Ol Jenis Long Buk Ya Revelesen—Kolosap I Kasem Nambawan En Blong Hem!

Ol haf we oli kam biaen oli ol jenis long buk ya Revelesen—Kolosap I Kasem Nambawan En Blong Hem! we oli bin printim long 1988. Oli no jenisim sam namba we yumi save faenem long laswan Yearbook mo long sam narafala buk.

JAPTA 4

pej 19, paragraf 4, tekemaot laswan vas: Matiu 25:31-33

JAPTA 5

pej 24, paragraf 3, jenisim futnot i kam: * Blong kasem moa save long poen ya, ridim buk ya we ol Witnes blong Jeova oli wokem: ?Wanem Samting We Baebol i Rili Tijim? pej 88-92, 215-218.

JAPTA 6

pej 30, paragraf 12, jenisim haf we i stat long laen namba 12, i kam: Biaen, Hedgavman blong Rom, Constantine, i talem se gavman i agri long “Kristin” skul, mo samting ya i mekem se Krisendom i stat. Gavman mo Jos i joen wanples blong rul gogo wan taosen yia i pas.

pej 32, bokis, jenisim faswan haf i kam: Long Oktoba 29 K.T., taem Jisas i tekem baptaes long Jodan Reva, God i makemaot hem se bambae hem i king. Tri mo haf yia biaen, long 33 K.T., hem i kam insaed long haos blong God long Jerusalem, nao hem i sakemaot ol man we oli stap mekem haos ya i kam olsem ples blong haed blong ol man blong stil. Taem ya i laenap wetem tri mo haf yia we i stat long Oktoba 1914, taem Jisas i sidaon long jea blong King long heven. Tri mo haf yia biaen, Jisas i kam blong jekemap ol man we oli talem se oli Kristin. Jajmen blong hem i stat nomo long haos blong God. (Matiu 21:12, 13; 1 Pita 4:17) Long fas haf blong 1918 ol man blong Jeova we oli stap talemaot Kingdom blong hem oli kasem bigfala trabol. Traem ya i kasem olgeta long evri ples long wol, mo samfala we oli fraet oli lego trufala wosip. Long Mei 1918, ol lida blong ol skul blong Krisendom oli wokem wan nogud plan blong olgeta, oli putum sam lida blong Watch Tower Sosaeti long kalabus. Olgeta oli stap naen manis long kalabus, mo afta, oli fri bakegen. Biaen, kot i sakemaot ol giaman poen agens long ol brata ya. Ale ol man blong God oli kasem traem, mo oli kam klin from. Taswe i stat long 1919, ogenaesesen blong God i gohed strong blong talemaot se Kingdom blong Jeova long han blong Jisas Kraes, hemia nomo i save sevem ol man.—Malakae 3:1-3.

JAPTA 8

pej 40, paragraf 8, laen 6, jenisim “125 mastik” i kam: 130 mastik

pej 40, paragraf 10, jenisim tu laswan laen i kam: Long Saprim Kot blong Amerika, ol Witnes blong Jeova oli win 50 taem.

JAPTA 10

pej 50, paragraf 11, jenisim ol tok long futnot, i kam: * Eksampol: Lukluk Wajtaoa blong Novemba 1, 2003, long haf ya “Ol Kristin Woman We Oli Wosip Wetem Bilif—Oli Sas Long Ae Blong God.”

JAPTA 11

pej 56, paragraf 9, jenisim lashaf i kam: Long saed ya, Wajtaoa magasin i karem sam gudfala stori, olsem: “Gohed Blong Pruvum Se Yufala i Wanem Kaen Man,” mo “Yumi No Moa Laef Blong Mekem Ol Wok Blong Yumi Nomo.”* Yumi save yusum ol advaes ya we i kamaot long Baebol blong skelem ol dip tingting blong yumi. Long semtaem, yumi mas prea mo holem tingting daon blong fasgud oltaem long Jeova.—Ol Sam 26:1-3; 139:23, 24.

pej 56, paragraf 9, jenisim ol tok long futnot i kam: * Lukluk Wajtaoa, Julae 15, 2005, mo Maj 15, 2005.

