Miting Blong Kingdom Wok
Wik We i Stat Long Jun 12
Singsing 136
8 menet: Lokol mesej. Sam Advaes long Kingdom Wok Blong Yumi.
15 menet: “Wok Ya Blong Masta Blong Yumi i No Blong Nating.” Mekem wan fastok we i no bitim wan menet, mo gohed wetem kwestin mo ansa. Tokbaot ekspiriens we i stap long pej 32 blong Wajtaoa blong Jun 15, 1996.
22 menet: Statem ol Stadi Wetem Buklet Ya Wanem. Wan tok, mo talem bakegen ol poen long pej 6 long Kingdom Wok blong Janewari 1999. Mekem wan pleplei folem fastok we paragraf 6 i tokbaot. Askem wan no tu pablisa blong talem olsem wanem oli statem ol stadi, wanem we oli mekem blong lid i go long stadi, mo olsem wanem oli gohed blong stadi evri wik.
Singsing 209 mo laswan prea.
Wik We i Stat Long Jun 19
Singsing 14
12 menet: Lokol mesej. Ripot blong ol kaon mo talemaot ol kaon blong ol tri manis we oli jekem finis. Sipos kongregesen i gat ol kopi blong buk ya Young People Ask long stok, mekem wan pleplei blong soem olsem wanem blong yusumgud buk ya long wok blong prij taem yumi faenem ol yangfala.
8 menet: Ansa Long Wan Kwestin. Wan elda i givim tok ya.
25 menet: “?Bambae Mi Save Olsem Wanem Sipos i No Gat Man Blong Talemaot Long Mi?” Brata we i lukaot long wok blong prij i tokbaot haf ya wetem kwestin mo ansa. Ridim evri paragraf, mo ridim ol vas long paragraf 3, 4, mo 7. Long paragraf 6, eksplenem wok blong elda we i lukaot long wok blong prij mo tokbaot sipos i stret no i no stret blong mekem Baebol stadi bakegen wetem olgeta we oli baptaes finis.—Lukluk Kingdom Wok blong Novemba 1998, long haf ya “Ansa Long Wan Kwestin.”
Singsing 89 mo laswan prea.
Wik We i Stat Long Jun 26
Singsing 39
10 menet: Lokol mesej. Talem long ol pablisa blong putum ripot blong Jun. Storian smol long saed blong buk we kongregesen i seremaot long Julae. Soemaot ol olfala buklet we yufala i gat, mo talem sam sotfala poen long wanwan long olgeta. Reremgud wan pleplei blong soemaot olsem wanem blong seremaot wan long ol buklet ya long wok blong prij.
17 menet: “Yumi Mas Gat Gladhat Blong Givhan, Mo Blong Seraot Ol Samting Long Ol Narafala Man.” Kwestin mo ansa. Talem ol fo risen “From Wanem Yumi Givim” we i stap long Wajtaoa blong Novemba 1, 1996, pej 29-30.
18 menet: Save Olsem Wanem Blong Givim Ansa. (Kol. 4:6) Wan tok mo storian wetem olgeta we oli stap lesin. ?Yu mekem wanem taem yu mitim wan man we i askem wan kwestin we i go agensem Baebol? Plante taem, buk ya Reasoning i givhan long saed ya, hem i soem nambawan rod olsem wanem blong givim ansa long ol kwestin olsem. Eksampel, nating we yumi tingbaot ded olsem wan enemi we bambae ransom sakrefaes blong Kraes i winim, sam man oli bilif se i no gat wan samting i save winim ded. Oli bilif long giaman tok ya se taem man i ded, i olsem we hem i bon bakegen i go long wan narafala laef. Tokbaot ol ansa we i stap long Reasoning buk, aninit long ol haf ya “Sipos Wan Man i Talem—” long pej 103-104 mo 231. Leftemap tingting blong evriwan blong karem buk ya wetem olgeta long wok blong prij.
Singsing 44 mo laswan prea.
Wik We i Stat Long Julae 3
Singsing 213
10 menet: Lokol mesej. Askem ol pablisa we oli bin statem Baebol stadi wetem buklet ya Wanem blong talem olsem wanem oli statem stadi.
15 menet: Lokol nid.
20 menet: Famle We i Folem Ol Rul Blong Baebol Hem i Joengud. Tu brata i storian, mo tokbaot eit poen we oli stap long pej 253-254 blong Reasoning buk. Eksplenem se i impoten tumas we yumi halpem ol Baebol studen blong save se rod blong mekem famle i hapi hemia blong kasem save mo folem ol rul long Tok blong God. Yusum stadi 8 blong buk ya Wanem, mo mekem wan pleplei blong soem olsem wanem blong mekem samting ya. Ol famle we oli lesin long ol advaes blong Baebol oli joengud mo oli haremgud from lav mo fasin joen we oli gat. Talem ekspiriens we i stap long japta 13, paragraf 1, 21-22 blong Famle buk.
Singsing 51 mo laswan prea.