Ol Miting Blong Kingdom Wok

Wik We i Stat Long Novemba 11

Singsing 183

10 menet: Lokol mesej. Jusum sam Advaes long Kingdom Wok Blong Yumi. Yusum ol tingting long pej 8 blong mekem tu pleplei blong seremaot Wajtaoa blong Novemba 1 mo Wekap! blong Novemba 8. Long wan long tufala pleplei ya, tokbaot presen mane we i sapotem wok blong yumi long fulwol.—Lukluk Wajtaoa pej 2, no Wekap! pej 5.

15 menet: Ol Man We Oli Sapotem Trufala Wosip—Bifo Mo Tede. Wan tok we i stanap long Wajtaoa blong Novemba 1, 2002, pej 26-30.

20 menet: “Givhan Long Brata We i Lukaot Long Buk Stadi Blong Yu.”a Wan elda we i lukaot long Buk Stadi bambae i mekem haf ya. Long paragraf 3, tokbaot sam poen long buk ya Ministry School, pej 70. Tokbaot sam gudfala fasin we olgeta long kongregesen oli gat blong sapotem buk stadi, mo talem ol gudfala toktok long olgeta from. Long kaen fasin, soemaot sam samting we oli save kamgud moa long hem.

Singsing 114 mo laswan prea.

Wik We i Stat Long Novemba 18

Singsing 78

10 menet: Lokol mesej. Ripot blong ol kaon. Talemaot wanem ol plan blong prij we i stap blong Novemba 28. Tokbaot bokis ya “!Mekem Plan Blong Yusumgud Taem Blong Spel!”

10 menet: Ansa Long Wan Kwestin. Wan elda we i nafgud i givim tok ya.

25 menet: “Hed Blong Famle—Folem Wan Gudfala Program Long Saed Blong Spirit.” Tokbaot haf 1-3 blong smoltaem, nao askem ol kwestin long haf 4-13. Sipos i gat inaf taem, ridim ol paragraf 7, 8, 11, mo 12. Singaot wan no tu papa mama blong oli kam antap, nao askem sam kwestin long olgeta olsem: ?Wanem i bin halpem famle blong olgeta blong gat wan gudfala program blong mekem ol wok long saed blong spirit? ?Oli mas traehad olsem wanem blong mekem program ya i wok? ?Wanem gudfala frut we i bin kamaot? Blong finisim haf ya, tokbaot haf 14 blong smoltaem.

Singsing 31 mo laswan prea.

Wik We i Stat Long Novemba 25

Singsing 16

10 menet: Lokol mesej. Wan brata wetem woman blong hem we tufala i stap prij tugeta oli mekem pleplei blong soemaot olsem wanem blong seremaot ol magasin Novemba 15 mo Novemba 22, folem ol advaes long pej 8. Hasban i yusum Wajtaoa, waef i yusum Wekap!

15 menet: “Talemaot Trutok Long Saed Blong Jisas.”b Tokbaot sam poen long buk ya Ministry School, pej 278. Talem long evriwan blong karem buk ya i kam long Miting Blong Kingdom Wok nekis wik, blong oli save joen long haf ya “Wan Skul We i Mekem Yumi Rere From Wok We i Impoten Moa.”

20 menet: “Soem Lav Mo Intres Long ‘Ol Pikinini We Oli No Gat Papa.’” Blong tri menet, tokbaot tingting blong Jeova long ol pikinini we oli no gat papa, olsem Buk 1 blong Insight i tokbaot long pej 816, haf 1. Mekem kwestin mo ansa long ol narafala paragraf. Talem sam samting we ol narafala oli save mekem blong givhan mo leftemap tingting blong ol pikinini ya. Long haf 3 mo 4, tekem smoltaem blong talem sam poen blong Wekap! Oktoba 8, 1995, pej 8 mo 9 (Franis mo Inglis).

Singsing 142 mo laswan prea.

Wik We i Stat Long Disemba 2

Singsing 213

8 menet: Lokol mesej. Talem long ol pablisa blong putum ripot blong prij blong Novemba. Blong smoltaem, tokbaot wan rod blong storian we yumi save yusum taem yumi stap seremaot buk ya, Man We i Hae Moa.—Lukluk Kingdom Wok Blong Yumi, Jun 1998, pej 8.

12 menet: Lokol nid.

25 menet: “Wan Skul We i Mekem Yumi Rere From Wok We i Impoten Moa.” Brata we i lukaot long Tiokratik Skul bambae i mekem kwestin mo ansa long haf ya. Talem ol tok blong mekem kongregesen i glad long niufala plan blong skul ya we bambae i stat long Jenuware. Tokbaot sam samting long “Program Blong Tiokratik Skul Long Yia 2003,” we i stap long Kingdom Wok Blong Yumi long Oktoba 2002. Tokbaot ol mak we man i mas kasem blong kam naf blong joen long skul ya, folem pej 282 blong buk ya Ministry School. Leftemap tingting blong olgeta we oli naf, blong oli putum nem blong olgeta blong joen long skul.

Singsing 127 mo laswan prea.

[Ol futnot]