Ol Miting Blong Kingdom Wok

Wik We i Stat Long Eprel 9

Singsing 93

15 menet: Lokol mesej. Jusum sam Advaes long Kingdom Wok Blong Yumi. Talemaot namba blong ol man we oli kam long Memoriol. Askem olgeta we oli lesin blong oli tokbaot glad blong ol niuwan we oli kam long Memoriol. Talem long evriwan blong lukluk video ya The Bible​—Its Power in Your Life, blong rere from wan storian long Miting Blong Kingdom Wok long wik blong Eprel 23.

10 menet: Ansa Long Wan Kwestin. Wan elda i givim tok ya. Tokbaot ol impoten samting long saed blong ol haos blong mekem buk stadi long hem​—Lukluk bokis blong Ansa Long Wan Kwestin long Kingdom Wok blong Februari 1983 (Inglis).

20 menet: “Gohed ‘Oltaem Nomo’ Long Wok Blong Yu Blong Prij.”a Askem tu no tri pablisa blong oli talem sam ekspiriens we i mekem olgeta i glad, taem oli halpem narafala olsem paragraf 3-5 i stap tokbaot.

Singsing 80 mo laswan prea.

Wik We i Stat Long Eprel 16

Singsing 145

10 menet: Lokol mesej. Ripot blong ol kaon. I gat tu wik nomo i stap long Eprel, taswe leftemap tingting blong evriwan blong joen long wok blong prij bifo manis i finis.

15 menet: Lokol nid.

20 menet: “Wan Storian We i Isi Mo i Klia i Beswan.”b Tokbaot ol poen long haf ya “!Yumi Mas Go ‘Stret Long Poen’!” insaed long Kingdom Wok blong Julae 1999, pej 4. Mekem wan no tu pleplei long saed ya.

Singsing 146 mo laswan prea.

Wik We i Stat Long Eprel 23

Singsing 163

5 menet: Lokol Mesej.

15 menet: “Mekem Plan Fastaem​—?Blong Mekem Wanem?” Wan Tok. Tokbaot sam poen long Wajtaoa blong Novemba 1, 2000, pej 18-21.

25 menet: “Tingting Blong Yufala Long Saed Blong Video Kaset Ya The Bible​—Its Power in Your Life.” Storian wetem olgeta we oli stap lesin. I gud blong luk ekspiriens we i stap long 1997 Yearbook, pej 54, paragraf 1, we i soem olsem wanem blong yusumgud ol video blong Sosaeti. Long Jun, bambae yumi tokbaot bakegen video kaset ya Jehovah’s Witnesses Stand Firm Against Nazi Assault.

Singsing 202 mo laswan prea.

Wik We i Stat Long Eprel 30

Singsing 215

10 menet: Lokol mesej. Talem long ol pablisa blong givim ripot blong prij blong manis Eprel. Ol brata we oli lidim ol Buk Stadi oli mas jekem wetem evriwan long grup blong olgeta se oli givim ripot blong olgeta finis, long rod ya oli save hivimap olgeta ripot bifo Mei 6.

15 menet: “Givim Gudfala Witnes Long Ol Man Raonabaot Long Yu.”c Tokbaot sam moa rod blong givim witnes tru long fasin blong yumi.​—Lukluk Wajtaoa blong Novemba 1, 1997, pej 18, paragraf 16.

20 menet: Ol Paenia Oli Givhan Long Ol Narafala. Brata we i lukaot long wok blong prij i mekem tok ya mo i askem kwestin long sam pablisa. Lukluk bakegen program ya, “Ol Paenia Oli Givhan Long Ol Narafala” we i stap long Kingdom Wok blong Septemba 1998, pej 4. Tokbaot sam gudfala samting we i bin hapen long ples blong yufala. Askem kwestin long wan paenia we i bin givhan long narafala pablisa mo askem kwestin long wan pablisa we i bin kasem help olsem. Soem olsem wanem tufala tugeta i bin kasem gudfala frut taem tufala i wok tugeta long wok blong prij. Askem ol narafala blong oli tekem janis blong joen long wok ya long ol nekis manis we i kam.

Singsing 216 mo laswan prea.

Wik We i Stat Long Mei 7

Singsing 84

10 menet: Lokol Mesej.

15 menet: “God i Save Mekem Olgeta Samting.”d Tekem smoltaem blong tokbaot wanem we i stap insaed long buk ya Proclaimers, pej 443, soem mak we oli bin kasem long wok blong prij long 1935, mo olsem wanem taem yumi skelem wetem ol namba long Yearbook no long Wajtaoa blong Januware 1, 2001. Soemaot olsem wanem i no isi nating blong mekem wok i kam bigwan.

20 menet: ?Olsem Wanem Famle Blong Yumi i Save Soemaot Fasin Tabu? Wan Elda mo famle blong hem no wan narafala famle oli tokbaot ol poen long Wajtaoa blong Ogis 1, 1996, long pej 17-20. Tokbaot ol rod blong soemaot fasin tabu long haos, wetem ol famle, long kongregesen, long ol man raonabaot long yumi, long skul mo ples blong wok.

Singsing 70 mo laswan prea.

[Futnot]