Ol Miting Blong Kingdom Wok

Makemgud: Long Kingdom Wok Blong Yumi blong manis Ogis mo Septemba, bambae i gat wan Miting Blong Kingdom Wok long evri wik. Ol kongregesen oli save mekem sam jenis long program ya blong oli save joen long Distrik Asembli ya “!Klosap Nao Yumi Fri!” Sipos i stret, yusum 15 minit blong laswan Miting Blong Kingdom Wok bifo long asembli, blong talem bakegen ol advaes we oli stret long ples blong yufala, we i stap long pepa we i joen wetem Kingdom Wok ya. Wan no tu manis afta long asembli, makemaot 15 no 20 minit long Miting Blong Kingdom Wok (maet haf blong lokol nid) blong lukluk bakegen ol bigfala poen blong asembli, we ol pablisa oli luk se i givhan long olgeta long wok blong prij. Spesel haf ya blong Miting Blong Kingdom Wok, bambae i givim janis long yumi blong eksplenem olsem wanem yumi stap yusum ol save we yumi lanem long asembli, mo olsem wanem save ya i givhan long yumi blong prij.

Wik We i Stat Long Julae 10

Singsing 4

10 minit: Lokol mesej. Yusum ol fastok long pej 4 no sam narafala fastok we oli wokgud long ples blong yufala, blong mekem tu pleplei blong soemaot olsem wanem blong seremaot Wajtaoa blong Ogis 1 mo Wekap! blong Jul./Sept. ( Bislama). Long wan pleplei, soem olsem wanem blong ansa long man we i talem tok ya: “Mifala i Kristin finis.”​—Lukluk buklet ya Statem Wan Storian, pej 14.

15 minit: “?Olsem Wanem Kongregesen i Wok Mo Hu i Lukaot Long Hem?” Tok wetem kwestin mo ansa we i stanap long japta 4 blong buk ya Organized to Do Jehovah’s Will.

20 minit: “Givhan Long Studen Blong Gat Tangkiu From Ol Nambawan Fasin Blong Jeova.”a Mekem wan pleplei blong soemaot olsem wanem blong yusum ol kwestin blong givhan long Baebol studen blong hem i tingting long ol poen long bokis blong tingtingbak long en blong japta 1 blong buk ya Baebol Tijim.

Singsing 88 mo laswan prea.

Wik We i Stat Long Julae 17

Singsing 99

10 minit: Lokol mesej. Jusum sam Advaes long Kingdom Wok Blong Yumi. Talemaot spesel plan blong prij long Julae 24. Tokbaot kwiktaem Wajtaoa blong Ogis 15, 2000, pej 32. Tokbaot ol blesing we yumi save kasem sipos yumi gat program blong ridim Baebol evri dei, long ol taem blong spel blong yumi tu mo long sam narafala taem we yumi no stap long ples blong yumi.

15 minit: Lav Mo Tingting Daon​—Tu Impoten Fasin Long Wok Blong Prij. Wan tok we i stanap long Wajtaoa blong Ogis 15, 2002, pej 18-20, haf 13-20.

20 minit: “Folem Fasin Blong Jeova, ‘Hapi God’ Blong Yumi.”b Askem long kongregesen blong oli tokbaot wanem samting i halpem olgeta blong oli holemtaet glad mo gudfala tingting taem oli stap prij long ples blong olgeta.

Singsing 189 mo laswan prea.

Wik We i Stat Long Julae 24

Singsing 218

15 minit: Lokol mesej. Ridim ripot blong ol kaon mo talem tangkiu from ol presen mane. Yusum ol fastok long pej 4 no sam narafala fastok we oli wokgud long ples blong yufala, blong mekem tu pleplei blong soemaot olsem wanem blong seremaot Wajtaoa blong Ogis 1 mo Wekap! blong Ogis, Franis/Inglis. Long en blong ol pleplei, pablisa i talem bakegen fastok we hem i bin yusum blong pulum intres blong man blong haos.

10 minit: “Oli Soemaot Wan Eksampol Blong Fasin Blong Holemstrong.” Wan tok wetem stori blong sam spesel paenia we i stap long ol buk blong yumi. Sipos no, askem kwestin long sam spesel paenia long kongregesen blong yufala.​—Lukluk Watch Tower Publications Index aninit long tok ya “Special Pioneers.”

20 minit: Yufala i Mas Stanap Strong, Yufala i No Mas Slak. (1 Kor. 15:58) Askem kwestin long tu no tri pablisa no paenia we oli mekem wok ya blong plante yia. ?Olsem wanem oli kasem trutok? ?Wok blong prij i olsem wanem taem oli stat blong prij? ?Wanem ol traem we oli bin fesem? ?Wanem ol blesing we oli kasem taem oli holemstrong long trufala wosip?

Singsing 12 mo laswan prea.

Wik We i Stat Long Julae 31

Singsing 28

10 minit: Lokol mesej. Talem long ol pablisa blong oli givim ripot blong prij blong Julae. Tokbaot buk we yumi seremaot long manis Ogis.

15 minit: “Stap Rere From Bigfala Dei Blong Jeova.”c Sekretari i mekem tok ya. Tokbaot asembli we bambae kongregesen i go long hem. Askem long kongregesen blong oli tokbaot olsem wanem baj we yumi werem i save openem rod blong prij long evri ples we yumi go long hem. Leftemap tingting blong ol pablisa blong oli tekem evri janis blong prij.

20 minit: “Wokem Fasin Blong Folem Gudfala Program, Mo Kasem Plante Blesing From.”d Askem long kongregesen blong oli tokbaot traehad we oli bin mekem blong stanemap mo holemtaet wan program blong mekem ol Kristin wok, mo ol blesing we oli kasem from.

Singsing 130 mo laswan prea.

Wik We i Stat Long Ogis 7

Singsing 209

10 minit: Lokol mesej. Tokbaot kwiktaem olsem wanem yumi save jenisim ol fastok we oli stap long Kingdom Wok Blong Yumi blong mekem oli laenap wetem ples blong yumi.​—Lukluk Kingdom Wok Blong Yumi blong Jenuware 2005, pej 8.

15 minit: Ol Miting We Oli Pulum Man Blong Soem Lav Mo Mekem Gudfala Wok. Wan tok we i stanap long Wajtaoa blong Maj 15, 2002, pej 24-25. Askem kwestin kwiktaem long wan pablisa blong soemaot wanem traehad hem i mekem blong joen oltaem long ol miting, mo olsem wanem hem i kasem blesing taem hem i mekem olsem.

20 minit: Rere Blong Jenisim Fasin Blong Prij Mo Kam Gud Moa Oltaem Long Wok Ya. Tok wetem kwestin mo ansa we i stanap long Wajtaoa blong Disemba 1, 2005, pej 28-30. Long wan tok we i stanap long haf 6-11, soemaot olsem wanem Pol i tingbaot bilif blong ol narafala, i jenisim fasin blong toktok blong hem, mo i faenem rod blong kasem tingting blong olkaen man. Biaen, askem kongregesen blong oli ansa long ol kwestin blong haf 12-14, mo mekem i laenap wetem ples blong olgeta. Mekem wan pleplei we i soem olsem wanem ol pablisa oli save jenisim toktok blong olgeta long wok blong prij, oli tingbaot nid blong ol man, laef blong olgeta, mo fasin we ol man oli gruap long hem.

Singsing 83 mo laswan prea.

[Ol futnot]