Ansa Long Wan Kwestin

◼ ?Olsem wanem? ?I stret blong hivimap ol save we bambae i kamaot long Tiokratik Skul, mekem wan buk blong hem, mo givimaot buk ya long ol narafala?

I oraet blong mekem olsem, sipos i blong famle blong yumi nomo no blong givim long sam gudfala fren blong yumi. Be i no stret blong givimaot long evri man, mo i no stret blong salem, from we hemia i agensem loa blong kopiraet.—Rom 13:1.

Sam long ol tok long Tiokratik Skul, i gat stamba tok blong olgeta nomo long program, i no gat nem blong ol buk we ol save blong tok ya i mas kamaot long hem. ?Olsem wanem? ?I gud sipos wan brata i mekem rere wan lis blong ol buk no ol save long saed blong ol tok ya, blong olgeta we oli mekem ol tok ya oli save yusum? Nogat. Mo i no stret tu blong mekem wan lis blong ol ansa blong ol kwestin blong Tingtingbak long Tiokratik Skul, mo givim long ol narafala blong oli yusum. Hemia bambae i no givhan long olgeta blong rimemba ol impoten poen. I moagud we ol studen nomo oli lukaot ol save blong olgeta wanwan. Hemia wan impoten haf blong trening we Jeova i givim tru long skul ya, blong ‘tijim yumi long ol tok we hem i wantem blong yumi talem.’—Aes. 50:4.