Ol Miting Blong Kingdom Wok
NOT: Long Kingdom Wok Blong Yumi, bambae i gat wan program long Miting Blong Kingdom Wok blong evri wik. Sipos i nidim, ol kongregesen oli save mekem sam jenis, blong evriwan i save go long Distrik Asembli ya “Yumi Mekem Wanem We Tok Blong God i Talem.” Sipos i stret, tekem 15 menet long laswan Miting blong Kingdom Wok bifo long asembli, blong lukluk bakegen ol poen long pepa we i stap insaed long Kingdom Wok blong manis ya. Talem long evriwan blong tekem smoltaem blong lukluk bakegen program blong asembli evri moning mo aftenun, bifo we asembli i stat, blong save wanem tok bambae i kamaot. Samting ya bambae i mekem i moa isi blong putum tingting i stap long program blong asembli mo blong raetem ol not we oli sot mo oli gud. Long ol tu kasem fo wik bifo long asembli, bambae yumi tekem 30 menet long program blong Kingdom Wok, blong tokbaot bakegen ol bigfala poen long program blong asembli. Bambae tri brata we oli nafgud oli lidim haf ya. Long taem ya, bambae evriwan i rerem mo givim ol sotfala ansa, taem ol brata ya oli askem kwestin. I gud we ol ansa oli soem olsem wanem ol samting we yumi lanem long asembli oli stret long kongregesen mo wok blong prij. Jusum wan no tu brata no sista blong talem sotfala ekspiriens long saed ya. Blong mekem se haf ya blong Kingdom Wok i gat intres mo i tijim yumi, i impoten we evriwan oli reregud.
Wik We i Stat Long Ogis 14
Singsing 114
12 menet: Lokol mesej. Sam Advaes long Kingdom Wok Blong Yumi. Tokbaot wok blong prij we trifala kantri mo kongregesen blong yufala i mekem long manis Epril, wetem bokis ya “Wan Nambawan Wok!” I gat tu wik nomo i stap long manis Ogis, taswe leftemap tingting blong evriwan blong joen long wok blong prij bifo we manis i finis. Tokbaot wok blong prij long wiken.
15 menet: “Traehad Blong Gohed Gud Long Kristin Laef.” Mekem wan fastok we i no bitim wan menet, mo gohed wetem kwestin mo ansa. Jusum sam poen long buk ya Ol Rul Blong Mekem Minista Wok Blong Yumi, pej 43-44 mo talem olsem wanem ol brata oli save lidim kongregesen long wok blong prij mo olsem wanem blong givhan long olgeta we oli nidim help blong joen mo blong putum ripot blong olgeta oltaem.
18 menet: Kasem Gudfala Frut From Skul. Wan papa i toktok long ol pikinini blong hem, i halpem olgeta blong luksave from wanem edukesen i impoten tumas. (Lukluk buk ya Young People Ask, pej 133-139.) Plante yangfala oli harem se i hadwok tumas blong go long skul long taem blong yumi, we fasin blong ol man i olbaot. Mo tu, oli kam les, oli talem se, samting we oli stap lanem bambae i no givhan long olgeta. Papa i talem sam rul blong Baebol mo sam gudfala risen blong soem from wanem i waes blong kasem gudfala edukesen. Hem i leftemap tingting blong ol pikinini blong hem blong stadi gud mo lesin gud long tija.
Singsing 127 mo laswan prea.
Wik We i Stat Long Ogis 21
Singsing 143
12 menet: Lokol mesej. Ripot blong ol kaon. Mekem wan pleplei long wok blong prij blong soem ansa long kwestin ya: “?From wanem God we i gat lav i letem fasin safa i stap?” (Reasoning From The Scriptures, pej 395-396, Inglis, no 376-377, Franis) Leftemap tingting blong evriwan blong joen long wok blong prij long wiken we i stap kam.
8 menet: “Niufala Program Blong Spesel Dei Asembli.” Wan tok. Talemaot dei we bambae spesel asembli i stap long hem sipos yufala i save, mo talem long evriwan blong stap long fulwan program ya. Talem long ol pablisa blong singaot olgeta we oli intres mo ol Baebol stadi blong kam joen.
25 menet: “?Yu Yu Stap Kasem Gudfala Frut?” Kwestin mo ansa.
Singsing 152 mo laswan prea.
Wik We i Stap Long Ogis 28
Singsing 165
10 menet: Lokol mesej. Talem long evriwan blong putum ripot blong manis Ogis. Ol brata we oli lidim ol Buk Stadi oli mas jekem se evri pablisa long grup blong olgeta i putum ripot blong mekem se evri ripot i save go bifo long Septemba 6.
15 menet: Lokol nid.
20 menet: “Ol Miting Oli Givhan Bigwan Long Ol Yangfala.” Wan elda i lidim haf ya we i gat kwestin mo ansa. Long paragraf 8, makem sam impoten samting we i save givhan blong lesingud mo putum tingting i stap long ol miting. (Lukluk Wekap! blong Septemba 22, 1998, pej 19-20, long Inglis.) Leftemap tingting blong ol papa mama blong givhan oltaem long ol pikinini blong olgeta blong go long olgeta miting.—Lukluk stori we i stap long Wajtaoa blong Septemba 1, 1997, pej 25.
Singsing 176 mo laswan prea.
Wik We i Stat Long Septemba 4
Singsing 196
15 menet: Lokol mesej. Ansa Long Wan Kwestin. Askem sam pablisa blong talem sam ekspiriens taem oli tekem jans blong prij long rod, taem oli stap go mo kambak long asembli no long taem blong asembli.
10 menet: Taem Blong Yumi Hem i Spesel. Wan elda i givim tok ya we i stanap long Wajtaoa blong Novemba 15, 1996, pej 22-23.
20 menet: “?Yu Yu Stap Stanap Strong Longtaem?” Wan tok, mo storian wetem olgeta we oli stap lesin. Leftemap tingting blong evriwan blong tingbaot gudfala frut we i save kamaot taem yumi stanap strong long Kristin wok blong prij. Sipos yumi faenemaot se yumi slak, yumi mas mekem yumi kam strong bakegen long saed blong spirit. Jusum sam poen long Wajtaoa blong Oktoba 1, 1999, pej 20-21, paragraf 17-21. Askem tu no tri pablisa we oli bin stanap strong long ol yia we oli pas blong talem samting we i givhan long olgeta blong gohed.
Singsing 206 mo laswan prea.