Advaes
◼ Buk we yumi seremaot long manis Septemba: ?Wanem Samting We Baebol i Rili Tijim? Mekem wan spesel traehad blong statem wan Baebol stadi long faswan taem we yu prij long man. Sipos man we yu prij long hem i gat buk ya finis, soem long hem olsem wanem yumi stap yusum buk ya blong stadi long Baebol mo givhan long hem blong luk olsem wanem buk ya i save givhan long hem. Oktoba: Wajtaoa mo Wekap! magasin. Taem man i soem intres, yusum traket ya ?Yu Yu Wantem Lanem Moa Long Saed Blong Baebol? mo storian long hem wetem tingting blong statem wan Baebol stadi. Novemba: Save buk. Sipos no, yu save yusum Man We i Hae Moa Long Olgeta Man. Disemba: Man We i Hae Moa Long Olgeta Man. Sipos no, yu save yusum Buk Blong Ol Baebol Stori.
◼ Septemba i wan nambawan manis blong mekem wok blong haftaem paenia from we i gat faef wiken long hem.
◼ Long nekis oda blong ol buk, ol kongregesen oli save oda long ol baon volium blong ol Wajtaoa mo Wekap! blong yia 2007 (Franis mo Inglis), mo Watchtower Library—2007 Edition long CD-ROM. Long pepa ya “Advaes i Go Long Ol Kongregesen,” we i kamaot evri manis, bambae i gat wan lis blong ol lanwis we ol buk ya oli kamaot long hem. Plis, makem se Watchtower Library—2007 Edition i blong olgeta nomo we oli baptaes finis, mo oli save kasem tru long kongregesen nomo.
◼ Long Disemba, bambae yumi tokbaot DVD no vidio kaset ya, Jehovah’s Witnesses—Organized to Share the Good News long Miting Blong Kingdom Wok. Sipos yufala i nidim DVD ya long Franis no Inglis, askem kwiktaem long ol brata we oli lukaot long ol buk long kongregesen.
◼ Spesel pablik tok we i joen wetem Memoriol blong 2008 bambae i stap long wik blong Maj 31, 2008. Stamba tok blong spesel pablik tok ya bambae mifala i talemaot biaen. Ol kongregesen we oli gat visit blong seket elda no wan asembli long wiken ya, oli save mekem spesel tok ya long wik we i kam biaen. Ol kongregesen oli no mas mekem spesel tok ya bifo long wik blong Maj 31.
◼ Presiden elda no wan brata we hem i jusumaot, bambae i jekem ol kaon blong kongregesen long manis Jun, Julae, mo Ogis. Taem wok ya i finis, talemaot long kongregesen afta we yufala i ridimaot nekis ripot blong ol kaon.—Lukluk Rod Blong Mekem Ol Kaon Blong Kongregesen (S-27).