Advaes Blong Stadi

Makemaot Samting We i Impoten

Yumi evriwan i gat smoltaem nomo blong mekem prapa stadi blong yumi. ?Taswe olsem wanem blong yusum gud smoltaem ya? Fastaem, i gud yu spenem naf taem long samting we yu stap ridim. Bambae yu kasem plante gudfala samting, sipos yu tekem taem blong stadi gud long wan samting nomo, i bitim we yu traem ridim plante samting wantaem nomo.

Biaen, makemaot ol samting we oli moa impoten. (Efes. 5:15, 16) Hemia sam tingting:

• Ridim Baebol evri dei. (Sam 1:2) Maet yu save stat wetem ol japta blong Baebol we yumi stadi long olgeta long ol miting blong medel wik.

• Rerem Wajtaoa Stadi mo miting blong medel wik. Traem rere gud blong yu save givim wan ansa.—Sam 22:22.

• Sipos yu gat moa taem, i gud yu ridim ol magasin, wajem ol video, mo ol narafala samting we oli stap long jw.org.

• Stadi long wan samting we yu intres long hem. Yu save mekem risej long wan problem we yu fesem, o wan kwestin we yu gat, o long wan topik blong Baebol we yu wantem kasemsave gud long hem. Blong givhan, yu save luk haf ya “Ol Eksasaes Blong Stadi Baebol” we i stap long jw.org.