Ansa Long Wan Kwestin
◼ ?Yumi save kasem prapa kopi blong yumi blong ol Wajtaoa mo Wekap! olsem wanem?
Stat long taem we yumi no moa mekem ol sabskripsen blong ol magasin mo ol kaset blong Wajtaoa mo Wekap! long olgeta lanwis, evri pablisa oli mas tekem ol magasin, ol kaset mo ol CD blong MP3 blong olgeta long kongregesen blong olgeta nomo. I gat ol spesel magasin mo kaset we oli wokem blong olgeta we oli blaen, mo hemia nomo we oli stap sanem fri long olgeta we oli stret blong kasem. Plis makem se ol kongregesen oli save kasem ol magasin long kaset no long CD blong MP3 nomo sipos oli putum wetem oda fom (M-202) blong kongregesen. Blong kasem ol magasin long ol narafala lanwis mo olgeta buk we raeting blong olgeta i bigwan, ol kongregesen i mas putum long oda ya tu.
Sipos sam man long ol teritori blong yufala oli askem blong gat ol niufala kopi blong magasin oltaem, plis meksua se man ya i no mestem wan kopi blong ol magasin ya. Olgeta we kongregesen i putumaot olgeta, oli save kasem ol magasin mo ol narafala buk long ples blong tekem ol magasin mo buk long Haos Kingdom nomo. Wan pablisa i no save mekem rod magasin wetem olgeta we kongregesen i putumaot olgeta.
Bambae branj ofis long Niu-Kaledonia i holem ol sabskripsen nomo blong man we ol pablisa oli no save mekem rod magasin wetem hem. Sipos Sevis Komiti blong Kongregesen i askem blong mekem sabskripsen long wan man we i no gat nara rod blong hem i kasem ol magasin oltaem, sekretari blong kongregesen i mas sanem wan smol toktok i kam wetem sabskripsen ya blong talem se Sevis Komiti i lukluk mo i agri finis long sabskripsen ya.
Hemia i min se ol pablisa oli no mas raet i go long branj ofis blong mekem ol prapa sabskripsen blong olgeta. Evri leta blong askem sabskripsen we wan pablisa no wan man we i intres i raetem i go long branj ofis, bambae branj ofis i sanem i kambak long kongregesen.
◼ ?Olsem wanem wan man we i stap long presin haos i save kasem ol magasin?
Sipos kongregesen i go prij long ol ples olsem presin haos, oli save seremaot ol magasin long ol presina, mo ol presina oli save kasem ol Wajtaoa mo Wekap! magasin long ol pablisa we oli stap kam oltaem blong prij long ples ya. Be sipos i no gat rod blong mekem olsem, presina ya i save raet i go stret long branj ofis blong askem sabskripsen. Plis makem se olgeta presina we kongregesen i putumaot olgeta oli save kasem ol magasin blong olgeta tu olsem we yumi tokbaot long haf ya.