Yu Kam Harem Fri Pablik Tok Ya:

“Folem Laet Blong Wol Ya”

Ol man oli nidim laet blong soemaot rod long olgeta olsem we wan trak i nidim laet taem hem i stap ron long wan rod we i benben long ol hil long naet. Yumi save tingbaot laet long saed blong speret olsem ol gudfala laet long trak, we i stap soemaot rod long ol man blong oli luk wanem rod oli stap wokbaot long hem. ?Wanem stampa blong laet ya long saed blong speret? ?Mo hu tede oli stap mekem laet ya i saenaot?

Ol ansa blong ol kwestin ya bambae oli kamaot long pablik tok long plante handred Distrik Asembli blong ol Wetnes blong Jeova long wol long yia ya, nem blong olgeta “Ol Man Blong Karem Laet.” Mifala i glad blong singaot yu blong kam.

Long program blong asembli bambae i gat ol storeyan long ol trufala samting we oli hapen long laef blong yumi, mo wan Baebol drama we olgeta oli putum ol spesel klos blong plei long hem. Yu save go long Haos Kingdom blong ol Wetnes blong Jeova long ples blong yu blong faenemaot weples mo wetaem asembli ya i stap long ples blong yu, no yu save raet i kam long ofis we oli prentem magasin ya long hem.