Ol Miting Blong Kingdom Wok
Wik We i Stat Long Julae 10
Singsing 7
12 menet: Lokol mesej. Sam Advaes long Kingdom Wok Blong Yumi. Tokbaot ripot blong prij blong kantri mo wanem kongregesen blong yu i mekem long manis Maj. Pulum tingting blong evriwan i go long bokis ya “Lukluk Long Pej We i Stap Biaen,” mo mekem pleplei long wan blong ol fastok we i stap long bokis ya, we yu ting se i save wokgud long teritori blong yu.
15 menet: ‘Yumi No Save Stap Kwaet.’ Fastok i no mas bitim wan menet. Gohed wetem kwestin mo ansa. Givim ol klia risen blong soemaot se wok blong prij i impoten tumas long yumi. Yusum sam long ol gudfala poen we oli stap long Wajtaoa blong Janewari 15, 1997, pej 23-24.
18 menet: ‘Yumi Mekem Ol Samting Blong Yumi Kam Strong Moa.’ Tu elda oli tokbaot haf ya. Makem klia se yumi nidim fasin luksave taem yumi joen long ol bisnes no taem yumi putum mane i go insaed long wan bisnes. Lukluk bakegen advaes we i stap long Wajtaoa blong Maj 15, 1997, pej 18-19, 22.
Singsing 15 mo laswan prea.
Wik We i Stat Long Julae 17
Singsing 23
15 menet: Lokol mesej. Ripot blong ol kaon. Eksplenem smoltaem olsem wanem blong yusum buklet ya Taem Wan Man We Yu Laekem Tumas i Ded blong halpem man we i intres blong gat tangkiu long toktok we Baebol i givim blong leftemap tingting blong yumi.—Lukluk Reasoning buk, pej 230, 1 (pej 340 long Franis).
10 menet: “Niufala Program Blong Seket Asembli.” Kwestin mo ansa. Pulum evriwan blong kam long tufala dei blong asembli ya. Leftemap tingting blong evriwan blong traehad moa blong singaot ol Baebol studen blong kam long taem ya. Sipos oli kam long asembli ya maet bambae oli wantem joen tu long olgeta miting blong kongregesen.
20 menet: ?Eksampel Blong Hu We Yu Mas Folem? Wan papa i stap mekem famle stadi wetem wan no tu yangfala pikinini. Hem i luksave i no longtaem i pas, se long storian blong tufala, plante taem tufala i tokbaot ol jampion blong spot, ol bigfala man blong plei long film, ol man long televisen, mo ol man blong singsing. Hem i talem se hem i wari long samting ya from we ol storian ya oli soem intres long ol fasin blong wol ya. Famle ya i tokbaot Wekap! blong Mei 22, 1998, pej 12-14 (Inglis mo Franis). Ol yangfala oli luksave se hem i wan denja blong tinghae long ol man blong wol ya, mo oli agri se haenem we man i kasem long wol i no save mekem wan gud samting nating long laef blong ol Kristin. Oli tokbaot ol gudfala frut we oli save kamaot sipos ol yangfala oli traem folem eksampel blong papa mama blong olgeta, ol elda mo ol narafala man insaed long kongregesen we oli soem gudfala fasin, mo Jisas Kraes.
Singsing 34 mo laswan prea.
Wik We i Stat Long Julae 24
Singsing 45
5 menet: Lokol mesej.
15 menet: Yumi Soemaot Klia Se Yumi Minista Blong God. Tu man blong givhan tufala i tokbaot advaes blong Baebol we i kamaot long Wajtaoa blong Desemba 15, 1998, pej 19-20. Tufala i luksave se i nidim blong soemaot gudfala eksampel long wok blong man blong givhan. Tufala i lukluk bakegen long ol samting we wanwan long tufala i save mekem blong soem se oli stap mekem gud ol wok ya we oli kasem. Tufala i luk se i impoten blong givim gudfala eksampel long saed blong wok blong prij mo tufala i tokbaot sam rod blong halpem ol elda taem oli givhan long ol brata sista. Tufala i agri se tufala i wantem traehad blong halpem kongregesen blong tinghevi long taem ya we yumi laef long hem naoia, blong oli gru long saed blong spirit mo karem gudfala frut.