JAPTA 12

pej 61, paragraf 4, jenisim ol tok long futnot i kam: # Wajtaoa magasin we grup ya we i olsem Jon oli stap printim, i stap soemaot from wanem i impoten we yumi kwik blong tekem evri janis blong joen fulwan long wok blong prij. Olsem nao, Wajtaoa blong Jenuware 1, 2004, i karem tufala haf ya: “Olgeta Man Oli Mas Leftemap Nem Blong Jeova,” mo “Toktok Blong Olgeta i Go Long Evri Kona Blong Wol.” Mo long Wajtaoa blong Jun 1, 2004, haf ya “Olgeta We Oli Presem God Bambae Oli Kasem Blesing,” i pulum plante man blong pastru long “doa we i open” blong mekem wok blong God fultaem. Long wan manis long yia 2005, i gat 1,093,552 fultaem paenia.

JAPTA 13

pej 71, paragraf 14, laen 11, jenisim tok ya “long 1990, evri taem we namba blong tufala magasin ya i kamaot, oli seremaot bitim 27 milian kopi,” i kam: Long 2006, evri taem we namba blong tufala magasin ya i kamaot, oli seremaot bitim 59 milian kopi

pej 73, paragraf 23, laen 16, tekemaot vas ya: Matiu 25:31

JAPTA 16

pej 90, paragraf 4, jenisim seken futnot i kam: * Blong pruvum se Jisas i tekem rul blong Kingdom blong hem long 1914, lukluk pej 215-218 blong buk ya we ol Witnes blong Jeova oli wokem: ?Wanem Samting We Baebol i Rili Tijim?

pej 90, paragraf 6, jenisim haf ya i kam: ?Be from wanem King ya we i jes tekem rul blong hem i mas ron i go blong faet? From we hem i gat plante enemi. Devel Setan, we hem i nambawan enemi blong Jeova, hem i no wantem se King ya i rul. Mo ol man long wol we oli folem Setan, nating we oli luksave no oli no luksave samting ya, be olgeta tu oli agensem Jisas. Taswe taem Kingdom i stanap, i mas gat wan bigfala faet long heven. Long faet ya, Jisas i tekem nem ya Maekel (we i minim “?Hu Ya i Olsem God?”). Ale Jisas i winim Setan mo ol rabis enjel blong hem, nao hem i sakemaot olgeta long heven oli kamdaon long wol. (Revelesen 12:7-12) Afta, Jisas i gohed, i stap ron blong win long faet blong hem gogo plante yia blong dei blong Masta i pas. Mo long semtaem ol man we oli olsem sipsip oli stap hivap. Tru, ful wol i stap yet “long paoa blong Setan.” Nating we i olsemia, be Jisas i gohed blong lukaot long ol brata blong hem we tabu spirit i makemaot olgeta, wetem ol fren blong olgeta tu, from we hem i laekem olgeta tumas. Hem i givhan long olgeta wanwan blong win long faet ya blong holemtaet bilif blong olgeta.—1 Jon 5:19.

pej 91, paragraf 9, jenisim tufala laswan haf, i kam: Long ol Katolik kantri mo ol kantri we trabol i bigwan moa, olsem Jemani, Itali, mo Japan, namba i kam antap moa. Naoia, long trifala kantri ya tugeta, oli gat bitim 600,000 man blong prij.—Aesea 54:17; Jeremaea 1:17-19.

pej 94, paragraf 18, jenisim haf ya i kam: ?Yumi save talem se ol faet ya oli pruvum bigfala waes mo teknik blong ol ami? Nogat. Oli pruvum nomo se red hos ya we i no gat sore nating, hem i stap resis. ?Hem i stap resis i go wea? Sam man blong save oli talem se bambae i mas gat wan mastik samtaem, nao bambae wan niuklia faet i kamaot from. !Antap long samting ya, ol man oli naf blong mekem plan blong statem wan niuklia faet tu! Yumi glad we Man we i Ron long waet hos blong win long faet, hem i gat wan narafala tingting.

