni narafala ples olsem, mo visitim man ya bakegen.
35 menet: “Impoten Wok Ya Blong Mekem Disaepol i Stap Kam Antap Bigwan.” Kwestin mo ansa. Ridim paragraf 5, 10, mo 11. Tokbaot olsem wanem wok blong kongregesen blong mekem ol Baebol stadi i stap gohed. Leftemap tingting blong olgeta we oli gat sam stadi blong oli ridim bakegen pepa we i stap long medel blong Kingdom Wok blong Jun 1996. Long rod ya, oli save kamgud moa long fasin blong olgeta blong tij. Tokbaot paragraf 5 mo 25 blong pepa ya.
Singsing 108 mo laswan prea.
Wik We i Stat Long Ogis 24
Singsing 213
12 menet: Lokol mesej. Tokbaot bokis ya “250!” long Kingdom Wok blong Julae 1998. Naoia we i gat wan wik nomo i stap bifo we manis Ogis i finis, leftemap tingting blong evriwan blong joen long wok blong prij naoia. Lukluk bakegen long sam poen blong “Nyufala Program Blong Spesel Dei Asembli.”
18 menet: Olsem Wanem Blong Gohed Long Wok Blong Paenia. Wan tok we i stanap long Wajtaoa blong Septemba 15, 1993, pej 28-31. Askem kwestin long wan paenia we i fesem sam bigfala problem be i gohed nomo long wok blong paenia.
15 menet: Yusumgud Kingdom Wok Blong Yumi. Storeyan wetem ol man we oli lesin. Yusum sam haf blong ol Kingdom Wok we oli jes pas blong soemaot ol save we yumi kasem long stret taem mo ol blesing we yumi kasem from Kingdom Wok. Sam long ol poen ya i gat: (1) ol atikol we oli pulum yumi blong joen oltaem long wok blong prij; (2) ol ekspiryens we oli leftemap tingting blong yumi long saed blong tabu wok blong yumi; (3) ol advaes we oli halpem yumi blong gat gudhan blong talemaot gud nyus; (4) ol mesej blong talemaot ol nyufala buk we oli wok gud long teritori blong yumi; (5) ol ripot long saed blong wok blong prij, we oli soemaot olsem wanem wok blong Kingdom i gru; (6) Tiokratik Nyus, we i givim ripot long wok we i stap gohed long olgeta ples blong wol; (7) ol mesej mo plan we oli letem yumi save long ol spesel samting we bambae oli kam; (8) bokis ya Wan Kwestin, we i givim ol ansa long sam kwestin we yumi wantem tumas blong save ansa blong olgeta; mo (9) ol pepa insaed long Kingdom Wok we oli tokbaot ol asembli, ol spesel kampen, mo sam narafala samting we oli mekem yumi tingbaot oltaem ol nid blong yumi long saed blong speret. Leftemap tingting blong evriwan blong ridim olgeta wanwan Kingdom Wok we oli kamaot evri manis, mo folem ol advaes we oli stap insaed. I gud tu blong karem Kingdom Wok i kam long Sevis Miting blong yumi mo long ol miting blong prij. Afta, kipimgud ol wanwan kopi blong hem long laebri blong yusum bakegen samtaem.
Singsing 210 mo laswan prea.
Wik We i Stat Long Ogis 31
Singsing 65
12 menet: Lokol mesej. Talem bakegen long evriwan blong no fogetem blong putum ripot blong olgeta long manis Ogis. Ol brata we oli lukaot long ol defren Buk Stadi, oli mas jekem se evriwan long grup blong olgeta, oli givim ripot bifo long Septemba 6. Tokbaot buk we bambae yumi seremaot long Septemba. Mekem wan sotfala pleplei we i stanemap kwestin ya “?From wanem yumi mas yusum nem blong God?” Yusum Save buk, long japta 3, paragraf 6, blong ansa long kwestin ya. Talemaot plan blong prij blong Septemba 7.
15 menet: “Olgeta We Oli Lidim Kongregesen—Presiden Elda.” Wan tok we presiden elda i givim. Afta we hem i tokbaot ol defren wok blong hem, hem i talem tangkyu long kongregesen from we oli wokgud wetem ol elda taem olgeta ya oli mekem wok blong lukaot ol sipsip.
18 menet: Halpem Pikinini Blong Yu Blong Winim Ol Problem Long Skul. Wan elda i storeyan wetem tu no tri papa mama we pikinini blong olgeta i stap skul yet. Tokbaot kwiktaem, sam problem we plante taem ol pikinini oli fesem, olsem Wekap! blong Ogis 8, 1994, pej 5-7 i tokbaot. Yusum pej 8-10 long Wekap! ya blong tokbaot olsem wanem ol papa mama oli save lukaotgud long pikinini blong olgeta mo gat fasin blong wokgud wetem ol tija long skul.
Singsing 24 mo laswan prea.