!Wok Blong Prij We i Bigwan Moa i Bitim Olgeta Taem Bifo!
Bitim wan handred yia finis ol Witnes blong Jeova oli folem wan plan blong talemaot gud nius. (1 Kor. 9:23) Wok blong prij we yumi mekem tede i bigwan moa i bitim bifo. Yumi stap talemaot gud nius ya long plante handred defren lanwis, mo yumi talemaot long bitim 230 kantri. (Mat. 24:14) ?Be, from wanem i nidim blong mekem wok ya? ?Mo olsem wanem gud nius ya i kasem ol man long fulwol?
DVD ya Jehovah’s Witnesses—Organized to Share the Good News i ansa long ol kwestin ya from we hem i givim fulap save long saed blong defdefren haf blong wok blong yumi long fulwol. Taem yu wajem DVD ya, tingbaot ol kwestin ya: (1) ?Hu i ogenaesem mo lidim wok blong yumi? (2) ?Olsem wanem Raeting Dipatmen, Translesen Sevis Dipatmen, At Dipatmen, mo Odio/Vidio Sevis Dipatmen oli givhan long wok blong mekem gud nius i kasem ol man? (3) ?From wanem yumi printim mo sanemaot plante plante buk i go long ol defdefren ples? (Jon 17:3) (4) ?Hamas buk mo magasin oli printim long wan yia? (5) ?Olsem wanem ol buk we i tokbaot Baebol i givhan long plante man? (Hib. 4:12) (6) ?Olsem wanem olgeta we oli blaen mo we sora blong olgeta i fas, olgeta tu oli kasem tijing blong Baebol? (7) ?Olsem wanem yumi kasem mane blong sapotem wok ya? (8) ?Olsem wanem wok blong Hospital Infomesen Sevis, Sevis Dipatmen, mo Dipatmen we i lukaot long ol Asembli, oli givhan long yumi? (9) ?Yu we yu wan Witnes blong Jeova, olsem wanem DVD ya i mekem yu yu gat moa save mo yu gat moa tangkiu tu long (a) traehad we ogenaesesen blong Jeova i stap mekem blong prijimaot gud nius? (b) olgeta brata sista we oli stap wok long ol bitim 100 Betel raon long wol? (c) trening we ol seket elda mo ol misinari oli stap kasem? (d) fasin blong ridim wan vas blong Baebol evri dei mo rerem ol defdefren miting blong kongregesen? (e) ol Kristin miting blong yumi? (f) promes ya se wol ya bambae i kam wan paradaes? (Aes.11:9) (g) janis we yumi gat blong joen long wok ya blong go tekem kakae long garen?—Jon 4:35.
Taem yu bin soem DVD ya long ol man long famle blong yu, olgeta we yu save olgeta, ol visit blong yu, mo ol Baebol stadi blong yu, ?wanem tingting blong olgeta long saed ya? I gud sipos yumi mekem plan blong soem DVD ya mo serem gud nius wetem ol narafala.—Mat. 28:19, 20.