pej 97, paragraf 28, jenisim haf ya i kam: Wan bigfala samting we i kamaot long taem blong yumi, se “sik.” Biaen long Wol Wo Wan, sik ya ‘Spanis flu’ i klilim 20 milian man i ded long sam manis nomo long 1918 kasem 1919. I gat wan ples nomo long wol we sik ya i no kasem, hemia wan smol aelan, nem blong hem Sent Helena. Long plante ples we klosap olgeta man oli ded, oli hivimap ol dedbodi, mo oli bonem olgeta. Mo tede, sik blong hat mo kansa i kam antap tumas. Tufala sik ya i kasem plante man from we oli smok sigaret. Samfala oli kolem ol yia we i stat long 1980 go kasem 1990 se “ten yia we i nogud tumas.” Long ol yia ya, fasin blong laef blong ol man i soemaot se oli no wantem obei long ol loa blong Baebol. Taswe naoia, bigfala sik ya AIDS i joen long ol narafala “sik.” Long yia 2000, wan bigfala dokta blong katem man long Yunaeted Stet i tokbaot AIDS se, “hem i wan sik we i kilim moa man, i bitim ol narafala sik we oli bin kamaot samtaem long wol ya.” Dokta ya i talem se 52 milian man long wol oli gat HIV/AIDS; mo 20 milian long olgeta oli ded finis. !Ol man blong Jeova oli talem tangkiu tumas long hem from we waes advaes long Tok blong hem i blokem olgeta blong oli no mekem rabis fasin long saed blong seks mo oli no tekem blad. !Tufala rod ya nao i mekem plante sik i kasem fulap man tede!—Ol Wok 15:28, 29; skelem wetem 1 Korin 6:9-11.

JAPTA 18

pej 106, paragraf 7, jenisim i kam: Biaen long Wol Wo Tu, i gat plante moa bigfala trabol bakegen. Mo ol smosmol faet wetem wok blong ol teroris long olgeta ples blong wol, oli gohed blong seksekem ol ples. Plante man oli fraet mo wari se maet ol rabis wok blong ol teroris i kasem olgeta, no maet sam kantri oli yusum ol tul blong faet blong kilim fulap man oli ded wantaem.

pej 106, jenisim kwestin 7-9 (b) i kam: ?Afta we Jisas i stat rul long heven, ol trabol long wol i mekem se wanem samting bambae i kamaot long ol man?

pej 107, paragraf 11, jenisim namba sikis haf i kam: Woning ya i goaot gogo i kasem fulwan wol blong Setan.*

JAPTA 20

pej 123, paragraf 11, jenisim namba sik haf i kam: Taem oli printim buk ya, oli stap yusum MEPS long 125 ples long wol. From samting ya, magasin blong olgeta, Wajtaoa, we oli printim tu taem long wan manis, naoia oli save printim long moa long 130 lanwis wantaem.

pej 128, paragraf 30, jenisim trifala laswan haf i kam: Smol haf blong ol man nomo. Eniwan long ol 144,000 man we oli gat mak blong God long fes blong olgeta mo we maet oli stap laef yet long wol wetem bigfala kampani blong ol narafala sipsip, olgeta ya nomo bambae oli “naf blong stanap.” Hemia i min se bambae oli stap laef tru long taem ya.—Jeremaea 35:19; 1 Korin 16:13.

JAPTA 22

pej 143, jenisim smol stamba tok i kam: Trabol We Ol Lokis Oli Mekem Tede

pej 146, paragraf 16, jenisim ol tok afta long vas blong Revelesen 9:10, i kam: ?Wanem mining blong samting ya? Long wok blong Kingdom we ol Witnes blong Jeova oli mekem, oli toktok mo oli yusum ol buk blong olgeta, blong talemaot ol tok we i gat paoa mo i stanap long Tok blong God. From we oli givim woning se dei blong Jeova blong givimbak long ol man i stap klosap nao, ol tok blong olgeta i olsem skopion we i save kakae man. (Aesea 61:2) Tede, bifo we laef blong ol lokis long saed blong spirit i finis, oli mas finisim wok ya we Jeova i givim blong talemaot ol jajmen blong hem. Samting ya bambae i mekem ol stronghed man we oli no gat respek long God mo long ol tabu samting, oli harem nogud.

pej 146, paragraf 17, jenisim futnot i kam: * Magasin ya i kasem niufala nem ya Consolation long 1937, mo Wekap! long 1946.

