?Yumi Tokbaot Wanem Long Ol Magasin?

Wajtaoa Julae 1

“Samfala oli wantem save sipos bigfala wota we i ron long taem blong Noa i rili kavremap olgeta ples long wol no sipos i wan kastom stori nomo. ?Wanem tingting blong yu?” [Letem man i ansa, mo ridim Jenesis 7:19-20.] Tokbaot haf we i stap long pej 8.

Wekap! Jul./Sept.

“I gat plante pleplei tede we i pulum tingting blong man blong wok wetem ol rabis spirit. ?Wanem tingting blong yu, yu ting se fasin ya we man i wok wetem rabis spirit i wan pleplei nomo? [Letem man i ansa, mo ridim Dutronome 18:10-12.] Haf ya i givim tingting blong Baebol long saed blong denja we i save kamaot from wok wetem rabis spirit.” Tokbaot haf we i stat long pej 30.

Wajtaoa Ogis 1

“Yumi evriwan i harem nogud tumas taem wan we yumi laekem hem tumas i ded. Long ol taem olsem, ?yu ting se Baebol i save halpem yumi? [Letem man i ansa, mo ridim Ol Sam 55:22.] Magasin ya i tokbaot sam samting we Baebol i talem se yumi save mekem blong givhan long yumi long taem olsem.”

Wekap! Jul./Sept.

“Trabol we i stap kasem plante mared tede i stap kam mowas mo samting ya i mekem se plante hasban mo waef oli divos. ?Yu ting se sipos ol hasban mo waef i folem advaes ya, bambae i save givhan long olgeta long mared laef blong olgeta? [Ridim Proveb 12:18, mo letem man i ansa.] Magasin ya i soemaot ol stamba rul blong Baebol we oli save givhan long ol mared man mo woman blong mekem fasin fren blong olgeta i kam strong moa.” Tokbaot haf we i stat long pej 19.