Ol Miting Blong Kingdom Wok

Wik We i Stat Long Septemba 9

Singsing 209

13 menet: Lokol mesej. Jusum sam Advaes long Kingdom Wok Blong Yumi. Yusum ol tingting long pej 8 blong mekem tu pleplei blong seremaot Wajtaoa blong Septemba 1 mo Wekap! blong Septemba 8. Long tufala pleplei ya, soem tu defren rod blong ansa long tok we man i save sakem blong blokem yumi se: “Mi mi no intres long ol Witnes blong Jeova.”​—Lukluk Reasoning buk, pej 17-18.

17 menet: “Halpem Ol Narafala Blong Leftemap Jeova.”a Sipos i gat taem, tokbaot wan no tu gudfala poen we oli stap long Reasoning buk, pej 196-199 (Franis 200-202).

15 menet: ?From Wanem Oli Sot Long Bilif? Askem sam kwestin long kongregesen. Plante taem yumi mitim ol man we bilif blong olgeta i smol nomo. (2 Tes. 3:2) Blong serem trutok long saed blong Jeova wetem olgeta, fastaem yumi mas traem faenemaot from wanem tingting blong olgeta i olsem long saed blong God. Tokbaot fo poen we oli stap long Reasoning buk, pej 129-130 (Franis 168-170), hemia ol samting we oli save blokem ol man blong oli no gat bilif. Askem long kongregesen wanem fastok we yumi save yusum wetem ol wanwan poen ya. Talem stori blong wan we i bin yusum wan fastok we i karem frut, sipos no, yusum stori we i stap long Wekap! blong Ogis 22, 1993, pej 14-15.

Singsing 122 mo laswan prea.

Wik We i Stat Long Septemba 16

Singsing 163

10 menet: Lokol mesej. Ripot blong ol kaon. Sipos bambae yufala i gat plan blong mekem haf ya nekis wik, leftemap tingting blong evriwan blong oli lukluk video kaset ya “Young People Ask​—How Can I Make Real Friends?” long Franis mo Inglis.

18 menet: ?Yumi Mekem Wanem Gudfala Wok Las Yia? Elda we i lukaot long wok blong prij i givim tok ya. Talemaot ol bigfala poen long saed blong ripot blong kongregesen blong sevis yia 2002. Talem ol gudfala toktok long kongregesen from gudfala wok blong evriwan. Tokbaot hamas man oli bin kam long ol miting, wok blong kongregesen blong mekem ol visit mo Baebol stadi, wok blong haftaem paenia. Talem sam gudfala advaes blong givhan long kongregesen blong kamgud moa. Putum sam mak we oli no strong tumas we kongregesen i save traehad blong kasem long yia we i kam.

17 menet: Ol Traem Blong Wan Papa No Mama We i Lukaot Long Ol Pikinini Hem Wan. Wan elda i askem sam kwestin long wan no tu papa no mama we olgeta wan nomo oli stap lukaot long ol pikinini blong olgeta (no we hasban no waef blong olgeta i no wan Witnes). Traem faenemaot olsem wanem oli winim ol hadtaem blong tijim pikinini, stretem pikinini, mo lidim pikinini long saed blong spirit. ?Olsem wanem oli lukaot long ol wok long famle mo kam long ol miting mo long wok blong prij tu? Givim sam advaes we i kamaot long buk ya Hapi Famle, pej 104-110. Olsem pej 113-115 i talem, tokbaot sam gudfala rod we ol narafala oli save givhan long olgeta.

Singsing 149 mo laswan prea.

Wik We i Stat Long Septemba 23

Singsing 107

10 menet: Lokol mesej. Yusum ol advaes long pej 8, mo askem wan elda blong mekem pleplei blong seremaot Wajtaoa blong Septemba 15, mo wan man blong givhan i seremaot Wekap! blong Oktoba 22. Afta long wanwan pleplei ya, talem bakegen faswan tok we brata i bin talem blong pulum intres blong man blong haos.

10 menet: Lokol nid.

25 menet: “!Oli Glad Blong Lukluk!”b Long haf 1, askem long kongregesen blong talem sam sot toktok long saed blong video kaset ya Young People Ask​—How Can I Make Real Friends? Nao go stret long ol kwestin long haf 2-7. Sipos i no gat video long kongregesen, mekem wan tok long Wajtaoa blong Jun 15, 2002, pej 8-11.

Singsing 171 mo laswan prea.

Wik We i Stat Long Septemba 30

Singsing 116

15 menet: Lokol mesej. Talem long ol pablisa blong putum ripot blong prij blong Septemba. Tokbaot “Wok Blong Bildim Ol Niufala Haos Kingdom i Stap Gohed Strong.”

15 menet: ?From Wanem Ol Magasin Blong Yumi Oli Spesel? Wan tok mo askem sam kwestin long kongregesen. Long Oktoba, bambae yumi seremaot ol Wajtaoa mo Wekap! Tokbaot from wanem ol magasin ya oli spesel: (1) Oli leftemap nem blong Jeova. (2) Oli pulum man blong bilif long Jisas. (3) Oli talemaot Kingdom blong God. (4) Oli pulum man blong lukluk Baebol blong pruvum ol samting. (5) Oli eksplenem ol profet tok blong Baebol. (6) Oli soemaot from wanem ol trabol i stap kamaot long wol ya. (7) Oli soemaot olsem wanem blong stanap strong taem yumi kasem trabol long laef. (8) Oli stret long ol defdefren kaen man. (9) Oli no tekem saed long politik. Mekem tu sot pleplei, we tufala i soemaot tu long ol poen ya we yumi save yusum blong statem wan storian.

15 menet: “Lukaotgud Long Ol Samting We Tiokratik Ogenaesesen i Givim.”c Wan elda i mekem haf ya. Tokbaot sam samting we yufala i luk long kongregesen blong yufala, mo wanem we yufala i save mekem blong yusumgud ol buk mo magasin. Talem long evriwan se oli no mas tekem moa buk i bitim wanem we oli nidim. Tokbaot tu se yumi gat janis blong givim smol presen mane blong sapotem wok blong Jeova long fulwol.

Singsing 21 mo laswan prea.

Wik We i Stat Long Oktoba 7

Singsing 129

10 menet: Lokol mesej.

15 menet: “Fasin Blong Holemstrong Long God i Lidim Ol Stret Man.” Wan elda i givim tok ya we i stanap long Wajtaoa blong Mei 15, 2002, pej 24-28.

20 menet: “No Westem Taem Long ‘Wok We i No Gat Frut Long Hem.’”d Afta long haf 4, tokbaot sam poen we oli stap long pepa we i joen wetem Kingdom Wok blong Novemba 1999, haf 30-32. Long haf 5, tokbaot bokis we i stap long Wajtaoa, Oktoba 1, 1994, pej 8. Ridim haf 6 mo haf 18 long pepa we i stap insaed long Kingdom Wok blong Novemba 1999. Sipos ol haf ya oli no stret long nid blong kongregesen, tokbaot ol lokol nid.

Singsing 105 mo laswan prea.

[Ol futnot]