Miting Blong Kingdom Wok

Wik We i Stat Long Mei 8

Singsing 125

15 menet: Lokol mesej mo sam Advaes long Kingdom Wok Blong Yumi.

15 menet: “Faenem Glad Long Tabu Wok Blong God.” Wan tok. Givim sam risen from wanem yumi save glad taem yumi mekem wok blong prij (Lukluk Insight, Buk 2, pej 120.) Givim sam gudfala advaes we yumi save folem blong faenem moa glad long wok ya.

15 menet: “Paoa Blong Ol Fren​—?I Save Givhan Long Yu?” Wan tok we i stanap long Wajtaoa blong Ogis 1, 1999, pej 22-25.

Singsing 201 mo laswan prea.

Wik We i Stat Long Mei 15

Singsing 134

13 menet: Lokol mesej. Ripot blong ol kaon.

16 menet: “Wan Blesing We i Stap Long Olgeta Yangfala.” Wan tok mo storian wetem olgeta we oli lesin. Talem sam ekspiriens we oli stap long Wajtaoa blong Desemba 1, 1996, pej 13, paragraf 15. Askem ol yangfala blong talemaot glad we oli bin kasem taem oli seremaot ol magasin. Jusum wan no tu yangfala blong mekem wan pleplei blong seremaot magasin long ol haos wanwan. Leftemap tingting blong ol papa mama blong tekem pikinini blong olgeta i go wetem olgeta long wok blong seremaot magasin evri wik.

16 menet: “‘Traem Olgeta Blong Luk Sipos Oli Naf’​—?Olsem Wanem?” Tok we wan elda i mekem. Talem ol poen blong Baebol we oli soemaot se i mas gat ol man blong givhan insaed long kongregesen. (Lukluk Insight, Buk 2, pej 409.) Soem ol mak we wan brata i mas kasem fastaem blong hem i save mekem wok ya. (Lukluk buk ya Ol Rul Blong Mekem Minista Wok, pej 55-57.) Talem sam wok we ol man blong givhan oli save mekem, mo leftemap tingting blong plante moa brata blong oli traem kasem wok ya.

Singsing 203 mo laswan prea.

Wik We i Stat Long Mei 22

Singsing 36

12 menet: Lokol mesej. Talem sam spesel plan blong prij long Mei 29. Tokbaot haf ya, Wan Kwestin.

20 menet: “?Bambae Yu Yu Stap Long Taem Ya?” Wan tok wetem sam ekspiriens, we wan elda i mekem. Long taem blong Baebol kam kasem taem blong yumi, ol man blong God oli bin harem gud bigwan from ol bigfala asembli we oli mekem olgeta oli strong moa. (Lukluk buk ya Proclaimers, pej 254, paragraf 1-3, mo Insight, Buk 1, pej 821, paragraf 5.) Leftemap tingting blong evriwan blong mekem plan naoia blong stap long ol trifala dei blong distrik asembli long yia ya. Askem olgeta we oli lesin blong talem sam ekspiriens we i soemaot se oli kasem blesing from traehad we oli bin mekem blong kam long ol asembli we oli pas finis.

13 menet: Lokol nid. Sipos no, “Taem Fasin Blong Givim i Kam Bigwan,” olsem we i stap long Wajtaoa blong Novemba 1, 1999. Yu save jenisim sam samting long tok ya blong mekem i laenap wetem nid blong kongregesen. Talem tangkiu long kongregesen from ol traehad we oli mekem blong sapotem kongregesen blong ples ya, mo wok blong Sosaeti long olgeta ples long wol. Givim advaes we i nidim blong folem niufala jenis we Sosaeti i folem long saed blong presen mane.

Singsing 83 mo laswan prea.

Wik We i Stat Long Mei 29

Singsing 135

12 menet: Lokol mesej. Talem bakegen long evriwan se oli mas putum ripot blong olgeta blong manis Mei. Mekem wan sotfala pleplei blong soemaot olsem wanem blong seremaot buk blong manis Jun. Blong statem storian wetem ol man, askem kwestin ya “?Olsem wanem yu save makemaot ol trufala Kristin?” Soem olsem wanem blong yusum stadi 13 long buklet ya Wanem, blong statem Baebol stadi wetem ol man.

15 menet: “?Yu Yu Tinghae Long Ol Tabu Samting?” Wan tok we wan elda i givim. Makem gud se i impoten blong kam long ol trifala dei blong distrik asembli.

18 menet: Fasin Blong Ridim Baebol We i Karem Gudfala Frut. Wan tok wetem wan pleplei we i stanap long School Guidebook, pej 34-35, paragraf 6-7. Long program blong Tiokratik Skul, i gat wan Baebol Riding blong folem, we biaen wan brata bambae i jusum sam poen long hem blong tokbaot long miting. (Kingdom Wok Blong Yumi, Desemba 1999, pej 7) Tokbaot olsem wanem wanwan man mo wan famle i save folem program ya long fasin we i pulum intres mo i karem frut. Eksplenem olsem wanem blong mekem dip stadi blong mekem save blong yumi long saed blong Baebol i kam dip moa. Askem wan famle blong mekem wan pleplei we i soemaot olsem wanem oli save ridim wan haf blong Baebol riding blong wik. Oli save jusum wan no tu poen we oli pulum intres mo mekem sam dip stadi long Watch Tower Publications Index no long Insight on the Scriptures. Soem olsem wanem fasin blong Baebol riding i save gat moa mining long tingting blong yumi, mo mekem yumi naf moa blong ‘tijim trutok blong God long fasin we i stret gud.’​—2 Tim. 2:​15.

Singsing 95 mo laswan prea.

Wik We i Stat Long Jun 5

Singsing 37

10 menet: Lokol mesej.

15 menet: “Lesingud Long Ol Tabu Tok Blong God.” Kwestin mo ansa. Talem ol risen from wanem yumi evriwan i mas stap long ol jea blong yumi taem program i stat, lesingud, mo no blokem ol narafala blong lesingud.

20 menet: Lokol nid.

Singsing 82 mo laswan prea.