Ol Miting Long Wik Blong 3 Novemba

Singsing 49 Mo Prea

Baebol Stadi Blong Kongregesen:

my japta 45-46 (30 minit)

Tiokratik Skul:

Baebol riding: Dutronome 14-18 (10 minit)

N. 1: Dutronome 15:16–16:8 (no bitim 4 minit)

N. 2: ?Ol Misinari Oli Mekem Wanem?—jl stadi 14 (5 minit)

N. 3: ?From Wanem Yumi No Mas Giaman Insaed Long Famle?—lv pej 162-163 haf 6-9 (5 minit)

Miting Blong Kingdom Wok:

Singsing 103

10 minit: Givhan Long Ol Yangfala Blong Oli Rere Gud Blong Prij. Tok wetem sam kwestin mo ansa. Yu soem video ya Become Jehovah’s Friend—Let’s Go in Service. (Yu go long jw.org, mo luk haf ya BIBLE TEACHINGS > CHILDREN.) Yu askem ol yangfala se: ?Hamas long yufala we oli gat wan basket blong prij? ?Wanem i stap insaed long basket ya? ?Wanem faswan samting we Sofia i fulumap long basket blong hem? ?Wanem narafala samting we hem i nidim? Taem hem i fulumap evri samting long basket blong hem, ?wanem impoten samting we hem wetem mama blong hem bambae tufala i mekem? Yu askem wan yangfala blong i kam antap mo i soemaot fastok we bambae hem i yusum blong seremaot magasin. Sipos yu no save soem ol video long Haos Kingdom blong yufala, plis yu save givim wan tok we i stanap long Kingdom Wok blong Mei 2012 pej 2, we stamba tok blong hem i se Yu Mas Trenem Pikinini Blong Yu Long Wok Blong Jehova.

10 minit: ?Olsem Wanem Samfala Oli Soemaot Se Wok Blong Prij i Moa Impoten? Wan elda i askem kwestin long tu no tri pablisa blong oli tokbaot olsem wanem oli jenisim program blong olgeta, blong oli save joen moa long wok blong prij, no wok blong paenia. Blong finisim, yu tokbaot bakegen ol plan blong prij blong kongregesen, mo yu leftemap tingting blong evriwan blong oli save mekem sam samting we oli naf blong mekem, blong joen fulwan long wok blong prij.

10 minit: ?Yu Yu Mekem Wanem Blong Kamgud Moa Long Wok Blong Prij? Wan tok wetem sam kwestin mo ansa. Brata we i lukaot long wok blong prij i mekem tok ya. Yu askem long evriwan blong oli talemaot olsem wanem haf ya, “Kamgud Moa Long Wok Blong Prij” i givhan long olgeta blong oli kamgud moa long sam defren haf, long fasin blong prij. Blong finisim, yu leftemap tingting blong evriwan blong oli folem ol save we oli lanem long ol haf ya, mo oli gohed blong prij wetem tingting ya se taem i sot.

Singsing 100 Mo Prea