Ol Miting Blong Kingdom Wok

Wik We i Stat Long Septemba 12

Singsing 29

10 minit: Lokol mesej. Jusum sam advaes long Kingdom Wok Blong Yumi. Mekem tu pleplei folem ol fastok long pej 8 (sipos oli stret long ples blong yufala) blong soem olsem wanem blong seremaot Wajtaoa blong Septemba 15 mo Wekap! blong Jul./Sept. Sipos i no gat tufala magasin ya, yusum ol laswan magasin we yufala i bin kasem. Yufala i save yusum sam narafala fastok we oli wok gud. Wan elda i mekem wan pleplei mo wan yangfala i mekem narawan. Biaen, tokbaot ol gudfala poen long tufala pleplei ya.

20 minit: “Spenem Taem Long Waes Fasin.”a Askem long kongregesen blong oli tokbaot olsem wanem oli makemaot taem evri dei blong ridim Baebol. Leftemap tingting blong ol famle mo ol wanwan brata sista blong oli yusum pepa we i stap wetem Kingdom Wok Blong Yumi blong Mei 2005, blong mekem wan program blong ol wok long saed blong spirit.

15 minit: “Givhan Long Ol Baebol Stadi Blong Oli Gohed Gud.”b Kwestin mo ansa long haf 1 mo 2 long pepa we i stap wetem Kingdom Wok Blong Yumi. Mo tu, tokbaot Kingdom Wok Blong Yumi blong Ogis 2004, pej 1. ?From wanem i impoten we yumi rere gud evri taem we yumi mekem wan Baebol stadi? ?Olsem wanem blong rere gud? Askem kongregesen blong oli tokbaot olsem wanem oli mekem ol advaes we oli bin kamaot, i wok. Long en blong tok ya, tokbaot bokis we i stap antap long faswan pej blong pepa insaed long Kingdom Wok Blong Yumi.

Singsing 110 mo laswan prea.

Wik We i Stat Long Septemba 19

Singsing 168

10 minit: Lokol mesej. Tokbaot ol bigfala poen long leta blong branj ofis, we i stap long fas pej blong Kingdom Wok ya.

20 minit: ?Olsem Wanem Long Ol Wok Blong Yumi Las Yia? Elda we i lukaot long wok blong prij i tokbaot seves yia we i jes finis. Hem i pulum tingting i go long ol gudfala samting we kongregesen i mekem long wok blong prij. Talem ol gudfala tok long kongregesen from nambawan wok we oli bin mekem. Talem wan no tu samting we kongregesen i save wok long hem long yia we i kam. Tokbaot wok blong ol paenia, mo talem gudfala tok from hadwok we oli mekem. Tokbaot gudfala frut we i kamaot from traehad we kongregesen i mekem blong givhan long olgeta we oli no moa prij.

15 minit: “Toktokgud Long Yufala Blong Mekem Yufala i Kam Strong Moa.”c Askem long kongregesen blong tokbaot olsem wanem narafala i bin soem lav mo kaengud fasin long olgeta, mo olsem wanem samting ya i bin givhan long olgeta.

Singsing 199 mo laswan prea.

Wik We i Stat Long Septemba 26

Singsing 122

10 minit: Lokol mesej. Ridim ripot blong ol kaon mo talem tangkiu from ol presen mane. Talem long ol pablisa se oli no mas fogetem ripot blong olgeta blong manis Septemba.

15 minit: Lokol nid.

20 minit: Yusum Ol Magasin Blong Talemaot Gud Nius. Long manis Oktoba, bambae yumi seremaot Wajtaoa mo Wekap! Long fastok, tokbaot ol advaes long Kingdom Wok Blong Yumi blong Februari 2005, pej 8, haf 3-6: (1) Seremaot Wajtaoa mo Wekap! tugeta. (2) Makemaot wan dei evri wik blong joen long wok blong seremaot magasin. (3) Putum wan stret namba blong magasin we bambae yumi seremaot evri manis. (4) Yusumgud evri janis we yumi gat blong seremaot magasin. (5) Seremaot ol olfala magasin. Soemaot olsem wanem blong folem ol advaes ya long ples blong yumi. Biaen, mekem tu pleplei folem ol fastok long pej 8 blong Kingdom Wok ya (sipos oli stret long ples blong yufala), blong soemaot olsem wanem blong seremaot Wajtaoa blong Oktoba 1 mo Wekap! blong Oktoba 8 (sipos tufala magasin ya i no gat, yusum tufala laswan magasin we yufala i kasem). Yufala i save yusum sam narafala fastok tu we oli wokgud. Mo tu, pulum tingting blong ol man long teritori i go long ol narafala haf blong magasin we maet oli save intres long olgeta, mo mekem wan pleplei blong soemaot pablisa we i tokbaot wan long ol haf ya blong magasin. Afta long ol wanwan pleplei ya, tokbaot ol gudfala poen blong olgeta.

Singsing 3 mo laswan prea.

Wik We i Stat Long Oktoba 3

Singsing 54

5 minit: Lokol mesej.

20 minit: “Givhan Long Ol Narafala Blong Oli Gat ‘Fasin Blong Obei We i Kamaot Long Hat.’”d Sipos i gat taem, askem long kongregesen blong oli tokbaot ol vas we oli stap.

20 minit: Mekem Hat Blong Jeova i Glad. (Prov. 27:11) Askem kwestin long tu no tri long kongregesen we oli bin mekem wok blong Jeova blong plante yia. Askem long olgeta wanwan blong oli tokbaot wan no tu samting we i givhan long olgeta blong oli gohed blong obei long Jeova. Maet oli save tokbaot stadi wanwan, joen oltaem long ol miting, kampani wetem ol narafala we oli holemstrong long Jeova, joen wetem ful paoa blong olgeta long wok blong prij, mekem prea we i kamaot long hat, mo no wajem ol vidio mo sinema mo mekem ol pleplei we oli no stret. ?Wanem samting we oli fesem we i traem fasin obei blong olgeta, mo olsem wanem oli winim ol traem ya? ?Olsem wanem oli kasem blesing from we oli obei long Jeova?

Singsing 170 mo laswan prea.

[Ol futnot]