Ol Miting Long Wik Blong Maj 28

WIK WE I STAT LONG MAJ 28

Singsing 45 Mo Prea

□ Baebol Stadi Blong Kongregesen:

lv japta 9 ¶1-12, mo bokis long pej 101 (25 minit)

□ Tiokratik Skul:

Baebol riding: Job 11-15 (10 minit)

N. 1: Job 13:1-28 (no bitim 4 minit)

N. 2: ?From Wanem Jisas i “Masta Blong Sabat Dei”?—Mat. 12:8 (5 minit)

N. 3: ?Jisas i Laef Long Heven Bifo We Hem i Kam Wan Man Long Wol?—rs-E pej 216 ¶4–pej 217 ¶1; rs-F pej 210 ¶2-3 (5 minit)

□ Miting Blong Kingdom Wok:

Singsing 2

5 minit: Ol mesej. Talemaot wanem buk we bambae yumi seremaot long manis Eprel, mo mekem wan pleplei blong soemaot olsem wanem blong statem Baebol stadi taem pablisa i mekem visit long man we i karem ol magasin.

10 minit: Sapotem Wok Blong Kingdom Long Ples Blong Yu Mo Long Fulwol. Wan tok we i stanap long ol save long Kingdom Wok Blong Yumi blong manis Mei, 2007, pej 3-4, haf 2 (Organized, pej 127-129, haf 2).

10 minit: Rere Blong Seremaot Ol Magasin Long Manis Eprel. Tok wetem sam kwestin mo ansa. Blong wan no tu minit, tokbaot ol haf we oli stap long ol magasin. Biaen, jusum wan no tu haf, mo askem long olgeta we oli stap lesin blong talem sam kwestin mo vas we oli save yusum blong tokbaot ol haf ya long wok blong prij. Mekem tu pleplei, wan i blong soemaot olsem wanem blong seremaot Wajtaoa, mo narawan i blong soemaot olsem wanem blong seremaot Wekap!

10 minit: “?Yu Yu Mekem Wok Blong Fultaem Paenia Bifo?” Kwestin mo ansa. Blong smoltaem, yu save askem sam kwestin long wan paenia we hem i bin stopem wok blong paenia, be naoia we sam samting long laef blong hem i jenis, hem i statem wok ya bakegen. ?Wanem i mekem se hem i save statem wok blong paenia bakegen? ?Hem i harem gud long wanem blesing?

Singsing 6 Mo Prea