Ol Miting Blong Kingdom Wok

Wik We i Stat Long Jenuware 10

Singsing 223

10 menet: Lokol mesej. Talemaot sam Advaes we oli stap long Kingdom Wok Blong Yumi. Yusum ol fastok we oli stap long pej 8 (sipos oli stret long ples blong yufala) blong mekem tu pleplei blong soemaot olsem wanem blong seremaot Wajtaoa blong Jenuware 15 mo Wekap! blong Jenuware 22. Sipos i no gat tufala magasin ya, yusum ol laswan magasin we yufala i bin kasem. Tufala i save yusum sam narafala fastok. Long wan pleplei, soem olsem wanem blong givimaot magasin long wan famle we i no wan Witnes.

15 menet: “Ol Tok Ya Oli Olsem Gudfala Kakae Blong Yu.”a Sipos i gat taem, ridim mo tokbaot ol vas we i stap.

20 menet: “Traem Ol Fastok We Yu Save Jenisim Blong Ol Defdefren Man.” Kwestin mo ansa long pej 6 blong pepa we i stap insaed long Kingdom Wok. Mekem tu pleplei blong soemaot olsem wanem blong yusum ol fastok taem yumi givimaot ol buk we yumi serem long manis ya. Long tufala pleplei ya, pablisa i ridim wan vas we i stret long wari we man blong haos i gat.

Singsing 143 mo laswan prea.

Wik We i Stat Long Jenuware 17

Singsing 34

10 menet: Lokol mesej.

15 menet: Ol Yangfala​—?Yufala i Stap Gohed Long Saed Blong Spirit? Wan elda i mekem tok ya we i stanap long Wajtaoa blong Eprel 1, 2003, pej 8-​10. Tokbaot sam mak we oli stret mo we oli isi blong kasem, mo leftemap tingting blong ol yangfala blong oli putumap sam mak long saed blong spirit.

20 menet: “Givhan Long Ol Baebol Stadi Blong Oli Gohed Gud​—Haf 5.”b Mekem wan pleplei we i soemaot wan tija we i gat gudhan blong lidim ol Baebol stadi, i stap storian wetem wan niufala pablisa, blong hem i save blokem ol trap we haf 4-5 i tokbaot.

Singsing 78 mo laswan prea.

Wik We i Stat Long Jenuware 24

Singsing 163

10 menet: Lokol mesej. Ripot blong ol kaon. Lukluk kwiktaem bokis ya “Ol Vidio Kaset We Oli Stap Long DVD.”

10 menet: Ansa Long Wan Kwestin. Wan tok.

25 menet: “?Olsem Wanem Blong Yusum Ol Fastok Long Kingdom Wok?”c Yusum ol kwestin we oli stap. Talem se long pej 3-5 blong pepa we i stap insaed long Kingdom Wok Blong Yumi blong manis ya, i gat ol fastok blong ol buk we bambae yumi seremaot long ol manis biaen. Yufala i mas kipim gud pepa ya blong yusum long ful yia ya. Afta we yu mekem kwestin mo ansa long haf ya, tokbaot olsem wanem blong seremaot buk ya Revelesen​—Kolosap i Kasem Nambawan En Blong Hem! long manis Februari. Jusum tu fastok mo mekem pleplei long tufala. Oli save yusum ol fastok we i stap long pej 4 no sam narafala fastok we oli wokgud long ples blong yufala.

Singsing 200 mo laswan prea.

Wik We i Stat Long Jenuware 31

Singsing 157

10 menet: Lokol mesej. Talem long ol pablisa blong oli putum ripot blong Jenuware. Yusum ol advaes long pej 8 (sipos oli stret long ples blong yufala), blong mekem pleplei blong soemaot olsem wanem blong seremaot Wajtaoa blong Februari 1, sipos no, Wekap! blong Jenuware/ Maj. Sipos i no gat tufala magasin ya, yusum ol laswan magasin we yufala i bin kasem. Yufala i save yusum sam narafala fastok we oli wok gud.

15 menet: Lokol nid.

20 menet: ?Yu Yu Stap Ridimgud Ol Tok Blong Baebol Evri Dei? Wan tok wetem kwestin mo ansa we i stanap long fastok blong buk ya Ridimgud Ol Tok Blong Baebol Evri Dei​—2005. Tokbaot se i impoten blong evriwan oli tekem smol taem evri dei blong lukluk vas blong dei mo ridim ol tok we i joen wetem. Wan no tu long kongregesen we oli reregud fastaem, oli tokbaot program we oli folem blong ridim vas blong dei oltaem, mo olsem wanem fasin ya i givhan long olgeta. Blong finisim tok ya, tekem smoltaem blong tokbaot vas blong yia 2005.

Singsing 184 mo laswan prea.

Wik We i Stat Long Februari 7

Singsing 97

10 menet: Lokol mesej.

15 menet: Givhan Long Ol Niuwan Blong Oli Lavem God Mo Ol Man Raonabaot Long Olgeta. Wan tok we i stanap long Wajtaoa blong Julae 1, 2004, pej 16, haf 7-9. Makem gud olsem wanem evriwan long kongregesen oli joen long wok blong givhan long ol niuwan blong oli kam ol disaepol blong Kraes.

20 menet: Jeova i No Holemtaet Ol Gudgudfala Samting Blong Hem. (Sam 84:11) Askem kwestin long sam brata mo sista we oli bin stanap strong tru long ol traem. ?Wanem hadtaem oli bin fesem? ?Wanem samting i givhan long olgeta blong oli winim traem ya? ?Wanem glad mo blesing oli kasem from?

Singsing 104 mo laswan prea.

[Ol futnot]