Pepa Blong Lukluk Bakegen Ol Poen Blong Tiokratik Skul
Yumi klosem ol buk blong lukluk ol poen we Tiokratik Skul i storebaot long ol wik bitwin Janeware 7 mo Eprel 22, 2002. Yusum wan spesel pepa blong raetemdaon ansa blong yu. Traem ansa long olgeta kwestin we yu save ansarem long taem blong miting ya.
[Not: Long taem blong lukluk bakegen ol poen blong Tiokratik Skul, yu save yusum Baebol nomo. Ol refrens we oli stap biaen long ol kwestin, yu save yusum olgeta long haos blong yu.]
Raetem “Tru” no “Giaman” biaen long ol tok ya:
1. Long Prija 2:2, Solomon i stap talem se yumi no mas laf mo soemaot glad. [Baebol Riding Blong Wik; lukluk w87 (Ing mo Fr) 9/15 pej 24 haf 5.]
2. Prija i no wan buk we i tokbaot nogud saed blong ol samting, be hem i fulap long ol sas trutok mo waes we i kamaot long God, mo hem i soemaot se ol wok we oli pulum trabol i kam long man, hemia olgeta we oli no joen wetem God. [si pej 114 haf 15]
3. Long Aesea 1:7, profet i tokbaot olsem wanem ol ami oli flatem Juda taem King Ahas i rul. [Baebol Riding Blong Wik; lukluk ip-1 pej 17 haf 16.]
4. Taem Revelesen 7:9 i tokbaot olgeta we oli “stanap long fran blong bigfala jea blong king, mo long fes blong smol Sipsip ya,” hem i stap tokbaot heven. [rs pej 167 haf 5]
5. Taem yumi gat gladhat blong “ona long Jeova” wetem taem, save, paoa, mo olting blong yumi, Jeova i givim fulap blesing long saed blong spirit. (Prov. 3:9, 10, NW) [w00 1/15 pej 25 haf 1]
6. Wok ya we Aesea 28:21 i talem se ‘i narafala, mo yumi no save mining blong hem,’ tede hem i minim wok blong spolem ol nesen long Amagedon. [Baebol Riding Blong Wik; lukluk ip-1 pej 295 haf 16; pej 301 haf 28.]
7. Olsem Matiu 24:38, 39 i soemaot, fasin blong kakae mo dring mo sam narafala wok blong laef, oli mekem se ol man long taem blong Noa oli lus long Bigfala Wota we i ron. [w00 2/15 pej 6 haf 6]
8. Oltaem Jeova i ansa long prea blong ol man blong hem we oli gat tingting daon mo we oli mekem wok blong hem wetem fasin we oli no tingbaot olgeta nomo. [w00 3/1 pej 4 haf 3]
9. “Ol man blong ol narafala kantri” we Aesea 60:3 i tokbaot, hemia wanwan politik nesen we laet blong God i pulum olgeta. [Baebol Riding Blong Wik; lukluk w00 1/1 pej 12 haf 4.]
10. Jeova i mekem Jeremaea i “tabu” bifo we hem i bon, taem hem i makemaot fulwan fiuja blong hem. (Jer. 1:5) [Baebol Riding Blong Wik; lukluk w88 (Ing mo Fr) 4/1 pej 10 haf 2.]
Ansa long ol kwestin ya:
11. ?Wanem mining blong tok long Prija 11:1 (NW), se “sakem bred i go”? [Baebol Riding Blong Wik; lukluk w87 (Ing mo Fr) 9/15 pej 25 haf 11.]
12. ?Long Aesea 6:8, Jeova i minim hu taem i tokbaot “mifala”? [Baebol Riding Blong Wik; lukluk ip-1 pej 93 mo 94 haf 13.]
13. ?Blong fulumap Aesea 9:2, olsem wanem “wan bigfala laet” i saen long Galili? [Baebol Riding Blong Wik; lukluk ip-1 pej 126 haf 17.]
14. ?Taem Babilon i foldaon long 539 B.K.T. mo biaen i lus olgeta, samting ya i pija blong wanem samting tede? (Aes. 13:19, 20; 14:22, 23) [Baebol Riding Blong Wik; lukluk ip-1 pej 188 haf 30 mo 31.]
15. ?Olsem wanem “slef we i stret mo waes” i wok olsem “wajman” we Aesea 21:6 i tokbaot? (Mat. 24:45, NW) [Baebol Riding Blong Wik; lukluk ip-1 pej 221 mo 222 haf 11.]
16. ?Ol Proveb 31:10 i givim wanem waes advaes long yangfala man we i stap lukaot wan waef? [w00 2/1 pej 31 haf 1]
17. ?Long Aesea 43:9, Jeova i singaot ol god blong ol kantri blong mekem wanem? [Baebol Riding Blong Wik; lukluk w88 (Ing mo Fr) 2/1 pej 16 haf 3.]
18. ?Long wanem fasin, leg blong olgeta we oli talemaot gud nius blong Kingdom blong God i “naes”? (Aes. 52:7, NW) [Baebol Riding Blong Wik; lukluk w97 4/15 pej 27 haf 6.]
