Ol Miting Blong Kingdom Wok

Wik We i Stat Long Jenuware 14

Singsing 41

10 minit: Lokol mesej. Jusum sam Advaes long Kingdom Wok Blong Yumi. Yusum ol fastok long pej 8 no sam narafala fastok we oli wokgud long ples blong yufala blong mekem wan pleplei olsem wanem blong seremaot Wajtaoa blong Jenuware 1 mo Wekap! blong Jen./Maj. Sipos tufala magasin ya i no gat, yusum tufala laswan magasin we kongregesen i kasem.

15 minit: “Yusumgud Taem We Yu Spenem Long Wok Blong Prij.”a Askem kwestin long wan brata we i stap lidim miting blong prij mo we i soemaot gudfala eksampol. ?Olsem wanem hem i mekem rere blong lidim grup long wok blong prij, mo yusumgud taem we hem i spenem long wok blong prij?

20 minit: ‘Oltaem Yufala i Mas Putum Sol Long Ol Toktok Blong Yufala Blong Mekem Oli Tesgud.’b Long haf 2, ridim Jon 4:7-15, 39.

Singsing 85

Wik We i Stat Long Jenuware 21

Singsing 215

10 minit: Lokol mesej. Mekem wan pleplei olsem wanem blong seremaot magasin blong Februari. Leftemap tingting blong evriwan blong wajem DVD ya Transfusion-Alternative Health Care—Meeting Patient Needs and Rights blong yumi save tokbaot long Miting Blong Kingdom Wok long Wik blong Februari 4.

10 minit: ?Yu Yu Stap Ridimgud Ol Tok Blong Baebol Evri Dei? Tok wetem kwestin mo ansa we i stanap long smol buk ya Ridimgud Ol Tok Blong Baebol Evri Dei—2008. Tokbaot olsem wanem yumi save tektaem blong ridim vas blong Baebol mo komen evri dei. Askem olgeta we oli lesin blong oli save tokbaot olsem wanem oli gohed oltaem blong ridim vas blong dei mo olsem wanem fasin ya i givhan long olgeta. Wan no tu pablisa i save rerem ansa blong olgeta fastaem. Tokbaot kwiktaem poen long saed blong Vas Blong Yia blong 2008.

25 minit: “Talemaot Gud Nius.”c (Haf 1-10) Elda we i lukaot long wok blong prij i mekem haf ya. Askem kwestin long wan no tu pablisa we oli mekem wok blong haftaem paenia las yia nating se oli bisi tumas no oli sik. ?Olsem wanem oli naf blong mekem wok ya? mo ?Wanem glad we oli kasem from wok ya? Long haf 7, tokbaot program blong miting blong wok blong prij blong manis Maj, Eprel, mo Mei.

Singsing 177

Wik We i Stat Long Jenuware 28

Singsing 52

10 minit: Lokol mesej. Talem long ol pablisa blong oli givim ripot blong manis Jenuware. Ridim ripot blong ol kaon mo talem tangkiu from presen mane. Mekem wan tok wetem kwestin mo ansa, we i stanap long Wajtaoa blong Februari 1 mo Wekap! blong Jen./Maj. Sipos i nogat, yusum tufala laswan magasin we kongregesen i kasem. Afta long ol storian blong ol samting we wanwan magasin ya i tokbaot, askem kongregesen weswan long ol magasin ya we bambae i gat paoa long ol man long teritori blong yumi mo from wanem. Askem olgeta blong talem sam poen long ol magasin ya we oli plan blong yusum. ?Wanem kwestin we maet yu save askem fastaem blong statem storian? ?Wanem vas long magasin ya we yu save yusum? ?Olsem wanem vas ya i laenap wetem magasin ya? Yusum ol fastok we oli no fasfas tumas long pej 8 blong soemaot olsem wanem blong seremaot ol magasin.

20 minit: “Talemaot Gud Nius.”d (Haf 11-17) Long haf 14, sipos yufala i kasem finis ol pepa blong singaot man i kam long Memoriol, i gud blong givimaot pepa ya long evriwan long miting. Tokbaot wanem plan i stap blong givimaot spesel pepa ya long teritori blong kongregesen.

15 minit: “Halpem Ol Baebol Stadi Blong Oli Kam Man Blong Talemaot Gud Nius Blong Kingdom.”e Sipos i gat taem, askem long kongregesen blong oli tokbaot ol vas we i stap.

Singsing 22

Wik We i Stat Long Februari 4

Singsing 161

10 minit: Lokol mesej. Tokbaot haf ya Ansa Long Wan Kwestin.

10 minit: Lokol nid.

25 minit: “?Yu Yu No Fulumap Yet?” Wan elda bambae i mekem tok ya. Go stret long ol kwestin we oli tokbaot DVD ya Patient Needs and Rights. Blong finisim tok ya, ridim laswan haf mo leftemap tingting blong evriwan blong oli lukluk gud bakegen Wajtaoa mo Kingdom Wok Blong Yumi we laswan haf ya i tokbaot. Eksplenem long olgeta we oli no mekem prapa desisen blong olgeta yet long saed blong meresin we i gat smol blad long hem, se oli save lukluk pepa we i stap insaed long Kingdom Wok Blong Yumi blong Novemba 2006 blong givhan long olgeta, mo oli save fulumap kad ya Advance Medical Directive/Release.

Singsing 4

[Ol futnot]