Ol Miting Blong Kingdom Wok

Wik We i Stat Long Jenuware 12

Singsing 224

10 menet: Lokol mesej. Sam mesej long ol Advaes long Kingdom Wok Blong Yumi. Yusum ol fastok long pej 4 blong mekem tu pleplei blong soemaot olsem wanem yumi save seremaot Wajtaoa blong Jenuware 15 mo Wekap! blong Jenuware 22. Long tugeta pleplei ya, pablisa i mas holem tufala magasin, nating sipos hem i storebaot wan nomo. Afta long wanwan pleplei ya, talem sam gudfala poen we pablisa i bin soemaot.

15 menet: “Waes We i Kamaot Long God i Gud Moa.”a Sipos i gat naf taem, askem long olgeta we oli lesin blong talemaot sam poen long ol vas we oli stap long haf ya.

20 menet: !Ol Niufala Buk We Yumi Glad Blong Kasem! Wan tok wetem sam kwestin. Yumi glad tumas blong kasem tu niufala buk long Distrik Asembli ya “Leftemap Nem Blong God.” Buk ya “See the Good Land” hem i defren long olgeta narafala buk we yumi bin kasem. Long evri pej i gat wan pija blong soemaot ol defdefren ples long Promes Lan. Tokbaot sam gudfala samting we yu makem long ol wanwan map ya. Talem olsem wanem yumi save yusum buk ya. Narafala buk ya Learn From the Great Teacher bambae i givhan long ol pikinini blong yumi blong oli gruap long saed blong spirit. Tokbaot sam japta insaed long buk ya we oli stret long taem blong yumi, mo soem olsem wanem ol japta ya oli save halpem ol papa mama mo ol yangfala tugeta. Askem olgeta we oli lesin blong talem olsem wanem oli stap yusum ol buk ya.

Singsing 186 mo laswan prea.

Wik We i Stat Long Jenuware 19

Singsing 95

5 menet: Lokol mesej.

10 menet: Ansa Long Wan Kwestin. Tok we wan elda i mekem.

15 menet: Lokol nid.

15 menet: “?Olsem Wanem Blong Halpem Ol Hasban We Oli No Witnes?”b Askem kwestin long wan no tu brata (no sista) we oli kam Witnes blong Jeova from gudfala eksampol blong waef (no hasban) blong olgeta we i stap long trutok.

Singsing 73 mo laswan prea.

Wik We i Stat Long Jenuware 26

Singsing 158

12 menet: Lokol mesej. Ripot blong ol kaon. Talem bakegen long ol pablisa se oli no mas fogetem ripot blong olgeta blong manis Jenuware. Yusum ol fastok long pej 4, mekem tu pleplei blong soemaot olsem wanem yumi save seremaot Wajtaoa blong Februari 1 mo Wekap! blong Jen./Maj. Long tufala pleplei ya, pablisa i mas soemaot tufala magasin ya wantaem, nating sipos hem i storebaot poen insaed long wan magasin nomo. Wan long tufala pleplei ya bambae i soemaot olsem wanem yumi save serem ol magasin ya long ol man we haos blong olgeta i klosap long haos blong yumi.

15 menet: Mekem Tok Blong God i Wok Long Laef Blong Yu Evri Dei. Wan tok wetem sam kwestin mo ansa. Leftemap tingting blong evriwan blong oli yusumgud buk ya Ridimgud Ol Tok Blong Baebol Evri Dei​—2004. Tokbaot sam poen we oli stap long fastok blong buk ya, long pej 3-4. Askem olgeta we oli lesin blong talem wetaem oli faenem se i stret long olgeta blong ridim vas blong dei. Storebaot vas mo komen blong tede wetem kongregesen. Askem wanwan man blong talemaot olsem wanem yumi save mekem ol tok blong vas ya oli wok long laef blong yumi. Leftemap tingting blong evriwan blong oli tekem smol taem evri dei blong tingbaot olsem wanem oli save mekem vas blong dei i wok.

18 menet: Frengud Wetem Ol Kristin Brata Sista. (Prov. 18:24; 27:9) Wan tok we ol man we oli lesin oli save joen long hem. Tok ya i stanap long Wajtaoa blong Disemba 1, 2000, pej 22-23. Wan long ol blesing we trufala wosip i givim long yumi hemia janis blong gat ol trufala fren. Kampani blong ol brata sista long ol miting, long wok blong prij, mo long sam narafala taem tu, i save leftemap tingting blong yumi bigwan. ?Olsem wanem yumi save frengud wetem ol narafala insaed long kongregesen? Lukluk bokis ya “Sikis Rod Blong Holem Fasin Fren Wetem Narafala.” Askem olgeta we oli lesin blong talem olsem wanem yumi save wokem wanwan long ol poen ya taem yumi joen wetem ol brata sista blong yumi.

Singsing 177 mo laswan prea.

Wik We i Stat Long Februari 2

Singsing 204

10 menet: Lokol mesej. Talemaot buk we yumi seremaot long manis Februari. Tokbaot sam fastok blong seremaot Revelesen​—Kolosap i Kasem Nambawan En Blong Hem! olsem i stap long pej 4 blong Kingdom Wok blong Februari 1998.

20 menet: “Lukaotgud Long Fasin Blong Yufala Blong Yusum Taem.”c Askem olgeta we oli lesin blong talem wanem we olgeta wanwan oli mekem blong lukaot se ol samting we oli no rili impoten oli no blokem olgeta blong mekem ol wok long saed blong spirit.

15 menet: Folem Fasin Blong Pol Olsem We Hem i Folem Fasin Blong Kraes. (1 Kor. 11:1) Olgeta we oli lesin oli save givim sam komen. Pol i mekem olsem Jisas taem hem i tekem janis blong “toktok wetem ol man olbaot.” (Wok 17:17) ?I save gat rod blong yumi mekem olsem long teritori blong yumi? ?Hu olgeta we oli stap “olbaot” long ol stoa, long wok mo long skul no long ol pablik transpot? ?Hu olgeta we maet yumi mitim olgeta nating sipos yumi stap nomo long haos blong yumi? Askem olgeta we oli lesin blong talem eni stori we oli gat taem oli prij long ol man we oli mitim olgeta long eniwan long ol ples olsem.

Singsing 151 mo laswan prea.

[Ol futnot]