Mekem Haftaem Paenia Long Desemba
1 Yumi evriwan i mas askem yumi wan: ‘?Olsem wanem bambae mi stap olsem man blong karem laet long Desemba?’ ?Mi save kam haftaem paenia?—Mat. 5:14, 16.
2 Ol yangfala we oli baptaes finis oltaem oli gat moa taem we oli no go long skul hemia long taem blong holidei. Sam papa mama mo sam narafala pablisa we oli bigman finis oli save joen long olgeta blong mekem moa long wok blong prij long manis Desemba. Plante we oli wok fultaem oli save givim sam taem blong olgeta blong mekem wok ya blong sevem laef.
3 Impoten samting se, sipos yumi rere blong traehad moa, yumi save mekem haftaem paenia. (Luk 13:24) Sipos yumi ogenaesemgud ol wok blong yumi, olsem famle mo ol wok long kongregesen, i save gat taem blong yumi save kasem glad blong wok olsem wan haftaem paenia.
4 ?Bambae yu save mekem moa long minista wok blong yu long Desemba? Sipos yu mekem olsem bambae yu no fraet fored long doa blong ol man mo yu save kasem ekspiryens we oli save mekem yu gohed moa. Yu save kasem bigfala glad from.—Ol Wok 20: 35.