Ansa Long Wan Kwestin

◼ ?I stret we kongregesen i gat wan map blong teritori long Haos Kingdom?

Yes, i mas gat wan map i hang long wol blong Haos Kingdom, blong evriwan i save luk. Oli no mas putum map ya long notis bod. Map ya i mas soem fulwan eria we kongregesen i prij long hem mo ol mak blong ol wanwan teritori blong kongregesen wetem namba blong olgeta. Map ya i mas soemaot klia, mak we i seraotem eria blong ol kongregesen we oli stap yusum sem Haos Kingdom. Samting ya bambae i halpem ol pablisa mo ol man we oli intres tu blong luksave eria blong weswan kongregesen oli stap long hem. Sipos map ya i soem ol ples blong ol Buk Stadi blong Kongregesen tu, bambae samting ya i givhan long evriwan blong save long wanem Buk stadi oli mas go long hem. Map ya i mas laenap folem taem blong yumi.

Wan map olsem i save pulum ol pablisa blong tingbaot se, maet i gud sipos oli save gat prapa teritori blong olgeta blong prij long hem. Map ya i mekem i isi tu blong olgeta we oli wantem jusum wan teritori klosap long haos blong olgeta. Mo samtaem brata we i lukaot long miting blong prij i save yusum map ya blong sanem ol pablisa i go kwik long eria we oli mas prij long hem. Long rod ya bambae oli no lusum tumas taem.

Map ya tu i pruvum klia se kongregesen i folem wan plan blong talemaot mesej blong Kingdom long olgeta man we oli stap long teritori blong hem.​—Luk 9:6.