Sekretari Mo Elda We i Lukaot Long Wok Blong Prij i Mas Tingbaot Samting Ya

Evri yia wan mesej long Kingdom Wok Blong Yumi long Febuwari i talem long sekretari mo elda we i lukaot long wok blong prij blong “luklukbak long wok blong ol fultaem paenia.” ?From wanem oli mas mekem olsem? Blong faenemaot hu i nidim help blong kasem haoa blong olgeta bifo we sevis yia i finis.

Ol fultaem paenia oli mas spenem 1,000 haoa evri yia long wok blong prij. Taem sam paenia oli kasem en blong Febuwari, oli faenem se oli sot long haoa, mo samting ya i save mekem tingting blong olgeta i foldaon. Plante taem ol elda oli save givhan long ol paenia, oli save leftemap tingting blong olgeta mo givim advaes we i wokgud. Samting ya i save mekem se ol paenia oli kasem haoa blong olgeta long yia mo oli no nidim blong stop long wok blong paenia.

Bambae ol paenia oli gat bigfala tangkyu long ol elda we oli soem trufala intres long olgeta long saed ya. Kongregesen tu bambae i haremgud blong gat ol paenia we oli hapi long wok blong prij, mo we oli stap holemstrong long wok ya.