10 menet: Raetem Leta Long Man We Yumi No Save Faenem Long Haos. Wan tok mo storian wetem ol man we oli lesin. Naoia we i hadwok moa blong faenem man long haos blong olgeta, sam pablisa oli kasem gudfala frut tru long fasin blong raetem leta. Be i gud blong tingbaot ol rul ya: Ol leta blong yumi oli no mas longfala tumas, oli mas stanap long Baebol nomo, mo oli mas soem respek long man. I nogud blong sanem ol leta we yumi no talemaot nem blong yumi long man. Raet long fasin we i klia gud mo we man i naf blong ridim. Givim adres blong Haos Kingdom mo taem blong ol miting wetem wan pepa we i singaot olgeta blong kam long ol miting ya. Yu no mas putum adres blong Sosaeti blong man i ansabak long hem. Lukluk bakegen sam advaes we oli stap long buk ya Minista Wok Blong Yumi, pej 83-84, mo Kingdom Wok blong Novemba 1996, Wan Kwestin.
15 menet: Yusum Ol Fastok We Oli Karem Frut. Jusum tu no tri fastok we oli stap long pej 9-15 long Reasoning buk, mo tokbaot olsem wanem yumi save yusum gud ol fastok ya long teritori blong yumi. Askem long ol man we oli lesin se “?Wanem fastok we yufala i yusum taem yufala i wantem tekem jans blong prij long wan man long rod no long sam narafala ples bakegen?” Sipos i gat naf taem, mekem wan no tu pleplei folem ol fastok ya.
Singsing 54 mo laswan prea.
Wik We i Stat Long Julae 31
Singsing 66
15 menet: Lokol mesej. Talem long evriwan blong no fogetem ripot blong manis Julae. Askem wanwan long olgeta we oli lesin blong talemaot sam ekspiriens we oli bin gat long manis ya taem oli seremaot buklet.
12 menet: Lokol nid.
18 menet: “?Yu Yu Gat Tangkiu From Longfala Tingting Blong Jeova?” Kwestin mo ansa. Talem sam gudfala poen long saed blong longfala tingting we Jeova i gat.—Lukluk Buk 2 blong Insight, pej 263-264.
Singsing 75 mo laswan prea.
Wik We i Stat Long Ogis 7
Singsing 88
10 menet: Lokol mesej.
17 menet: “?Yu Yu Wan Man Blong Sem?” Kwestin mo ansa. Talem ekspiriens blong leftemap tingting we i stap long 1997 Yearbook, pej 43-44.
18 menet: Bambae Yu Yu Kam Waes. Tok we wan elda i givim. Ol yangfala oli wantem harem gud long wan hapi fiuja wetem ol man we oli lavem olgeta. Hemia wan samting we i stret nomo. Be blong kasem samting ya, ol yangfala oli mas mekem ol advaes blong God i wok long laef blong olgeta. (Prov. 19:20) Long taem blong yangfala, intres long saed blong seks i strong. Sipos wan yangfala i no bos long ol filing blong hem, ol nogud frut oli save kamaot. Plante kwestin oli kam antap long saed blong taem we wan yangfala i stat intres, soem lav mo wantem fren wetem wan boe no gel. Lukluk bakegen long advaes we i stap long buk ya Young People Ask, pej 231-235. Tokbaot sam bigfala poen we oli stap long Wajtaoa blong Novemba 15, 1999, pej 18-23, we oli soem se i impoten blong wan yangfala i mekem olgeta wok we God i wantem. Leftemap tingting blong ol yangfala blong tingbaot advaes ya mo blong toktok wetem papa mama blong olgeta sipos oli gat kwestin.
Singsing 101 mo laswan prea.