Ol Miting Blong Kingdom Wok

Wik We i Stat Long Jun 14

Singsing 168

10 menet: Lokol mesej. Jusum sam Advaes long Kingdom Wok Blong Yumi. Yusum ol fastok long pej 4 (sipos oli stret long ples blong yufala) blong mekem wan pleplei blong seremaot Wajtaoa Jun 15, mo wan pleplei blong seremaot Wekap! Eprel/Jun. Sipos i no gat tufala magasin ya, yusum ol laswan magasin we yufala i bin kasem. Long wan pleplei, pablisa i prij long stoa no ofis. Yufala i save yusum ol narafala fastok tu we oli stret long ples blong yufala.

20 menet: “Jeova i Stap Givhan Long Olgeta We Oli Trastem Hem.”a Long haf 4, talem sam poen we oli kamaot long buk ya Ministry School, pej 67, haf 2.

15 menet: ?From Wanem Yu Mas Stap Longwe Long Ol Drag? Wan tok we i stanap long Reasoning buk, pej 106-109 (Franis, pej 112-115). Plante man oli tekem drag blong “haremgud” nomo. Oli talem se ol drag ya oli no save spolem bodi, mo samfala oli wantem se gavman i mekem loa blong givim raet long ol man blong tekem drag. Tokbaot olsem wanem yumi save storian wetem ol man we oli gat tingting ya. Talem sam poen we oli kamaot long bokis we i stap long pej 10 long Wekap! Novemba 8, 1999, Franis mo Inglis.

Singsing 179 mo laswan prea.

Wik We i Stat Long Jun 21

Singsing 29

10 menet: Lokol mesej.

15 menet: “Ol Enjel Oli Stap Givhan Long Yumi.”b Sipos i gat taem, askem long kongregesen blong tokbaot sam vas we oli stap.

20 menet: Man We i Gat Waes Blong Heven i No Save Gat Fasin We i Strong Tumas. (Jem. 3:17) Wan tok wetem sam kwestin mo ansa, we i stanap long buk ya Ministry School, pej 251-252. ?I minim wanem se fasin blong yumi i no strong tumas? ?From wanem i impoten we fasin blong yumi i no strong tumas long wok blong prij? ?Eksampol blong aposol Pol i save tijim yumi long wanem samting? ?Ol pablisa oli save mekem wanem blong soem se oli stap tingbaot kastom we ol man long ples blong olgeta oli gruap long hem? ?Olsem wanem blong halpem ol Baebol stadi blong yumi blong oli no gat fasin we i strong tumas? Askem wan no tu pablisa we oli reregud finis, blong oli talem wan samting we i hapen long wok blong prij blong soem se fasin we i no strong tumas i karem gudfala frut.

Singsing 53 mo laswan prea.

Wik We i Stat Long Jun 28

Singsing 139

12 menet: Lokol mesej. Ripot blong ol kaon. Talem long ol pablisa blong putum ripot blong wok blong prij long Jun. Yusum ol fastok long pej 4 (sipos oli stret long ples blong yufala) blong mekem wan pleplei blong seremaot Wajtaoa Julae 1, mo wan pleplei blong seremaot Wekap! Julae 8. Long tufala pleplei ya evriwan, pablisa i talem smol toktok fastaem blong fren lelebet wetem man blong haos. Talem long kongregesen se fasin ya i save mekem se man blong haos i no fraet blong storian wetem yumi.

15 menet: Lokol nid.

18 menet: “?From Wanem Yumi Nidim Buk Stadi Blong Kongregesen?”c Yusum ol kwestin we oli stap finis. Talem sam poen we oli kamaot long haf ya “Givhan Long Brata We i Lukaot Long Buk Stadi Blong Yu,” long Kingdom Wok Blong Yumi, Novemba 2002, pej 1.

Singsing 20 mo laswan prea.

Wik We i Stat Long Julae 5

Singsing 3

10 menet: Lokol mesej.

15 menet: ?Bambae Yu Yu Talem Wanem? Wan tok wetem sam kwestin mo ansa. Long Julae mo Ogis, bambae yumi seremaot ol buklet. Buklet ya !Fren Blong God! i gat paoa, mo i mekem i isi blong tijim ol man long saed blong Jeova. Talem sam haf blong buklet ya we i eksplenem samting long isi mo klia fasin. (Lukluk Lesen 2, 8, mo 12.) Tokbaot olsem wanem yumi save yusum ol pija blong kasem hat blong studen. ?Wanem ol narafala buklet we ol pablisa oli faenem se oli stret long teritori blong yufala? Tokbaot sam fastok long Kingdom Wok Blong Yumi, Julae 1998, pej 8. Makem se long olgeta fastok ya i gat (1) wan kwestin, (2) wan vas blong Baebol, mo (3) wan samting blong soem long man insaed long buk. Mekem wan pleplei blong soem wan long ol fastok ya. Leftemap tingting blong evriwan blong oli yusum Baebol taem oli stap talemaot gud nius.

20 menet: ?Ol Pikinini Oli Nidim We Papa Mama Oli Givim Wanem Long Olgeta? Tok wetem sam kwestin mo ansa we i stanap long buk ya Learn From the Great Teacher, pej 6-7. I impoten we ol pikinini oli lanem ol rul blong Baebol long saed blong trufala wosip, mo we oli kasem save se i wok blong papa mama blong trenem olgeta. Tokbaot advaes we i stap blong soem olsem wanem blong stadi long buk ya. Askem long ol papa mama blong talem olsem wanem oli stap yusum buk ya blong stadi wetem ol pikinini blong olgeta. Askem long wan no tu pikinini blong oli talem from wanem oli laekem buk ya.

Singsing 65 mo laswan prea.

[Ol futnot]