Ol Miting Blong Kingdom Wok

Wik We i Stat Long Eprel 8

Singsing 39

8 menet: Lokol mesej. Jusum sam Advaes long Kingdom Wok Blong Yumi.

17 menet: Lokol nid.

20 menet: “Mekem i Gud Long Olgeta Man.”a Kwestin mo ansa fastaem, nao askem kwestin long wan no tu pablisa blong oli talemaot ol rod we oli stap yusum blong mekem moa long wok blong prij.

Singsing 157 mo laswan prea.

Wik We i Stat Long Eprel 15

Singsing 101

13 menet: Lokol mesej. Ripot blong ol kaon. Yusum advaes long pej 8 mo mekem tu pleplei blong seremaot Wajtaoa blong Eprel 15 mo Wekap! blong Eprel 22. Long tufala pleplei ya, soemaot tu defren fasin blong ansa long tok we man i save sakem blong traem blokem yumi se: “Mi mi gat skul finis.”—Lukluk Reasoning buk, pej 18 mo 19.

15 menet: Ol Paenia Oli Gohed Blong Givhan Long Ol Narafala. Elda we i lukaot long wok blong prij i storian wetem wan brata we i lukaot long Buk Stadi, wan paenia, mo wan pablisa. Elda i tokbaot plan ya we Ol Paenia Oli Givhan Long Narafala, olsem Kingdom Wok Blong Yumi, Septemba 1998, pej 4, i tokbaot. Nao hem i storian long wanwan long grup ya long wok we oli mekem blong folem plan ya mo olsem wanem plan i wok gud. ?Oli mekem wanem blong plan ya i karem frut? Elda i talemaot long ol pablisa se oli mas kam luk hem sipos oli wantem help long wok blong prij. Sam we oli kasem help finis, oli save kasem help bakegen long wan narafala haf blong wok blong prij.

17 menet: “Wok Blong Fultaem Paenia i Karem Bigfala Glad.”b Pulum ol yangfala blong fulumap pepa blong haftaem paenia blong ol manis we oli kam.

Singsing 199 mo laswan prea.

Wik We i Stat Long Eprel 22

Singsing 90

8 menet: Lokol mesej.

12 menet: !Yu No Mas Let! Wan tok. Ol wok we i joen wetem wosip blong yumi mo wok blong prij oli impoten. ‘God i putum stret taem’ blong olgeta. (Pri. 3:1) Yumi mas joen fulwan long ol plan long saed blong wok we yumi mekem i go long God. Ol miting blong kongregesen mo ol miting blong prij oli mas stat long stret taem. Jeova i neva let blong mekem ol wok blong hem. (Hab. 2:3) ?Yumi nidim blong kam gud moa long saed ya? Maet wanwan taem yumi let from we i gat wan samting i kamaot we yumi no save blokem. Be sipos yumi plan gud, yumi no nid blong stap let oltaem, olsem taem yumi kamtru long miting afta we singsing mo prea i finis, no yumi kamtru long miting blong prij afta we ol brata mo sista oli seraot finis. Tokbaot sam rod blong kam gud moa, blong yumi no let long ol wok blong yumi long saed blong spirit.—Lukluk Wajtaoa, Jun 15, 1990, pej 29.

25 menet: “Ol Famle We Oli Strong Long Saed Blong Spirit—?From Wanem?”c Afta we yufala i tokbaot haf ya tugeta, talem sam stori long saed ya we oli stap long Wajtaoa, Februari 15, 1999, pej 10-12.

Singsing 191 mo laswan prea.

Wik We i Stat Long Eprel 29

Singsing 162

10 menet: Lokol mesej. Talem long ol pablisa blong oli givim ripot blong prij blong Eprel. Yusum ol advaes long pej 8, ale askem long wan man blong givhan blong mekem pleplei blong seremaot Wajtaoa blong Mei 1. Askem long wan sista blong mekem pleplei blong seremaot Wekap! Epril-Jun. Afta long wanwan pleplei ya, talem bakegen fastok we tufala i bin yusum blong pulum intres blong man blong haos.

15 menet: “!Wok Blong Talemaot Kingdom i Givhan Blong Sevem Laef Blong Ol Man!”d Askem kongregesen blong talem olsem wanem ol vas oli laenap wetem haf ya.

20 menet: Yusum Reasoning Buk Blong Faenem Ansa Long Ol Strong Kwestin. Kwestin mo ansa. Long wok blong prij i gat plante kwestin oli kamaot we ansa blong olgeta i no stap aninit long haf ya “Principal Subjects” (pej 5-6) long Reasoning buk. Haf ya “Index” (pej 439-445) i gud blong givhan long yumi blong faenem sam vas we oli sapotem ol bilif blong yumi. Askem long kongregesen blong lukluk long indeks aninit long ol tok we oli raetem long italik, blong traem faenem ansa long ol kwestin ya: ?Wanem tingting blong wan Kristin long stamba singsing blong kantri (‘anthem’) mo flaeg (‘flag’)? ?From wanem God i letem ol disasta (‘disaster’) oli hapen? ?Olsem wanem blong eksplenem tingting blong Baebol long saed blong divos (‘divorce’)? ?Wetaem ol sista oli nid blong putum kaliko long hed blong olgeta (‘head covering’), mo from wanem? ?Wanem stamba blong dei blong ol mama (‘Mother’s Day’)? ?Olsem wanem yumi save se 144,000 i wan prapa namba long Baebol, i no wan saen nomo? ?Wanem mining blong pijatok blong rij man mo Lasaros (‘rich man and Lazarus’)? Leftemap tingting blong evriwan blong oli yusum Reasoning buk long wok blong prij.

Singsing 28 mo laswan prea.

Wik We i Stat Long Mei 6

Singsing 141

12 menet: Lokol mesej. Tokbaot “Gohed Blong Kasem Ol Gudfala Samting Long Wajtaoa mo Wekap!”

15 menet: 2002 Distrik Asembli Blong Ol Witnes Blong Jeova ‘Ol Man Blong Talemaot Kingdom We Oli Wok Strong.’e Sekretari i mekem haf ya. Talem tangkiu long kongregesen from fasin blong olgeta blong mekem plan kwiktaem blong oli save stap long asembli ya.

18 menet: !Sevem Laef Blong Pikinini Blong Yu! Elda i givim tok ya we i stanap long Wajtaoa, Julae 15, 1997, pej 20-23.

Singsing 17 mo laswan prea.

[Ol futnot]