JAPTA 24

pej 160, paragraf 21, laen 12, jenisim tok ya “ol man we oli olsem nani” i kam: ol man blong agens

pej 160, paragraf 21, laen 17, jenisim “Matiu 25:31-34, 41, 46” i kam: Filipae 1:27, 28

pej 160, jenisim kwestin long paragraf 21 (b), i kam: ?From wanem gud nius ya i nogud long ol man blong agens?

JAPTA 25

pej 162, paragraf 4, jenisim futnot i kam: * Blong kasem ful save long bigfala haos blong God long saed blong spirit, luk ol haf ya: “Bigfala Tempel Blong Jeova Long Saed Blong Spirit” long Wajtaoa blong Julae 1, 1996, mo “Trufala Haos Blong God Blong Mekem Wosip” long Wajtaoa blong Disemba 1, 1972 (Inglis), Maj 1, 1973 (Franis).

pej 162, paragraf 5, jenisim namba tri haf i kam: Long ol profet tok long Hibru haf blong Baebol, fasin blong makem i minim wan promes se bambae i gat stret fasin we i stanap long ol stret loa blong Jeova.

pej 162, paragraf 7, jenisim namba tu mo tri haf we oli kam biaen long vas blong Revelesen 11:2, i kam: Bambae yumi luksave se 42 manis ya i minim 42 prapa manis, i stat long Disemba 1914 go kasem Jun 1918. Long taem ya, ol man we oli talem se oli Kristin oli kasem strong traem.

pej 165, jenisim tok we i stap aninit long pija, i kam: Wok blong Serubabel mo Josua blong bildim bakegen haos blong God i soemaot se smol namba blong ol Witnes blong Jeova long stat blong dei blong Masta, bambae i kam antap bigwan biaen. Ol bilding olsem olgeta antap, long Brooklyn, New York, oli mekem i kam bigwan moa, olsem oli nidim.

pej 164, paragraf 15, laen 9, jenisim “(Matiu 17:1-3; 25:31)” i kam: (Matiu 17:1-3)

JAPTA 27

pej 185, bokis, jenisim namba sikis paragraf i kam: Long Spen, oli brekemdaon doa long haos blong sam Kristin man blong ronem olgeta; mo oli mekem olgeta oli pem faen. Oli talem se ol Kristin ya oli “brekem loa” from we oli tokbaot God mo oli mekem Kristin miting, ale oli sakem olgeta long kalabus. Long 1970, ol raf fasin ya i finis, from we gavman i jenisim loa long saed blong ol narafala jos we oli no Katolik, nao oli letem ol Witnes blong Jeova oli rejisterem skul blong olgeta wetem gavman.

pej 185, paragraf 28, jenisim tufala faswan haf i kam: Bigfala trabol ya we i olsem reva i ron, i kasem bigfala mak blong hem long Wol Wo Tu. Long Yurop, oli sakem samwe long 12,000 Witnes oli go long ol rabis kalabus blong ol Nasi, mo samwe long 2,000 oli ded.

JAPTA 28

pej 187, paragraf 4, jenisim futnot i kam: * Blong kasem moa save long saed ya, plis lukluk pej 165-179 blong buk ya we ol Witnes blong Jeova oli wokem: Pay Attention to Daniel’s Prophecy!

pej 190, paragraf 15, jenisim ol fofala faswan haf i kam: Namba seven hed blong wael anamol ya we i rul long taem ya, hem i kasem bigfala kil long faet ya. Inglan wetem sam narafala neson blong Yurop oli lusum fulap yangfala man long faet ya. Long wan faet nomo, hemia Faet Blong Reva Som long 1916, i gat 420,000 man Inglan, wetem samwe long 194,000 blong Franis mo 440,000 blong Jemani, oli ded mo oli kasem kil. !Namba blong olgeta evriwan we oli ded mo oli kasem kil long faet ya, i bitim wan milian!

