Ol Miting Blong Kingdom Wok

Wik We i Stat Long Februari 11

Singsing 168

10 minit: Lokol mesej. Yusum ol fastok long pej 8, no sam narafala fastok we oli wokgud long ples blong yufala blong mekem tu pleplei blong soem olsem wanem blong seremaot Wajtaoa blong Februari 1 mo Wekap! blong Jenuware/Maj. Sipos no, yusum tu laswan magasin we kongregesen i kasem.

15 minit: ?Yu Yu Save Go Wok Long Ples We i Nidim Moa Man Blong Prij? Tok wetem kwestin mo ansa we i stanap long Wajtaoa blong Julae 15, 2003, pej 20. Tokbaot sam haf tu long buk ya Organized, pej 111, haf 1 kasem pej 112, haf 1. Storian smoltaem wetem samfala we oli bin muv long ples we i nidim moa man blong prij. ?Wanem sam problem we oli bin fesem, mo olsem wanem oli winim ol problem ya? ?Wanem ol blesing we oli kasem?

20 minit: Givhan Long Ol Niufala Pablisa Blong Kamgud Moa Long Wok Blong Prij. Mekem wan fastok we i no bitim wan minit, ale mekem wan tok wetem ol kwestin mo ansa we i stanap long Wajtaoa blong Disemba 1, 2005, pej 31. Yusum ol kwestin we oli stap finis. Afta we yu tokbaot haf 18, mekem wan pleplei we man blong haos i talem wan tok blong blokem niufala pablisa long storian blong hem. Niufala pablisa ya i stap wetem wan pablisa we i gat gudhan long wok blong prij. Ansa blong niufala pablisa i no wokgud, ale man blong haos i no wantem gohed blong storian. Tufala i aot long haos, nao pablisa we i gat gudhan i talem sam gudfala toktok long niufala pablisa from traehad blong hem, mo biaen hem i soem long pablisa olsem wanem hem i save yusum buklet ya Statem Storian blong givim wan ansa long ol tok we maet wan man i talem nekis taem blong blokem storian blong hem.

Singsing 50

Wik We i Stat Long Februari 18

Singsing 17

10 minit: Lokol mesej. Jusum sam Advaes long Kingdom Wok Blong Yumi.

10 minit: Lokol nid.

25 minit: “!Pruf Blong Strong Bilif!”a Elda we i lukaot long wok blong prij i mekem haf ya. Long en blong haf ya, tokbaot gudfala wok we kongregesen i mekem long laswan sevis yia.

Singsing 194

Wik We i Stat Long Februari 25

Singsing 81

10 minit: Lokol mesej. Talem bakegen long evriwan se oli no mas fogetem ripot blong manis Februari. Ridim ripot blong ol kaon mo talem tangkiu from ol presen mane. Mekem wan pleplei blong soem olsem wanem blong seremaot pepa blong singaot ol famle mo ol man raonabaot long yumi oli kam long Memoriol.

20 minit: “Tingbaot Ransom Wetem Fasin Tangkiu.”b Sipos i gat taem, askem long kongregesen blong oli tokbaot ol vas we i stap.

15 minit: Rere Blong Seremaot Ol Niufala Magasin. Kwestin mo ansa. Blong smol taem, tokbaot ol haf we oli stap insaed long Wajtaoa blong Maj 1 mo Wekap! blong Jenuware/Maj. Biaen askem long kongregesen wanem ol haf we maet ol man long teritori oli intres long olgeta, mo from wanem. Askem long ol brata sista blong talemaot sam poen we oli plan blong tokbaot long ol magasin. ?Yumi save askem wanem kwestin blong statem storian? ?Biaen yumi save ridim wanem vas long magasin ya we bambae yumi tokbaot? Yusum ol save ya we yumi jes tokbaot no wan long ol fastok we i stap long Kingdom Wok Blong Yumi blong mekem pleplei blong soemaot olsem wanem yumi save seremaot Wajtaoa blong Maj 1 mo Wekap! blong Jenuware/Maj. Sipos no, yusum tufala laswan magasin we kongregesen i kasem.

Singsing 119

Wik We i Stat Long Maj 3

Singsing 223

10 minit: Lokol mesej. Tokbaot ol bigfala poen long bokis ya “Ol Samting Blong Tingbaot Long Memoriol.”

20 minit: ?Yu Yu Save Statem Wan Baebol Stadi Long Manis Maj? Kwestin mo ansa. Long manis Maj bambae yumi seremaot buk ya Baebol Tijim wetem mak ya blong statem Baebol stadi. Tokbaot ol samting long buk ya we oli nambawan blong halpem yumi. Tokbaot olsem wanem yumi save seremaot buk ya long man we i intres taem yumi bin givim pepa blong Memoriol long hem mo long man we yumi bin givim magasin long hem. Mo tu, tokbaot olsem wanem blong seremaot buk ya long haos wanwan afta long Maj 22. (Lukluk km 8/07 pej 3; km 3/06 pej 1, haf 3; km 1/06 pej 3-6.) Mekem wan no tu pleplei.

15 minit: Yusum Baebol Blong Ansarem Kwestin Blong Narafala. Tok wetem kwestin mo ansa we i stanap long buk ya Ministry School, pej 143-144. Mekem wan sot pleplei we man i askem wan kwestin long pablisa. Yusum wan kwestin we plante man oli askem long teritori blong kongregesen. Biaen pablisa i yusum Baebol blong ansa.

Singsing 145

[Ol futnot]