Miting Blong Kingdom Wok Blong Jun
Wik We i Stat Long Jun 7
Singsing 45
10 menet: Lokol mesej. Sam Advaes long Kingdom Wok Blong Yumi. Tiokratik Nius.
15 menet: “Jeova i Tijim Yumi.” Fastok i no mas bitim wan menet, biaen i gat kwestin mo ansa. Askem long kongregesen blong tokbaot ol gudfala samting we oli kasem long Tiokratik Skul, Paenia Skul, Kingdom Ministri Skul, mo sam narafala skul bakegen. Tokbaot olsem wanem ol skul ya oli save givhan long yumi blong kam moagud long minista wok.
20 menet: “Yusumgud Taem Blong Yu.” Wan brata we i lidim wan Buk Stadi blong kongregesen i storeyan wetem wan no tu pablisa we oli talem olsem wanem oli skelemgud taem blong olgeta blong joen fulwan long wok blong prij. Oli eksplenem from wanem i impoten tumas blong gat wan program we i stret mo we i wokgud. Oli talem olsem wanem oli no lusum taem: oli no stat let, oli plan gud fastaem, oli no westem taem blong storeyan tumas wetem ol man long doa taem oli go prij. Givim sam gudfala advaes we oli stret long ples blong yumi, blong soemaot fasin blong yusumgud taem blong yumi.
Singsing 48 mo laswan prea.
Wik We i Stat Long Jun 14
Singsing 63
10 menet: Lokol mesej. Ripot blong ol kaon.
5 menet: Lokol nid.
20 menet: “?Yu Yu Save Givhan Long Olgeta Ya?” Wan elda i mekem tok ya wetem kwestin mo ansa. Yusum ol advaes long Wekap! blong Oktoba 8, 1995, pej 8-9 (Engglis mo Franis), blong halpem ol famle we i gat papa no mama nomo long olgeta. Askem long samfala blong talemaot tangkiu we oli gat from lav ya we sam narafala long kongregesen oli bin soem long olgeta.
Singsing 53 mo laswan prea.
Wik We i Stat Long Jun 21
Singsing 72
8 menet: Lokol mesej.
17 menet: Yusum Ol Kaset Video Mo Ol Kaset We Oli Rikodem Drama Long Hem. ?I gat rod blong yusumgud ol 10 video kaset mo ol 11 kaset blong drama blong Sosaeti long Engglis? ?Yu mo famle blong yu i luk no lesin finis long evri kaset ya? Talem bakegen ol defren taetel blong sam long ol kaset ya, soemaot olsem wanem oli save halpem yumi blong ridimgud Baebol, kam strong moa long saed blong spirit, mo givim gudfala witnes long saed blong trutok. Jusum sam sotfala haf blong tu no tri kaset blong lesin long miting ya. Askem long kongregesen blong talem wanem video kaset no wanem kaset blong drama we oli laekem tumas blong yusum, blong leftemap tingting blong famle blong olgeta no blong lidim ol niuwan oli kam long ogenaesesen. Talem sam stori we oli karem frut. (Lukluk 1999 Yearbook, pej 51-52.) Leftemap tingting blong evriwan blong yusumgud ol video kaset mo ol kaset blong drama.
20 menet: “?Yu Yu Jajem Man Long Samting We Yu Luk Nomo?” Tok wetem kwestin mo ansa. Tokbaot from wanem i nogud blong jajem man kwiktaem taem yumi mitim olgeta. Tokbaot smol long saed blong lesen ya we Jeova i givim long Jona, taem Jona i jajem se ol man Nineve oli no naf blong wosipim God. (Lukluk Wajtaoa blong Ogis 15, 1997, pej 21-22, paragraf 17-19.) Askem kongregesen blong tokbaot ol defren kaen man we oli mitim long teritori, mo olsem wanem oli soem stret tingting long saed blong olgeta ya mo letem Jeova nao i jajem olgeta.
Singsing 77 mo laswan prea.
Wik We i Stat Long Jun 28
Singsing 85
12 menet: Lokol mesej. Talem bakegen long evriwan blong putum ripot blong prij blong manis Jun. Tokbaot buk we yumi seremaot long Julae. Soem ol buklet we i gat fulap i stap long kongregesen, mo talem wan no tu haf we yumi save yusum blong seremaot ol buklet ya. Mekem wan pleplei we i reregud.
13 menet: ?From Wanem Jeova i Letem Trabol i Kasem Ol Man Blong Hem? Wan elda i mekem tok ya. Tok i stanap long buk ya Jehovah’s Witnesses—Proclaimers of God’s Kingdom, pej 676-677. Olsem Jisas i bin talem, ‘olgeta man oli no laekem yumi nating, oli agens long yumi.’(Mat. 24:9) Maet yumi fesem hadtaem long wok blong prij, wetem famle we i no save trutok, no wetem ol man we oli no Witnes long ples blong wok no long skul. Blong leftemap tingting, brata we i mekem tok i eksplenem from wanem Jeova i letem ol traem ya oli kamaot mo olsem wanem fasin blong stanap strong i save karem blesing biaen.
20 menet: !Go Long Ol Ples We i Gat Man! Tok ya i stanap long 1997 Yearbook, pej 42-48. Yumi mas gohed blong prijlong ol haos wanwan, be tu yumi mas tekem evri jans blong prij long ol man raonabaot long yumi—long enitaem mo eni ples. Tokbaot sam stori long Yearbook we oli soem olsem wanem samfala oli tekem jans blong prij taem oli stap long bas, wokbaot long rod no sanbij, long ol man we oli stap long trak we i stop, long bas stop, wetem telefon, no raetem leta. Sipos i gat taem, askem long kongregesen blong talem sam ekspiryens blong olgeta. Leftemap tingting blong evriwan blong tekem evri jans blong talemaot gud nius long evri ples we i gat man long hem.
Singsing 75 mo laswan prea.