Ol Miting Blong Kingdom Wok

Wik We i Stat Long Maj 11

Singsing 2

10 menet: Lokol mesej. Jusum sam Advaes we oli stap long Kingdom Wok Blong Yumi.

15 menet: ?Olsem Wanem Mi Save Wok Moagud Long Skul? Wan elda wetem woman blong hem no wan man blong givhan wetem woman blong hem, tufala i storian wetem pikinini blong tufala we i stap skul yet. Tufala ya i wari from we pikinini i no stap wokgud long skul. Tufala i tokbaot advaes long buk ya Young People Ask, japta 18, mo tokbaot wanem we pikinini i mas mekem blong kamgud moa. Tufala i makem se i impoten blong skulgud from we biaen pikinini i save yusum save blong hem fulwan blong mekem tabu wok blong God.

20 menet: “Mekem Ol Gudfala Wok, Mo Kam Rij Long Fasin Ya.”a Elda we i lukaot long wok blong prij i mekem tok ya. Pulum evriwan blong oli joen fulwan long wok blong prij blong mekem rere from Memoriol long Maj 28. Tokbaot olsem wanem oli save yusum gud smol pepa blong singaotem ol man oli kam. Askem ol pablisa blong oli tokbaot olsem wanem oli pulum famle blong olgeta, ol man we oli stap klosap long olgeta, ol Baebol stadi, mo ol narafala man we oli intres, blong oli kam long Memoriol las yia, mo olsem wanem oli kasem glad from. Leftemap tingting blong evriwan we oli naf blong oli mekem wok blong haftaem paenia mo blong oli fulumap pepa afta long miting ya.

Singsing 82 mo laswan prea.

Wik We i Stat Long Maj 18

Singsing 7

15 menet: Lokol mesej. Ripot blong ol kaon. Tokbaot “Ol Samting Blong Tingbaot Long Memoriol.” Leftemap tingting blong evriwan blong folem Baebol riding blong Memoriol long Maj 23-28, long Ridimgud Ol Tok Blong Baebol Evri Dei—2002. Yusum advaes we i stap long pej 8, mekem tu pleplei blong soemaot olsem wanem blong seremaot Wajtaoa blong Maj 15 mo Wekap! blong Maj 22 (Franis mo Inglis). Long tufala pleplei ya, soemaot tu defren rod blong ansa long tok ya we man i save sakem blong blokem yumi: “Mi mi no intres.”—Lukluk Reasoning buk, pej 16.

12 menet: Holemtaet Kristin Fasin Blong No Joen Long Wol. Wan elda i givim tok ya. Fasin blong leftemap kantri blong yumi i stap kam bigwan moa long skul, long ples blong wok, mo long ol ples raonabaot long yumi. Plante man oli mekem fasin ya blong winim wari mo soa we oli kasem from ol trabol we i kamaot long kantri blong olgeta. Nating sipos yumi tu yumi harem nogud from ol samting we oli stap hapen long wol, be yumi kasem save long bigfala kwestin ya long saed blong hae rul blong God long heven mo wol, mo gud nius blong Kingdom tu i mekem yumi harem gud. Taem yumi eksplenem long kaen fasin from wanem yumi no joen long ol wok blong leftemap kantri blong yumi, yumi mas talemaot tu, gudfala fiuja mo tok we yumi faenem long Tok blong God. Buklet ya Jehovah’s Witnesses and Education, pej 20 kasem 24, aninit long smol stamba tok ya “The Flag Salute” (“Givim Ona Long Flag”) i eksplenem from wanem yumi no joen long ol lafet blong leftemap kantri. Tokbaot ol bigfala poen, mo leftemap tingting blong ol papa mama blong oli lukluk gud ol poen ya bakegen wetem ol pikinini blong olgeta. Tokbaot ol stori we oli stap long pej 20 long buklet ya mo long pej 31 long Wekap! blong Jenuware 8, 1996, long Inglis mo Franis. Makem klia se yumi mas givim ona long Jeova nomo, be yumi mas respektem gavman.

18 menet: “Glad Blong Joengud Wetem Jeova Mo Pikinini Blong Hem.” Wan elda i yusum Baebol blong givim wan tok we i pulum ol man blong wok. Leftemap tingting blong evriwan blong oli traehad moa naoia kasem Maj 28 blong singaotem plante moa man oli kam long Memoriol.

Singsing 45 mo laswan prea.

Wik We i Stat Long Maj 25

Singsing 12

8 menet: Lokol mesej. Eksplenem se i no let tumas yet blong fulumap pepa blong mekem haftaem paenia long Eprel.

17 menet: Yusum Reasoning Buk Blong Leftemap Tingting. Storian mo askem sam kwestin. Sam samtaem yumi evriwan i nidim we narafala i leftemap tingting blong yumi wetem lav. Taswe, yumi mas harem se yumi nidim blong “leftemap tingting” blong ol narafala, wetem olgeta ya tu we yumi mitim long wok blong prij we oli stap harem nogud. (1 Tes. 5:14) Yusum Reasoning buk, askem long kongregesen blong oli talem wanem vas long Baebol oli save yusum blong leftemap tingting blong man we i kasem wan long ol trabol we i stap long pej 117 kasem 121. Talem se wanwan long yumi i mas traem blong leftemap tingting blong narafala taem i gat nid.—Gal. 6:10.

20 menet: Lokol nid.

Singsing 131 mo laswan prea.

Wik We i Stat Long Eprel 1

Singsing 27

7 menet: Lokol mesej. Talem long ol pablisa blong oli givim ripot blong prij blong Maj.

18 menet: “‘Ol Man We Oli Olsem Presen’ Oli Glad Blong Lukaot Long Ol Sipsip Blong God.” Wan elda i givim tok ya. Tokbaot ol vas we oli stap. Soemaot ol gudfala frut we i save kamaot mo i stap kamaot, taem ol elda oli visitim olgeta we oli no moa prij, mo taem oli givhan long olgeta we oli sik mo olfala. Ol man blong lukaot long sipsip we oli gat lav oli soemaot tangkiu long olgeta we oli traehad wetem ful hat blong olgeta blong gohed oltaem long wok blong Jeova.

20 menet: “Kasem Moa Glad Long Wok Blong Prij.”b Long paragraf 5, askem kongregesen blong talem olsem wanem yumi save kasem moa gudfala frut long teritori blong yumi. Yusum ol advaes long pej 8, mekem wan no tu pleplei blong soem olsem wanem yumi save tekem faswan step blong stat storian wetem wan man mo givim smol witnes long hem. Wan elda i mekem pleplei blong seremaot Wajtaoa blong Eprel 1 mo wan yangfala i mekem pleplei blong seremaot Wekap! blong Eprel 8 (Franis mo Inglis). Afta long wanwan pleplei, tokbaot ol gudfala poen blong pleplei ya. Pulum evriwan blong oli lukaot janis blong prij long wik ya.

Singsing 15 mo laswan prea.

[Ol futnot]