Ol Miting Blong Kingdom Wok

Makemgud: Long Kingdom Wok Blong Yumi blong manis Ogis, bambae i gat Ol Miting Blong Kingdom Wok evri wik. Ol kongregesen oli save mekem sam jenis long program ya olsem oli nidim, blong oli save joen long Distrik Asembli ya “Spirit Blong God i Lidim Yumi.” Sipos yufala i luk se i stret, tekem 15 minit long laswan Miting Blong Kingdom Wok bifo long asembli blong tingtingbak long ol advaes long pepa we i stap long medel blong Kingdom Wok blong manis ya. Long wan no tu manis kongregesen i save yusum 10 mo 20 minit blong Miting Blong Kingdom Wok (maet taem blong lokol nid) blong lukluk bakegen ol poen we oli kamaot long asembli we ol pablisa oli luk se i save givhan long olgeta long wok blong prij. Brata we i lukaot long wok blong prij bambae i mekem haf ya. Askem long ol pablisa blong tokbaot olsem wanem oli stap yusum no oli plan blong yusum ol save ya we i kamaot long asembli long wok blong prij.

Wik We i Stat Long Julae 14

Singsing 126

10 minit: Lokol mesej. Yusum ol fastok long pej 4 no sam narafala fastok we i stret long teritori blong yufala blong soemaot olsem wanem blong seremaot Wajtaoa blong Julae 1 mo Wekap! blong Julae/Sept. Sipos no yusum tufala laswan magasin we kongregesen i kasem finis.

15 minit: ?Yu Yu Harem Se Yu “Fri Blong Toktok”? Tok we i stanap long Wajtaoa blong Mei 15, 2006, pej 13-16 long Franis mo Inglis. Soemaot klia se fasin no fraet long wok blong prij i impoten tumas.

20 minit: “Bambae Yumi Stadi Long Famle Buk.” Tok wetem kwestin mo ansa. Talemaot ol spesel haf blong buk ya. Tekem smol taem blong tokbaot program blong buk stadi we i stap long pej 3 blong Kingdom Wok Blong Yumi. Leftemap tingting blong evriwan blong joen oltaem long buk stadi ya mo blong tekpat fulwan taem oli givim ansa. Jusum sam poen long buk ya Organized To Do Jehovah’s Will, stat long smol stamba tok long pej 69 go kasem smol stamba tok long pej 72. Askem kwiktaem long wan no tu pablisa we oltaem oli stap rerem gud miting, blong tokbaot wanem samting we i pulum olgeta blong rerem gud olgeta miting.

Singsing 147

Wik We i Stat Long Julae 21

Singsing 95

10 minit: Lokol mesej. Jusum sam Advaes long Kingdom Wok Blong Yumi. Talem long kongregesen blong karem Wajtaoa blong Ogis 1 mo Wekap! blong Julae/Sept., sipos no, karem tufala laswan magasin we kongregesen i kasem i kam long Miting Blong Kingdom Wok blong nekis wik. Mo leftemap tingting blong olgeta blong reregud, blong yumi save tokbaot ol fastok we oli stret long teritori blong yumi.

15 minit: Lokol nid.

20 minit: “Reregud—Wan Impoten Rod Blong Karem Gudfala Frut Long Ol Visit.”a Mekem wan smol pleplei blong fo minit blong soemaot wan pablisa we i stap rere blong go visitim wan man bakegen. Pablisa ya i lukluk bakegen ol not blong hem mo hem i luk se i mas go visitim tu man bakegen long wiken ya. Biaen, hem i skelem wanem we hem i bin tokbaot wetem wanwan long tufala visit ya, hem i tingbaot mak blong nekis visit ya we bambae hem i mekem mo hem i rerem wanem samting blong talem blong kasem mak blong hem. Pablisa ya i rere blong statem wan Baebol stadi wetem faswan visit. Narafala wan, pablisa ya i rere blong yusum wan long ol tingting we i stap long haf 5 blong mekem intres blong visit ya i gru.

Singsing 189

Wik We i Stat Long Julae 28

Singsing 6

10 minit: Lokol mesej. Talem long ol pablisa blong oli givim ripot blong manis Julae. Ridim ripot blong ol kaon mo talem tangkiu from presen mane. Talemaot buk we bambae yumi seremaot long manis Ogis mo mekem wan pleplei blong soemaot olsem wanem blong seremaot buk ya.

15 minit: Holem Tingting Ya Oltaem Se Dei Ya i Klosap Finis. Tok we i stanap long Wajtaoa Blong Jenuware 1, 2007, pej 6-7, haf 17-21.

20 minit: Rere Blong Seremaot Ol Niufala Magasin. Kwestin mo ansa. Afta we yu tokbaot smoltaem ol haf we oli stap long Wajtaoa blong Ogis 1 mo Wekap! blong Jul./Sept. no tufala laswan magasin we kongregesen i kasem, askem long kongregesen wanem ol haf we maet ol man long teritori oli intres long olgeta mo from wanem. Askem long ol brata sista blong talemaot ol poen long magasin ya we oli plan blong yusum. ?Wanem kwestin we oli save askem blong statem storian blong olgeta? ?Wanem vas we i stap insaed long magasin we oli save ridim? Yusum ol fastok long Kingdom Wok Blong Yumi no sam narafala fastok we i stret long man we i lesin. Mekem wan pleplei blong soemaot olsem wanem blong seremaot ol wanwan magasin ya.

Singsing 106

Wik We i Stat Long Ogis 4

Singsing 222

10 minit: Lokol mesej.

15 minit: ?Ol Pikinini Blong Yu, Oli Rere Blong Fesem Ol Problem Long Skul? Tok wetem kwestin mo ansa. Tokbaot sam long ol problem we ol yangfala Kristin oli fesem long skul. Eksplenem olsem wanem papa mama mo ol pikinini, oli save yusum Watch Tower Publications Index blong lukaotem ol advaes we i save givhan long olgeta. Talem sam eksampol. (Lukluk bigfala stamba tok ya “Schools,” mo smol stamba tok ya “experiences.”) Askem kwestin long olgeta long kongregesen we oli gruap long wan famle we papa mama i stap long trutok, blong oli tokbaot olsem wanem papa mama blong olgeta oli rerem gud olgeta blong fesem ol problem mo blong folem ol rul blong Baebol long skul. Maet oli tokbaot olsem wanem oli yusum sam haf blong Wekap! long ol ripot blong olgeta long skul. Askem long olgeta blong eksplenem olsem wanem i protektem olgeta taem oli prij long skul.

20 minit: “Yumi Brekemdaon Ol Giaman Toktok We Oli Olsem Ol Strong Ples Blong Haed.”b Askem long olgeta long kongregesen blong talem olsem wanem brata no sista we i bin stadi Baebol wetem olgeta i gat longfala tingting taem hem i halpem olgeta blong lego ol giaman tijing.

Singsing 83

[Ol futnot]