?Yumi Tokbaot Wanem Long Ol Magasin?

Wajtaoa Jualae 15

“?Wanem tingting blong yu? ?Yu ting se ol rabis man bambae oli kasem panis long hel? [Wet long ansa.] Baebol i soemaot klia wanem panis we sin i karem. [Ridim Rom 6:23a.] ?Taswe, yu ting se hel i wan faea we man i kasem panis long hem? ?No hem i minim nomo se man i stap longwe long God? Magasin ya i tokbaot ansa we Baebol i givim long ol kwestin ya.”

Wekap! Julae 22 (Inglis/Franis)

“Plante man oli ting se ol pleplei long kasino no plei laki i wan gudfala rod blong spel. Sam narafala oli ting se ol pleplei ya oli spolem famle mo ol man wanwan. Wekap! ya i tokbaot ol niufala save we oli faenemaot long saed blong ol plei laki. Mo tu, maet yu glad blong ridim ol rul blong Baebol long saed ya.” Blong soem wan tingting, yu save ridim 1 Timoti 6:10.

Wajtaoa Ogis 1

“Plante man oli ting se ol giaman tingting mo kastom long saed blong ol samting we oli givim badlak mo gudlak, oli jes ol tok plei nomo. [Soem wan no tu poen long bokis long pej 5.] ?Yu bin tingbaot, wanem nao i stamba blong ol tingting ya? [Afta we man i ansa, yu save ridim 2 Korin 11:14.] Magasin ya i tokbaot wanem we Baebol i talem long saed blong ol giaman tingting ya.”

Wekap! Jul./Sept. (Bislama)

“Ating yu yu agri se tede raf fasin i fulap long wol. [Afta we man i ansa, yu save ridim 2 Timoti 3:3.] Plante taem, ol ‘wael’ fasin oli kamaot insaed long famle. Magasin ya ‘Halpem Ol Woman We Oli Kasem Raf Fasin,’ i leftemap tingting bigwan. Maet yu save wan man no woman we yu save serem ol tingting ya wetem hem.”