Ol Miting Blong Kingdom Wok

Makemgud: Ol elda oli mas mekem rere plan blong tingtingbak long program blong spesel dei asembli. Long Kingdom Wok Blong Yumi blong Ogis 2004, long pej 6, i gat sam haf we oli tokbaot program blong asembli ya wetem ol kwestin blong tingtingbak tu. Ol kongregesen bambae oli tokbaot ol save ya long Miting Blong Kingdom Wok smoltaem bifo mo afta long asembli.

Wik We i Stat Long Disemba 13

Singsing 47

10 menet: Lokol mesej mo jusum sam Advaes long Kingdom Wok Blong Yumi. Pulum tingting blong evriwan blong oli lukluk vidio kaset ya No Blood​—Medicine Meets the Challenge, blong oli save tokbaot long miting blong nekis wik. Eksplenem spesel plan blong prij long Disemba 25 mo Jenuware 1. Sipos ol toktok long pej 8 oli stret long teritori blong yufala, yusum olgeta blong mekem tu pleplei, wan blong seremaot Wajtaoa Disemba 15 mo wan blong Wekap! (Franis/Inglis) Disemba 22. Sipos yufala i no gat tufala magasin ya, yufala i save yusum ol laswan magasin we kongregesen i bin kasem. Yufala i save yusum sam narafala rod blong storian tu we yufala i luk se oli gud. Long tufala pleplei ya, pablisa i mas soemaot tu defren rod blong ansa long man we i talem tok ya: “Mi mi save finis wok blong yufala.”​—Lukluk buklet ya Statem Wan Storian, pej 16.

17 menet: “I Nidim Help Blong Yu.”a Blong smoltaem, askem kwestin long wan elda. Askem long hem blong tokbaot wanem samting nao i pusum hem blong wantem mekem wok long kongregesen mo wanem samting i givhan long hem blong i kam naf blong mekem wok ya.

18 menet: “Gohed Blong Mekem Ol Tiokratik Wok Long Hot Taem.” Wan elda i mekem tok ya. Makem gud se taem ol trufala Kristin oli go spel long narafala ples, oli no mas lego ol tiokratik wok, olsem joen long ol miting blong kongregesen, joen long wok blong prij, mo mekem famle stadi. Oli mas mekem sua se oli mas givim ripot blong prij long sekretari kwiktaem, nomata sipos oli stap long ples blong olgeta no oli go long narafala ples.

Singsing 17 mo laswan prea.

Wik We i Stat Long Disemba 20

Singsing 68

5 menet: Lokol mesej.

15 menet: “?Olsem Wanem Tiokratik Skul i Givhan Long Yumi?” Elda we i lukaot long Tiokratik Skul i mekem tok ya. Yusum ol tok we oli stap long pepa insaed long Kingdom Wok Blong Yumi blong Oktoba 2004. Askem rere fastaem long wan no tu long kongregesen blong oli tokbaot olsem wanem skul ya i stap givhan long olgeta.

25 menet: “Kasem Gudfala Samting From Vidio Kaset Ya No Blood​—Medicine Meets the Challenge.” Ol kwestin mo ansa long saed blong vidio kaset ya No Blood, yusum ol kwestin we oli stap long pej 6. Biaen, ridim laswan haf. Leftemap tingting blong evriwan blong oli stap long miting nekis wik, blong tokbaot wan niufala samting we bambae i givhan long yumi blong no tekem blad. Sipos haf ya i no stret long kongregesen, mekem wan tok long lokol nid.

Singsing 50 mo laswan prea.

Wik We i Stat Long Disemba 27

Singsing 36

10 menet: Lokol mesej. Ripot blong ol kaon. Talem long ol pablisa blong oli givim ripot blong prij blong Disemba. Mekem wan pleplei folem ol advaes long pej 8 (sipos oli stret long ples blong yufala), blong soem olsem wanem blong seremaot Wajtaoa blong Jenuware 1 no Wekap! (Bislama) blong Okt./Dis. Sipos i no gat tufala magasin ya, yusum ol laswan magasin we yufala i bin kasem.

25 menet: Fesem Ol Trabol Blong Helt Wetem Strong Tingting. Wan elda we i nafgud i givim tok ya, folem plan we branj ofis i givim.

10 menet: Wok We Tingting i Mekem Blong Givhan Long Yumi Blong Tekem Ol Gudfala Disisen. Wan elda i mekem tok ya, we i stanap long Wajtaoa blong Jun 15, 2004, pej 23-24, haf 16-​19. Makem strong se ol disisen we yumi tekem we oli stanap long tingting blong yumi we yumi trenem folem Baebol, oli impoten tumas, from we oli joen long fasin fren blong yumi wetem Jeova.

Singsing 8 mo laswan prea.

Wik We i Stat Long Jenuware 3

Singsing 27

8 menet: Lokol mesej. Talemaot buk we bambae yumi seremaot long Jenuware.

17 menet: “Givhan Long Ol Baebol Stadi Blong Oli Gohed Gud​—Haf 4.” Mekem fastok we i no bitim wan menet mo we i stanap long haf 1. Biaen, mekem wan pleplei blong faef menet we i laenap wetem haf 2 mo 3, we i soemaot olsem wanem wan pablisa i trenem studen blong hem blong i rerem stadi blong hem. Long pleplei ya oli yusum wan paragraf blong buk Save no blong buklet ya Wanem. Biaen, mekem kwestin mo ansa long haf 2-5, mo makemgud ol impoten poen blong pleplei.

20 menet: “Prij Long Ol Famle​—?Olsem Wanem?”b Yusum ol kwestin we oli stap. Askem long olgeta we oli lesin blong oli tokbaot kwiktaem olsem wanem oli bin wekemap intres blong famle blong olgeta mo prij long olgeta.

Singsing 79 mo laswan prea.

[Ol futnot]