Ol Miting Long Wik Blong 29 Disemba

Singsing 115 Mo Prea

Baebol Stadi Blong Kongregesen:

my japta 61-62 (30 minit)

Tiokratik Skul:

Baebol riding: Josua 12-15 (10 minit)

Tingtingbak Long Ol Poen Blong Tiokratik Skul (20 minit)

Miting Blong Kingdom Wok:

Stamba Tok: Yumi talemaot “ol gudfala samting” we yumi kasem.—Mat. 12:35, NW.

Singsing 89

20 minit: Gohed Blong Tijim “Ol Gudfala Samting” Long Ol Baebol Stadi Mo Long Ol Pikinini Blong Yu We Oli Bilif Finis. (Mat 12:35, NW) Tok wetem sam kwestin mo ansa. Yu yusum ol vas ya blong soemaot wanem tingting we yumi mas gat long ol Baebol stadi, mo ol pikinini we oli bilif finis: 1 Korin 13:11; 1 Pita 2:2, 3. Yu eksplenem mining blong tok ya, ‘faenemaot tok blong God’ we i olsem melek mo olsem wanem yumi save givhan long ol Baebol stadi, mo ol pikinini blong yumi we oli bilif finis blong oli folem. Yu eksplenem rul we i stap long Mak 4:28. (Yu luk Wajtaoa blong 15 Disemba 2014, pej 10-11 haf 6-8.) Yu askem kwestin long wan pablisa we i stap long trutok long taem, no wan papa no mama blong i eksplenem olsem wanem hem i givhan long wan Baebol stadi no wan pikinini blong i gohed gud long trutok.––Efes. 4:13-15; yu luk haf ya, Ansa Long Wan Kwestin, long Kingdom Wok Blong Yumi blong Mei 2014.

10 minit: “Serem ‘Ol Gudfala Samting’ Taem Yu Tekem Narafala i Kam Long Haos (Mat 12:35, NW).” Tok wetem sam kwestin mo ansa. ?Wanem gudfala frut, no stori we samfala oli kasem from we oli tekem narafala i kam long haos blong olgeta? Yu askem evriwan blong oli talemaot olsem wanem yumi save soemaot fasin ya blong tekem narafala i kam long haos blong yumi, speseli olgeta we oli mekem wok blong God fultaem. Yu talemaot plan we kongregesen i mekem blong givim kakae long brata we branj ofis i sanem blong givim tok long asembli.

Singsing 124 mo Prea