JAPTA 29

pej 202, paragraf 14, jenisim fas mo seken haf i kam: Ol 144,000 man ya, “God i pemaot olgeta oli fri long wol,” no “i tekemaot olgeta long ol narafala man.” Hem i tekemaot olgeta olsem ol pikinini blong hem.

JAPTA 30

pej 208, paragraf 10, jenisim laen 1 i kam: Bifo long ol yia 1870, ol tabu Kristin oli stap traehad

pej 208, jenisim kwestin namba 10, i kam: ?Wanem i hapen bifo long ol yia 1870? ?Mo taem Bigfala Babilon i luk samting ya hem i mekem wanem?

pej 211, paragraf 23, jenisim haf tri, fo, mo faef, i kam: Nao wantaem nomo Jisas i obei long oda ya. I stat long 1919, hem wetem ol enjel blong hem oli hivimap ol 144,000 man fastaem, olsem we oli tekem kakae long garen. (Matiu 13:39, 43; Jon 15:1, 5, 16) Biaen, oli hivimap bigfala kampani blong ol narafala sipsip, olsem kakae blong garen tu. (Jon 10:16; Revelesen 7:9)

JAPTA 32

pej 227, paragraf 15 laen 11: Jenisim ‘ol hed blong anamol ya’ i kam ‘ol hon blong anamol ya.’

pej 232, paragraf 27, jenisim laswan haf stat long vas blong “Matiu 24:42, 44,” i kam: (Matiu 24:42, 44; Luk 12:37, 40) Aposol i talem woning ya bakegen, i se: “From we yufala i save gud finis we dei blong Jeova i kam stret olsem man blong stil i kam long naet. Taem bambae ol man oli talem se: ‘!Pis mo seftaem!’ long taem ya nao bambae trabol i kam blong spolem . . . olgeta wantaem nomo.” Setan i stap biaen long olkaen giaman tok olsem “!Pis mo seftaem!”—1 Tesalonaeka 5:2, 3, NW.

JAPTA 33

pej 243, paragraf 21, jenisim namba tri haf bifo long en, i kam: Long ol toktok blong pop, yumi makemgud se hem i talem smol nomo long saed blong Jisas Kraes mo Kingdom blong God.

JAPTA 34

pej 246, paragraf 1, jenisim seken las haf i kam: Be long taem blong yumi, vison ya i no moa wan vison nomo, hem i rili tru.

pej 249, paragraf 10, jenisim namba faef haf i kam: !Ripot blong Intenasnal Pis Institut, i talem se long 1986 nomo, faef milian man oli ded long ol faet!

pej 250, paragraf 12, futnot, jenisim “1981” i kam: 1993

pej 251, paragraf 14, jenisim i kam: Long ol yia we oli jes pas, ol haeman blong politik oli bin yusum tok ya “pis mo seftaem” blong tokbaot plante defren plan blong man. ?Olsem wanem? ?Ol traehad ya blong ol lida blong wol oli stat mekem profet tok blong 1 Tesalonaeka 5:3 i kamtru? ?Pol i stap tokbaot wan spesel samting we i bigwan we i bigwan, ale olgeta man long wol bambae oli makem samting ya? Plante taem yumi jes kasem save fulwan long ol profet tok blong Baebol afta we oli kamtru nomo, no long taem we oli stap kamtru. Taswe, yumi mas wet blong luk se wanem bambae i hapen. Be ol Kristin oli save finis se nomata sipos i luk olsem we ol neson oli kasem pis mo seftaem, bambae i no rili gat wan samting i jenis. Bambae ol man oli gohed yet blong tingbaot olgeta nomo, no laekem narafala man, brekem loa, ol famle bambae oli stap seraot, bambae i gat rabis fasin long saed blong seks, ol sik, soasore, mo ded, olgeta fasin ya bambae oli stap yet. Taswe, tok ya “pis mo seftaem” i no save trikim yu, sipos yu stap wekap gud long mining blong ol samting we i kamaot long wol, mo yu harem ol woning blong ol profet tok blong Baebol.—Mak 13:32-37; Luk 21:34-36.

