Ol Miting Blong Kingdom Wok

Wik We i Stat Long Disemba 11

Singsing 174

10 minit: Lokol mesej. Yusum ol fastok long pej 10, no sam narafala fastok we oli wokgud long ples blong yufala, blong mekem tu pleplei blong soemaot olsem wanem blong seremaot Wajtaoa blong Disemba 1 mo Wekap! blong Okt./Dis. Sipos tufala magasin ya i no gat, yusum tu laswan magasin we kongregesen i kasem. Long wan pleplei, soem olsem wanem blong ansa long man we i talem tok ya “Mi mi no intres.”—Lukluk smol buk ya Statem Wan Storian, pej 11.

15 minit: Tiokratik Skul Blong Yia 2007. Elda we i lukaot long skul i mekem tok ya mo i askem kwestin long samfala. Tokbaot ol poen long pepa we i joen wetem Kingdom Wok Blong Yumi blong Oktoba 2006, we oli laenap wetem kongregesen. Eksplenem se elda we i lukaot long skul i no mas talemaot fastaem, poen we studen i stap wok long hem. Long yia 2007, bambae yumi ridim Hibru haf blong Baebol, stat long Aesea 24 kasem en blong Malakae. From samting ya, ol brata we oli mekem rere ol bigfala poen blong Baebol riding mo ol narafala we oli givim ansa, oli gat janis blong yusum ol buk blong yumi we oli tokbaot ol profet tok ya. Askem kwestin long tu no tri pablisa: wan we i jes joen long skul, wan yangfala we i gohed gud, mo wan we i gat gudhan blong mekem ol tok. Askem long olgeta blong oli tokbaot olsem wanem skul i givhan long olgeta long wok blong prij mo long saed blong spirit. Leftemap tingting blong evriwan blong oli mekem ol tok we oli kasem, blong oli talemaot sam poen blong Baebol riding, mo blong oli folem ol advaes we i kamaot evri wik long buk ya Benefit From Theocratic Ministry School Education.

20 minit: “Yu No Mas Lusum Lav We Yu Gat Fastaem.”a Sipos i gat taem, askem long kongregesen blong oli tokbaot ol vas we oli stap.

Singsing 193 mo laswan prea.

Wik We i Stat Long Disemba 18

Singsing 150

10 minit: Lokol mesej. Jusum sam Advaes long Kingdom Wok Blong Yumi. Tokbaot Ansa Long Wan Kwestin. Tokbaot spesel plan blong prij long Disemba 25 mo Jenuware 1.

15 minit: “Gobak Luk Olgeta We Oli Soem Smol Intres.”b Askem long kongregesen blong oli tokbaot olsem wanem oli save faenem bakegen ol man we oli tekem janis blong prij long olgeta, no we oli prij long olgeta long rod. Askem olgeta blong tokbaot gudfala frut we i kamaot taem oli bin gobak luk ol man olsem. Wan no tu pablisa oli save rere gud fastaem.

20 minit: “Fasin Blong Glad Blong Wok i Karem Blesing.”c Askem kwestin long wan no tu pablisa we oli gat fasin ya blong glad blong wok. ?Olsem wanem oli soemaot se oli glad blong wok? ?Wanem ol jenis we oli mas mekem, mo olsem wanem oli naf blong mekem ol jenis ya? ?Wanem ol blesing we oli kasem from?

Singsing 108 mo laswan prea.

Wik We i Stat Long Disemba 25

Singsing 210

10 minit: Lokol mesej. Ridim ripot blong ol kaon mo talem tangkiu from ol presen mane. Yusum ol fastok long pej 10, no sam narafala fastok we oli wokgud long ples blong yufala, blong mekem tu pleplei blong soem olsem wanem blong seremaot Wajtaoa blong Jenuware 1 mo Wekap! blong Jen./Maj. Sipos tufala magasin ya i no gat, yusum tu laswan magasin we kongregesen i kasem. Long en blong wanwan pleplei, askem wan kwestin we yu save ansa long hem long nekis visit wetem buk ya Baebol Tijim.

15 minit: Lokol nid.

20 minit: “?Yu Yu Gat Wan Prapa Teritori Blong Yu?”d Elda we i lukaot long wok blong prij i tokbaot kwiktaem ol teritori blong kongregesen, sipos oli slo no kwik blong wokem ol teritori ya, mo olsem wanem blong kasem wan prapa teritori blong yu wan.

Singsing 219 mo laswan prea.

Wik We i Stat Long Jenuware 1

Singsing 158

10 minit: Lokol mesej. Talem long ol pablisa blong oli givim ripot blong Disemba.

20 minit: Talemaot Olsem Wanem Wok Blong Prij i Stap Gohed. Tok wetem kwestin mo ansa we i stanap long buk ya Organized to Do Jehovah’s Will, stat long smol stamba tok long pej 83 kasem en blong japta.

15 minit: “2007 Distrik Asembli Blong Ol Witnes Blong Jeova ‘!Folem Kraes!’”e Sekretari blong kongregesen bambae i mekem haf ya.

Singsing 65 mo laswan prea.

[Ol futnot]