Miting Blong Kingdom Wok Blong Desemba
Wik We i Stat Long Desemba 7
Singsing 186
10 menet: Lokol mesej. Sam Advaes long Kingdom Wok Blong Yumi. Tiokratik Nius.
15 menet: “Yumi Mas Gobak Bakegen mo Bakegen.” Kwestin mo ansa. Tekem smoltaem blong tokbaot Esikel 3:17-19, soem se wok we yumi stap mekem blong givim woning i impoten tumas.
20 menet: “Seremaot New World Translation.” Wan brata i tokbaot haf ya wetem tu no tri pablisa. Jusum sam poen we oli joen wetem haf ya long buk ya “All Scripture,” pej 327-331. Mekem wan pleplei blong soem olsem wanem blong givimaot Baebol long manis Desemba mo blong statem Baebol stadi wetem Save buk.
Singsing 176 mo laswan prea.
Wik We i Stat Long Desemba 14
Singsing 206
10 menet: Lokol mesej. Ripot blong ol kaon. Givim sam advaes blong soem olsem yumi save waes gud taem ol man oli talem “Meri Krismas” no “Hapi Niu Yia” long yumi. Sipos kongregesen i gat buk ya Man We i Hae Moa Long Ol Narafala Man, soem olsem wanem kongregesen i save yusumgud buk ya long wok blong prij long taem blong holide blong Krismas. Tokbaot sam plan blong wok blong prij long Desemba 25 mo Janewari 1.
15 menet: “Olgeta We Oli Lidim Kongregesen—Elda We i Lidim Wajtaoa Stadi.” Brata we i stap lidim Wajtaoa stadi i givim tok ya. Hem i eksplenem wok ya mo olsem wanem olgeta evriwan we oli joen long Wajtaoa stadi oli save givhan blong mekem se stadi ya i laef, i givim save, mo i bildimap narafala long saed blong spirit.
20 menet: “Oli Save Luk We Yumi Defren.” Jusum samfala blong storeyan wetem olgeta long platfom. Tokbaot sam poen we i soem se yumi defren long ol man raonabaot. Soemaot olsem wanem yumi save yusum ol save ya blong pulum ol man oli kam insaed long ogenaesesen mo soem olsem wanem trutok i mekem ol gudfala Kristin fasin oli gru long laef blong olgeta we oli folem trutok.
Singsing 146 mo laswan prea.
Wik We i Stat Long Desemba 21
Singsing 163
8 menet: Lokol mesej. Leftemap tingting blong ol pablisa blong no lusum ol Kingdom Wok blong olgeta, antap moa ol pepa we oli stap insaed. Maet bambae yumi tokbaot sam poen long olgeta long fiuja. Talem long evriwan blong karem pepa we i stap insaed long Kingdom Wok blong Novemba 1998, i kam long Miting blong Kingdom Wok nekis wik.
12 menet: Yusum Spel Blong Yu Long Waes Fasin. Leftemap tingting blong ol pablisa blong mekem plan naoia blong yusum moa taem long ol manis blong spel blong mekem intres blong Kingdom i go moa. Mo tu, leftemap tingting blong evriwan blong tekem jans blong prij taem oli go spel. Talem long evriwan blong putumap sam mak, olsem ridim Baebol evri wik, ridim ol buk blong Sosaeti, mo yusumgud taem we yumi spenem blong spel.
25 menet: “Mekem Laef Blong Yu i Stanap Long Wok Blong Jeova.” Kwestin mo ansa. Askem kwestin long wan we i no mared yet mo wan hed blong famle we oli stap gohed blong prij evri wik. Askem long tufala blong talem wanem plan oli folem blong mekem se oli naf blong putum ol intres blong Kingdom fastaem.
Singsing 119 mo laswan prea.
Wik We i Stat Long Desemba 28
Singsing 178
12 menet: Lokol mesej. Talem long evriwan blong putum ripot blong Desemba. Soem ol buk we kongregesen bambae i givimaot long Janewari. Leftemap tingting blong ol pablisa blong tekem sam long ol buk ya blong seremaot long wiken.
15 menet: “Karem Gudfala Frut From Program Blong Tiokratik Skul Blong Yia 1999.” Brata we i lidim Tiokratik Skul i givim tok ya. Askem sam pablisa blong talem sam blesing we oli kasem taem oli folem “Program Blong Baebol Riding” evri wik. Leftemap tingting blong evriwan blong ridim Tok blong God evri dei.
18 menet: Lokol nid.
Singsing 195 mo laswan prea.