JAPTA 36

pej 259, paragraf 4, jenisim fofala laswan haf i kam: Long 1914, Jisas i kam King long heven. Mo stat long taem ya, hem i rul antap long wol olsem King mo Jaj wetem Jeova. Taswe i stret nomo we hem nao i talemaot se Bigfala Babilon i foldaon finis.

pej 260, paragraf 9, jenisim ol fofala faswan haf i kam: Taem Babilon i foldaon long 539 B.K.T., hem i stat lusum paoa blong hem gogo hem i lus olgeta. Long sem fasin, i stat long Wol Wo Wan, ol skul we oli olsem Babilon oli lusum paoa blong olgeta bigwan long olgeta ples long wol. Long Japan, biaen long Wol Wo Tu, oli putum tabu long skul Sinto, we ol man blong hem oli stap mekem wosip long lida blong kantri.

pej 265, paragraf 22, tekemaot laswan vas:—Ridim Matiu 24:15, 16.

JAPTA 38

pej 277, paragraf 17, jenisim tufala laswan haf i kam: Long taem ya, sipos eniwan long ol tabu Kristin oli laef yet long wol, i klia se bambae oli kasem praes blong olgeta long heven kwiktaem afta we Jisas i winim faet blong hem, mo bambae oli joen wetem ol narafala memba blong grup ya we i olsem woman blong Kraes. !Biaen, long stret taem we God i makemaot, Smol Sipsip ya bambae i mared!

pej 277, paragraf 18, jenisim faswan haf i kam: Profet tok long Ol Sam 45 i tokbaot stret oda blong ol samting we bambae oli kamaot.

JAPTA 39

pej 281, paragraf 10, jenisim tufala laswan haf i kam: Mo tu, “olgeta enjel” bambae oli olsem man blong wok blong Jisas, taem hem i stap sidaon long bigfala jea blong king mo i jajem ol neson mo ol man long wol. (Matiu 25:31, 32) Yes, long faet ya we Jisas bambae i winim, taem ol jajmen blong God oli kamtru fulwan, ol enjel bakegen bambae oli givhan long Jisas.

JAPTA 41

pej 296, paragraf 5, jenisim trifala faswan haf i kam: ?Taem olfala heven mo wol tufala i ronwe, hu bambae i stap kasem jajmen? I no gat ol 144,000 man, from we God i jajmen olgeta mo putum mak blong hem long olgeta finis. Sipos i gat sam blong grup ya we oli laef yet long wol afta Amageden, bambae oli ded kwik, nao bambae oli laef bakegen blong kasem presen blong olgeta long heven. (1 Pita 4:17; Revelesen 7:2-4)

JAPTA 43

pej 311, paragraf 19, jenisim haf afta long vas blong “Revelesen 11:15; 12:10,” i kam: Long taem blong en, spirit wetem woman blong Jisas oli singaotem olgeta we oli stret blong kasem laef, blong oli kam dring wota blong laef we i fri nomo. Bambae ol gudfala man ya oli gohed blong kasem wota blong reva ya gogo kasem rabis wol ya i lus, mo bambae oli gohed blong kasem long niufala wol, taem Niufala Jerusalem i ‘aot long heven i kamdaon long wol.’—Revelesen 21:2.

pej 312, paragraf 26, jenisim tufala faswan haf i kam: Ol tri ya, we reva i givim wota long olgeta, oli save minim tu ol 144,000 man we oli olsem waef blong Smol Sipsip. Taem oli stap yet long wol, i olsem we oli stap dring long ol samting we God i mekem mo givim long olgeta blong oli save kasem laef from Jisas Kraes. I gud blong makem se Baebol i kolem ol brata ya blong Kraes we tabu spirit i makemaot olgeta, se “ol bigbigfala tri blong stretfasin.” (Aesea 61:1-3; Revelesen 21:6)