Ol Miting Blong Kingdom Wok

Wik We i Stat Long Septemba 13

Singsing 43

10 menet: Lokol mesej. Jusum sam Advaes long Kingdom Wok Blong Yumi. Sipos ol fastok long pej 4 i stret long ples blong yufala, yusum olgeta blong mekem tu pleplei blong seremaot Wajtaoa Septemba 15 mo Wekap! Septemba 22. Sipos i no gat tufala magasin ya, yusum ol laswan magasin we yufala i bin kasem. Yufala i save yusum narafala fastok. Biaen, tokbaot kwiktaem wan poen long saed blong tufala pleplei ya we i save givhan long yumi.

15 menet: “Mekem Ae Blong Yu i Kliagud.”a Yusum ol kwestin we oli stap finis. Sipos i gat taem, tokbaot ol vas we oli stap.

20 menet: Ol Man Oli Luk Ol Gudfala Fasin Blong Yumi. (1 Pita 2:12) Tok wetem sam kwestin mo ansa we oli stanap long Wajtaoa Novemba 1, 2002, pej 12-14, haf 14-20. Askem long kongregesen blong talem sam samting we ol man long ples blong yumi oli bin mekem taem oli luk ol gudfala fasin blong yumi.

Singsing 162 mo laswan prea.

Wik We i Stat Long Septemba 20

Singsing 88

10 menet: Lokol mesej. Lukluk bakegen ol bigfala poen blong leta blong branj ofis, we i stap long faswan pej blong Kingdom Wok Blong Yumi.

15 menet: ?Olsem Wanem Long Wok Blong Yumi Las Yia? Wan elda i mekem tok ya we i stanap long ripot blong kongregesen blong sevis yia 2004. Pulum tingting i go long ol gudfala samting long saed blong ripot ya, mo talem gudfala tok long kongregesen from nambawan wok we oli bin mekem. Tokbaot hadwok we ol paenia oli mekem. Tokbaot wan no tu samting we kongregesen i save mekem long yia we i stap kam.

20 menet: Gohed Blong Mekem Ol Gudfala Wok. (Gal. 6:10) Askem sam kwestin long tu no tri fultaem paenia no pablisa we oli haftaem paenia sam samtaem. ?Wanem trabol we oli bin fesem long wok blong Jeova? ?Olsem wanem oli bin winim ol trabol ya? ?Wanem i bin givhan long olgeta blong gohed oltaem blong mekem i gud long ol narafala? ?Olsem wanem ol traehad blong olgeta long wok blong prij i bin givhan long olgeta mo long ol narafala? Sipos i stret long ples blong yufala, talem sam toktok blong soem wanem we kongregesen i bin mekem blong talemaot gud nius long ol man we oli toktok ol narafala lanwis. Talem ol gudfala toktok long evriwan from ‘fasin blong olgeta blong soemaotgud bilif, mo hadwok blong olgeta blong soemaot we oli lavem God tumas, mo fasin blong olgeta blong stap stanap strong yet.’​—1 Tes. 1:​2, 3.

Singsing 103 mo laswan prea.

Wik We i Stat Long Septemba 27

Singsing 221

15 menet: Lokol mesej. Ripot blong ol kaon. Talem long ol pablisa se oli no mas fogetem ripot blong olgeta blong manis Septemba. Mekem pleplei blong seremaot Wajtaoa blong Oktoba 1 mo Wekap! blong Jul./Sept. Sipos i no gat tufala magasin ya, yusum ol laswan magasin we yufala i bin kasem.

10 menet: Tok Blong Jeova i Wan Samting We i Laef. Wan tok. Blong givhan long yumi blong haremgud moa long Baebol riding we i stap long program blong Tiokratik Skul evri wik, i gat wan haf we i stap long sam Wajtaoa, nem blong hem “Tok Blong Jeova i Wan Samting We i Laef.” Yusum Wajtaoa blong Septemba 15, 2004, pej 24-27, mo tokbaot sam samting long saed blong ol haf ya. Fastaem ol haf ya oli tokbaot bigfala tingting insaed long wan haf blong Baebol, nao biaen, “Ansa Blong Sam Kwestin Long Saed Blong Baebol” i eksplenem sam vas blong Baebol we i had blong kasem save long olgeta. Haf ya “Ol Lesen Blong Yumi” i tokbaot olsem wanem blong mekem ol save ya i wok long laef blong yumi. Tokbaot sam poen insaed long Wajtaoa ya blong soemaot olsem wanem ol haf ya bambae oli halpem yumi blong kasem moa save long Tok blong God. Leftemap tingting blong evriwan blong oli yusum fulwan niufala haf ya taem yumi stat blong ridim buk blong Dutronome nekis wik.

20 menet: “Yusum Gud Baebol.”b Yusum ol kwestin we oli stap. Fastok i save stanap long Ministry School buk, pej 145, haf 2-3. Mekem tu smol pleplei, faswan, taem oli prij, mo narawan, hem i visit bakegen, blong soemaot olsem wanem blong yusum advaes ya.

Singsing 38 mo laswan prea.

Wik We i Stat Long Oktoba 4

Singsing 5

5 menet: Lokol mesej.

20 menet: Lokol nid.

20 menet: “Yumi Mas Gat Gudfala Tingting Long Saed Blong Ol Man.”c Askem long sam pablisa we oli gat gudhan blong prij, blong oli tokbaot wanem samting oli bin talem, no oli harem ol narafala oli talem, blong soemaot long toktok blong olgeta se oli gat gudfala tingting long saed blong ol man. Olgeta oli stap nomo long jea blong olgeta. Oli mas reregud fastaem long ol ansa blong olgeta.

Singsing 99 mo laswan prea.

[Ol futnot]