Yu Tokbaot Wan Poen Nomo, Be Yu Lego Tu Magasin

Insaed long olgeta magasin blong yumi, i gat plante defren poen. I moagud blong tokbaot wan poen nomo long wan man, i bitim we yumi tokbaot plante poen wantaem. Sipos yumi savegud evri poen we oli stap insaed long ol magasin ya, bambae yumi luksave wanem poen insaed long wan Wajtaoa mo Wekap! we i stret long man blong haos. Sipos yumi luk se long wan haos, i gat ol pleplei blong ol pikinini, yumi save jusum wan poen long ol magasin we i tokbaot laef insaed long famle. Be sipos yumi mitim wan papa, i gud yumi tokbaot samting we hem i wari long hem. Maet yumi tokbaot kruked fasin we i stap kam antap long ples blong yumi, no sam narafala samting olsem. Nating se yumi tokbaot wan poen nomo, be yumi save lego tu magasin, sipos yumi luk se man blong haos i glad.