Ol Miting Blong Kingdom Wok

Wik We i Stat Long Ogis 8

Singsing 125

10 minit: Lokol mesej. Jusum sam Advaes long Kingdom Wok Blong Yumi. Talemaot stret dei blong seket asembli mo spesel dei asembli blong sevis yia 2006, sipos yufala i save finis. Tokbaot spesel plan blong prij long Ogis 15.

10 minit: “?Yu Yu Stap Yusum Smol Pepa We i Tokbaot Ol Miting?” Wan tok wetem kwestin mo ansa. Askem olgeta long kongregesen blong oli tokbaot ol gudfala frut we oli kasem taem oli yusum smol pepa ya. Wan pablisa i mekem sot pleplei we i soemaot olsem wanem blong yusum smol pepa ya blong singaot man we i intres i kam long miting.

25 min: “!Naoia i Taem Blong Prij!”a Askem wan no tu fultaem paenia we oli reregud fastaem, blong oli tokbaot ol jenis we oli mekem blong oli save kam paenia, mo ol blesing we oli kasem from.

Singsing 197 mo laswan prea.

Wik We i Stat Long Ogis 15

Singsing 11

10 minit: Lokol mesej. Yusum ol advaes long pej 8 (sipos oli stret long ples blong yufala) blong soemaot olsem wanem blong seremaot Wajtaoa blong Ogis 15 mo Wekap! blong Jul./Sept. Long wan pleplei, wan elda wetem wan pablisa we i handikap no i olfala, tufala i yusum telefon blong prij.

15 minit: ?Yu Yu Rimemba? Kwestin mo ansa we i stanap long Wajtaoa blong Epril 15, 2005, pej 30. Askem ol wanwan kwestin long kongregesen. Soemaot olsem wanem ol save ya i save givhan long yumi. Leftemap tingting blong evriwan blong oli ridim gud evri Wajtaoa mo Wekap!

20 minit: “Statem Baebol Stadi Long Doa Blong Ol Man Mo Long Telefon.”b Mekem wan smol pleplei blong soemaot olsem wanem pablisa i statem Baebol stadi long fastaem we hem i prij long man. Hem i yusum wan no tu haf nomo blong buklet ya Wanem. Tokbaot kwiktaem wan no tu gudfala stori long saed blong yusum telefon blong statem Baebol stadi.

Singsing 30 mo laswan prea.

Wik We i Stat Long Ogis 22

Singsing 161

10 minit: Lokol mesej. Ridim ripot blong ol kaon mo talem tangkiu from ol presen mane.

15 minit: Lokol nid.

20 minit: “Talemaot Kingdom​—Wan Nambawan Blesing.”c Long haf 4, tokbaot bakegen olgeta we oli no save prij plante from we oli olfala no oli sik, mo spesel plan ya se oli save raetem smol taem we oli prij long ripot blong olgeta, nating se oli prij blong 15 minit nomo.​—Lukluk Kingdom Wok Blong Yumi blong Oktoba, 2002, pej 8, haf 6.

Singsing 204 mo laswan prea.

Wik We i Stat Long Ogis 29

Singsing 45

10 minit: Lokol mesej. Talem long ol pablisa blong oli givim ripot blong prij blong Ogis. Yusum ol advaes long pej 8 blong mekem tu pleplei, blong soemaot olsem wanem blong seremaot Wajtaoa blong Septemba 1 mo Wekap! blong Septemba 8. Long wan pleplei, pablisa i gobak blong visitim wan rod magasin.

15 min: “Yumi Givim Witnes, Nating Se Yumi No Toktok”d Askem long sam pablisa we oli reregud finis, blong oli tokbaot olsem wanem gudfala fasin blong ol man blong God i bin givhan long olgeta blong oli kam man blong Jeova.

20 minit: Yusum Baebol Taem Yumi Prij Long Ol Man. Wan tok wetem kwestin mo ansa. Lukluk bakegen ol advaes long Kingdom Wok Blong Yumi, blong Septemba 2004, pej 4, haf 2, olsem wanem blong pulum tingting blong ol man i go long Baebol taem yumi stap prij long olgeta. Mekem wan no tu pleplei blong soemaot olsem wanem blong yusum tu long ol fastok ya taem yumi seremaot buk long Septemba. Sipos i gat taem, tokbaot mo mekem pleplei folem pepa we i joen wetem Kingdom Wok Blong Yumi blong Jenuware 2005.

Singsing 71 mo laswan prea.

Wik We i Stat Long Septemba 5

Singsing 98

10 minit: Lokol mesej.

15 minit: “Givhan Long Ol Baebol Stadi Blong Oli Gohed Gud​—Haf 12.”e Askem long wan no tu pablisa we oli reregud fastaem, wanem samting i bin halpem olgeta blong oli kamgud moa long wok ya blong statem mo mekem Baebol stadi.

20 minit: Mekem Plan Blong Givhan Long Ol Olfala. Wan elda i mekem tok ya we i stanap long Wajtaoa blong Ogis 15, 1993, pej 28-29, aninit long smol stamba tok ya, “Mekem Plan i Gud Tumas.” Tokbaot plan we kongregesen i mekem finis blong givhan long olgeta we oli sik mo olgeta we oli olfala.

Singsing 164 mo laswan prea.

[Ol futnto]