Ol Miting Blong Kingdom Wok

Wik We i Stat Long Oktoba 8

Singsing 109

10 menet: Lokol mesej. Jusum sam Advaes we oli stap long Kingdom Wok Blong Yumi. Talem long evriwan blong lukluk video kaset ya, United by Divine Teaching, blong rere from ol kwestin long Miting Blong Kingdom Wok long wik blong Oktoba 22.

35 menet: “?Yu Yu Stap Mekem Ol Samting We Yu Bin Lanem Long Distrik Asembli?” Brata we i lidim Wajtaoa Stadi i mekem haf ya. Askem sam kwestin long kongregesen blong oli tokbaot program blong asembli. Afta long fastok blong wan menet, spenem 10-​12 menet blong tokbaot program blong wanwan dei. Soemaot kwiktaem nomo ol bigfala poen aninit long wanwan smol stamba tok, mo biaen, askem long kongregesen blong tokbaot (1) olsem wanem oli traehad blong mekem advaes i wok, (2) gudfala frut we i kamaot taem oli mekem olsem, mo (3) wanem samting moa we oli harem se oli mas mekem. Yusum ol kwestin we oli pulum tingting blong kongregesen, blong mekem tok ya i laef. Halpem olgeta evriwan blong kasem save se oli nidim blong mekem samting we oli lanem.

Singsing 151 mo laswan prea.

Wik We i Stat Long Oktoba 15

Singsing 113

10 menet: Lokol mesej. Ripot blong ol kaon.

15 menet: ?Yu Yu Gat “Wan Hat We i Obei”? (1 King 3:9) Wan elda i mekem tok ya we i stanap long Wajtaoa blong Julae 15, 1998, pej 29 kasem 31. Tokbaot sam rod we yumi save folem blong soemaot fasin obei long kongregesen.

20 menet: Yusum Gud Ol Magasin Blong Yumi. Elda we i lukaot long wok blong prij mo brata we i lukaot long ol magasin, tufala i tokbaot wari we tufala i gat long saed blong fasin blong seremaot ol magasin. Oli skelem namba blong ol magasin we kongregesen i kasem evri manis wetem hemia we ol pablisa oli seremaot. I klia se plante magasin oli stap slip nomo long haos blong yumi, no yumi sakem olgeta. ?Olsem wanem ol pablisa oli save yusum gud ol magasin? Tufala brata i tokbaot ol seven poen we oli bin kamaot long Miting Blong Kingdom Wok, long wik blong Oktoba 4, 1999, we i karem nem ya, “!No Fogetem Ol Magasin!” Tufala i lukluk bakegen stori we i stap long Wajtaoa blong Februari 15, 1998, long pej 28 mo 29, mo tokbaot sam rod we maet yumi save folem long ples blong yumi. Tufala i leftemap tingting blong evriwan blong oli traem ol rod blong storian we oli stap kamaot evri manis long Kingdom Wok Blong Yumi.

Singsing 156 mo laswan prea.

Wik We i Stat Long Oktoba 22

Singsing 120

10 menet: Lokol mesej. Yusum ol advaes long pej 8 blong mekem tu smol pleplei blong soemaot rod blong seremaot magasin, wan i yusum Wajtaoa blong Oktoba 15 mo narawan, Wekap! blong Oktoba 22 (Inglis/Franis).

10 menet: ?Bambae Yu Yu Ansa Olsem Wanem? Blong smol taem nomo, poenemaot pej 204 mo 205 blong Reasoning buk, we i givim klia ansa long kwestin ya, “?Olsem wanem ol Witnes blong Jeova oli faenem stret mining blong ol samting we oli eksplenem long Baebol?” Mekem wan pleplei we oli reregud long hem blong soemaot olsem wanem blong ansa long kwestin ya long wan visit, mo biaen, singaot hem i kam long ol miting blong kongregesen.

25 menet: “Lukluk Trufala Fasin Joen Blong Ol Brata Long Video Kaset Ya​—United by Divine Teaching.” Kwestin mo ansa. Yusum faswan mo laswan paragraf olsem fastok mo lastok blong haf ya. Blong mekem se storian long saed blong video kaset ya i laef, askem olgeta kwestin we oli stap. Sipos samfala long kongregesen oli joen finis long asembli long narafala kantri, askem olgeta blong talemaot filing blong olgeta taem oli luk fasin joengud blong ogenaesesen blong yumi long ful wol. Sipos i no gat, askem long samfala blong tokbaot sam nambawan stori we oli stap long Yearbook blong 1994, pej 7 kasem 9, mo Yearbook blong 1995, pej 8 kasem 11. Long Disemba, bambae yumi lukluk video kaset ya, To the Ends of the Earth.

Singsing 47 mo laswan prea.

Wik We i Stat Long Oktoba 29

Singsing 164

12 menet: Lokol mesej. Talem long ol pablisa blong putum ripot blong olgeta blong manis Oktoba. Long manis Novemba, yumi seremaot buklet Wanem mo Save buk. Mekem smol pleplei ya: “Tede, plante man oli faenem i had tumas blong kasem ol samting we oli nidim blong laef, from problem long saed blong mane. ?Yu yu ting se ol gavman oli save stretem problem ya long wan rod we i mekem se olgeta man oli kasem ol samting we oli nidim? [Letem man i ansa.] Promes ya we i stap long Baebol i leftemap tingting blong mi.” Ridim Ol Sam 72:​12-​14. Biaen, soemaot Wanem buklet no Save buk, mo joenem wan smol tok we i stap insaed long buk.

15 menet: Lokol nid.

18 menet: “Kakae Gud Long Saed Blong Spirit.”a Askem kongregesen blong oli ademap sam poen we oli kamaot long Wajtaoa blong Eprel 15, 1997, pej 28 kasem 31, blong eksplenem from wanem mo olsem wanem yumi mas traehad blong holemtaet wan gudfala fasin blong kakae long saed blong spirit.

Singsing 181 mo laswan prea.

Wik We i Stat Long Novemba 5

Singsing 167

10 menet: Lokol mesej. Yusum ol advaes long pej 8 blong mekem tu smol pleplei blong soemaot rod blong seremaot magasin, wan we i yusum Wajtaoa blong Novemba 1 mo narawan i yusum Wekap! blong Oktoba-Disemba.

18 menet: Famle i Reregud From Ol Miting. Papa i storian wetem famle blong hem olsem wanem evriwan oli save reregud blong ansa long ol miting. Blong mekem rere ansa we bambae oli givim long Wajtaoa Stadi blong wik ya, oli yusum advaes we i stap long Wajtaoa blong Julae 1, 1999, pej 19 mo 20, paragraf 9. (1) Wanwan memba blong famle i jusum wan no tu kwestin we oli save ansa long olgeta. (2) Afta we oli ridim paragraf we i joen wetem kwestin, oli ansa long prapa toktok blong olgeta. (3) Oli jusum ol stamba vas we i stap, mo tokbaot olsem wanem ol vas ya oli joen wetem stadi, mo oli tokbaot olsem wanem oli save yusum ol vas ya long ansa blong olgeta. Evriwan oli wantem tumas blong ansa long miting.

17 menet: “?Wanem Mak Yumi Mas Kasem?”b Makem klia se i impoten blong givhan long ol Baebol studen, blong oli kasem save se i impoten tumas blong kam long ol miting blong kongregesen. Soemaot olsem wanem blong mekem olsem wetem wan pleplei we oli reregud long hem, mo yusum japta 17 blong Save buk, long paragraf 6 kasem 8.

Singsing 186 mo laswan prea.

[Futnot]