LAEF BLONG OL KRISTIN

Gudfala Fasin Mo Respek i Save Winim Hat Blong Man

Plante taem, ol gudfala fasin blong ol Kristin waef nao, oli pulum hasban blong olgeta i kam long trutok. Be blong mekem olsem, oli mas stanap strong long ol hadtaem blong plante yia. (1Pi 2:21-23; 3:1, 2) Sipos yu stap safa from wan fasin we i no stret, yu mas gohed blong mekem ol gudfala samting blong winim ol rabis samting. (Ro 12:21) Maet hasban blong yu bambae i no lesin long ol toktok blong yu, be gudfala eksampol blong yu i save jenisim tingting blong hem long saed blong trutok.

Traem gat sem tingting olsem hasban blong yu. (Fil 2:3, 4) Soem se yu kasem save filing blong hem mo gat sori, mo mekem olgeta wok we yu mas mekem olsem wan waef. Yu mas lesin gud taem hem i toktok. (Jem 1:19) Gat longfala tingting, mo talem long hem se yu lavem hem. Nating sipos hasban blong yu i neva soem kaen fasin mo respek long yu, be yu save glad from we Jehova i tinghae long fasin we yu soemaot.—1Pi 2:19, 20.

WAJEM VIDEO YA JEHOVA I GIVIM PAOA BLONG WINIM OL TRAEM, MO BIAEN YU ANSA LONG OL KWESTIN YA:

?Laef blong Grace Li i olsem wanem afta we hem i mared?
?Wanem i pulum hem blong i laekem trutok blong Baebol?
?Olsem wanem Sista Li i stanap strong afta we hem i baptaes?
?Sista Li i talem wanem long saed blong hasban blong hem taem hem i prea?
?Sista Li i kasem wanem blesing from gudfala fasin mo respek we hem i soemaot?

Sam haf blong video ya ‘Jehova i Givim Paoa Blong Winim Ol Traem,’ i soem olsem wanem Grace Li i stap gohed gud. 1. Grace Li i stap krae aotsaed long wan haos. 2. Wan sista i stap stadi wetem Grace. 3. Grace mo ol pikinini blong hem oli aot long restoron blong olgeta blong go long miting. 4. Grace wetem naen memba blong famle blong hem long Haos Kingdom. — !Gudfala fasin mo respek i gat bigfala paoa!