19. ?Sipos yumi no wantem we hat blong yumi i giaman long yumi, yumi mas mekem wanem? (Jer. 17:9) [w00 3/1 pej 30 haf 4]
20. ?Olgeta we oli ‘wokbaot long rod blong Jeova’ oli mas mekem wanem? (Jer. 7:23, NW) [Baebol Riding Blong Wik; lukluk w99 8/15 pej 29 haf 6.]
Raetem ol stret tok long ol emti ples:
21. “Hat blong waes man i stap long raet han blong hem.” Plante taem, “raet han” i minim ․․․․․․․․ . Ale, tok ya i minim se ․․․․․․․․ blong hem i pusum hem blong folem rod we i gud mo we God i glad long hem. (Pri. 10:2, NW; Mat. 25:33) [Baebol Riding Blong Wik; lukluk w87 (Ing mo Fr) 9/15 pej 25 haf 8.]
22. Sam fasin we Sing blong Solomon i lanem yumi long olgeta hemia ․․․․․․․․ mo ․․․․․․․․ long ol rul blong God. [si pej 117 haf 16]
23. Kantri we Aesea 33:1 i tokbaot se i spolem ol taon blong Juda, hemia ․․․․․․․․ . Be narafala kantri i winim hem long 632 B.K.T., mo i livim plante samting oli stap blong ol man ․․․․․․․․ . Olgeta ya oli “resis olbaot olsem ol kakros blong karem ol samting ya.” (Aes. 33:4, NW) [Baebol Riding Blong Wik; lukluk ip-1 pej 343 haf 4; pej 345 haf 6.]
24. Taem yumi skelem Aesea 54:1 wetem Galesia 4:26, 27, yumi luksave se woman we i “no save karem pikinini,” hemia “ ․․․․․․․․ .” “Woman we man blong hem i no lego hem,” hemia ․․․․․․․․ . [Baebol Riding Blong Wik; lukluk w95 8/1 pej 11 haf 8.]
25. Taem yumi faenem sam man long wok blong prij we oli jikim yumi mo oli agensem yumi, yumi mas rimemba se oli no rili agensem ․․․․․․․․ , be oli agensem ․․․․․․․․ we hem i Stamba blong mesej blong yumi. (2 Kor. 4:1, 7) [w00 1/15 pej 21 haf 2]
Putum wan mak aninit long ol stret tok:
26. Taem Pol i tokbaot vison we hem i luk we i soemaot bigfala paoa blong Jisas taem hem i stap long heven, hem i talem se hem i “olsem wan pikinini we i no bon long stret taem blong hem.” Hemia i min se (tabu spirit i jes makemaot hem; hem i kasem kwiktaem wok ya blong kam aposol blong ol hiten man; i olsem we hem i kasem blesing blong bon, no laef bakegen olsem wan spirit man, bifo long stret taem blong hem). (1 Kor. 9:1; 15:8) [w00 1/15 pej 29 haf 6]
27. Nem ya “Papa we bambae i Stap Oltaem” i tokbaot paoa mo raet we Mesaea mo King i gat blong givim long ol man (paoa long saed blong spirit; laef long heven we i no save lus samtaem; janis blong kasem laef blong olwe long wol ya). (Aes. 9:6; Jon 11:25, 26) [Baebol Riding Blong Wik; lukluk ip-1 pej 131 haf 26.]
28. “Pikinini boe” we Aesea 66:7 (NW) i tokbaot, hemia (Jisas Kraes; Kingdom blong Mesaea; niufala nesen long saed blong spirit long 1919). [Baebol Riding Blong Wik; lukluk w95 1/1 pej 11 haf 3.]
29. Taem yumi ridimgud Matiu 10:28, yumi luksave se faea blong Gehena (hem i ples we man i safa; hem i minim ded blong olwe; hem i minim se man i stap badfren wetem God). [rs pej 173 haf 3]
30. Jeremaea 7:28 (NW) i tokbaot kantri ya we “neva i obei long Jeova.” Tede, kantri ya i minim (Bigfala Babilon; Krisendom; namba seven politik paoa blong wol). [Baebol Riding Blong Wik; lukluk w88 (Ing mo Fr) 4/1 pej 18 haf 10.]
Joenem ol tok ya wetem ol vas ya:
Prov. 24:16; Prija 3:11; Aes. 40:8; Rom 10:15; 1 Pita 4:6
31. Long stret taem, God bambae i soemaot olsem wanem ol wanwan wok blong hem oli joen wetem stamba tingting blong hem. [Baebol Riding Blong Wik; lukluk w87 9/15 pej 24 haf 8.]
32. Wok blong talemaot gud nius long olgeta we oli ded long saed blong spirit i givim janis long olgeta blong tanem tingting. [rs pej 163 haf 5]
33. Nating se yumi no save blokem evri trabol long laef, man we i ona long God bambae i gohed nomo blong mekem samting we i stret. [w00 2/1 pej 5 haf 1]
34. Tok blong God, no tingting we hem i talemaot finis, i no gat samting i save spolem no blokem hem blong i no kamtru. [Baebol Riding Blong Wik; lukluk ip-1 pej 401 mo 402 haf 10.]
35. Ol aposol blong Jisas oli yusum profet tok blong Aesea, oli talem se hem i tokbaot wok blong prij. [si pej 123 haf 37]