Ol Miting Blong Kingdom Wok
Wik We i Stat Long Novemba 13
Singsing 4
10 menet: Lokol mesej. Sam Advaes long Kingdom Wok Blong Yumi.
13 menet: Ansa Long Wan Kwestin. Wan tok we wan elda i mekem.
22 menet: “Bildimap Intres Blong Man We i Ridim Kingdom Nius No. 36.” Wan tok wetem kwestin mo ansa long paragraf 1-5. Tokbaot ol plan we kongregesen i mekem blong kavremap ol teritori we kongregesen i no mekem yet. Tokbaot ol advaes we oli stap long haf 7 mo 8 long saed blong rod blong mekem ol visit, mo mekem wan pleplei blong soemaot wanwan long ol rod ya. Makem klia se i impoten tumas blong visitim bakegen ol man we oli soem intres mo traehad blong statem ol Baebol stadi. Finisim tok ya wetem haf 9 mo ol vas we oli stap.
Singsing 63 mo laswan prea.
Wik We i Stat Long Novemba 20
Singsing 111
10 menet: Lokol mesej. Ripot blong ol kaon.
15 menet: Ol Ekspiryens Blong Wok Blong Seremaot Kingdom Nius No. 36. Storebaot ol gudfala frut we oli kamaot taem yufala i wokem ol teritori blong yufala. ?I gat samfala long kongregesen we hemia fastaem long olgeta blong joen long wok blong prij? Talem sam gudfala toktok we ol man long ol haos oli bin talem. ?I gat sam pablisa we oli bin statem sam Baebol stadi? Sipos yes, letem olgeta oli eksplenem no mekem pleplei blong soemaot olsem wanem oli bin mekem olsem. Talem long evriwan se oli mas tingbaot blong mekem intres we ol man oli bin soem i gru moa.
20 menet: “!Gohed Blong Prij!” Wan tok mo askem kwestin long samfala. Sam long yumi oli bin joen long ogenaesesen blong Jeova mo oli bin gohed long wok blong prij long ful laef blong olgeta. Olgeta ya oli bin holem gudfala tingting oltaem, mo oli faenem glad from wok ya. (Lukluk Save buk, pej 179, haf 20, mo Wajtaoa blong Mei 1, 1992, pej 21-22, haf 14-15.) Singaot wan pablisa we i joen long wok blong prij blong plante yia finis, mo askem hem blong talem ol risen from wanem hem i gohed oltaem long wok ya.
Singsing 141 mo laswan prea.
Wik We i Stat Long Novemba 27
Singsing 153
10 menet: Lokol mesej. Talem bakegen long ol pablisa se oli no mas fogetem ripot blong prij blong manis Novemba. Ol buk we yumi seremaot long manis Disemba hemia Save buk wetem New World Translation mo wan narafala buk we yumi save seremaot tu hemia Man We i Hae Moa. Eksplenem olsem wanem ol Witnes blong Jeova oli bin givhan bigwan long wok blong tanem Baebol i go long plante narafala lanwis.—Lukluk Wajtaoa blong Oktoba 15, 1997, pej 11-12.
20 menet: Yusumgud Buk Ya Reasoning. Wan tok wetem kwestin mo ansa long pej 7-8. Soem olsem wanem buk ya i stret blong halpem yumi blong rere gud blong joen long wok blong prij mo karem frut. Eksplenem olsem wanem blong yusum buk ya taem yumi tekem janis blong prij long ol man. Mekem wan pleplei blong soemaot olsem wanem blong faenem wan gudfala rod blong ansa long kwestin we man i askem. Pulum evriwan blong stadi moa long buk ya, putum i stap oltaem long basket blong prij, mo yusum hem oltaem.
15 menet: ?Olsem Wanem Mi Save Skelemgud Taem We Mi Spenem Blong Lukluk Televisin? Wan elda i toktok wetem wan yangfala brata we i spenem plante aoa long dei blong lukluk televisin. Fastaem, yangfala brata i strong blong talem se i no gat samting i rong long fasin ya we hem i stap folem. Hem i se, hemia i jes wan taem blong spel smol mo i no pulum hem blong mekem i nogud. Elda ya i pulum hem blong luklukbak long sam poen we oli stap long japta 36 blong buk ya Young People Ask. Hem i eksplenem se fasin blong lukluk televisin bitim mak i westem gudfala taem we maet yumi save yusum blong mekem narafala samting olsem stadi wanwan, go long wok blong prij, no mekem sam wok blong halpem kongregesen. Yangfala brata ya i talem tangkiu from ol gudfala advaes ya mo i talem se bambae hem i jenisim fasin blong hem blong lukluk televisin, blong hem i save kam strong long saed blong spirit.
Singsing 175 mo laswan prea.
Wik We i Stat Long Disemba 4
Singsing 189
10 menet: Lokol mesej. “?Bambae Yu Talem Wanem Long Mesin We i Ansarem Telefon?”
15 menet: Lokol nid.
20 menet: “Tok We Wan Man i Talem Long Prapa Taem Blong Hem.” Wan tok wetem sam kwestin mo pleplei. Plante long yumi i gat tingting ya se yumi no naf blong storian wetem ol narafala. Yumi gat rong tingting ya se i nidim spesel save blong kasem gudfala frut long rod ya. Eksplenem olsem wanem yumi evriwan, ol niufala pablisa wetem ol yang wan tu, yumi save traehad blong statem storian wetem ol narafala. Lukluk ol defren fasin blong storian we oli stap long haf ya, soem se oli isi nomo, mo askem tu no tri pablisa blong mekem pleplei long olgeta. Yusum Kingdom Wok Blong Yumi blong Maj 1998, pej 8, blong kasem sam narafala rod blong statem storian wetem man. Pulum evriwan blong gat gudfala tingting oltaem blong bambae oli faenem moa glad long wok blong prij we oli mekem.
Singsing 218 mo laswan prea.