“?Olsem Wanem Blong Eksplenem 1914?”

Baebol i leftemap tingting blong yumi blong yumi “mas rere blong givim ansa” long man we i askem kwestin from bilif blong yumi. Be taem yumi givim ansa, yumi mas toktok long ‘kwaet fasin mo yumi soemaot bigfala respek.’ (1 Pita 3:15) Maet samtaem yumi faenem i had blong eksplenem ol dip trutok blong Baebol. Eksampol, ?olsem wanem yumi save se Kingdom blong God i stat rul long 1914? Wan rod we i save givhan long yumi blong ansa long kwestin ya, hemia blong lukluk tufala haf ya “A Conversation With a Neighbor —When Did God’s Kingdom Begin Ruling?” Tufala haf ya i kamaot long Wajtaoa we bambae yumi seremaot long manis Oktoba mo Novemba. Taem yu stap ridim tufala haf ya, i gud blong tingbaot fasin blong toktok we Cameron i yusum, taem hem i stap storian.

?Olsem wanem hem i . . .

• yusum ol gudfala toktok blong pulum man blong i intres?—Ol Wok 17:22.

• soemaot se hem i gat tingting daon taem hem i eksplenem bilif blong hem?—Ol Wok 14:15.

?From wanem i gud we hem i . . .

• tokbaot sam haf blong stori fastaem, bifo we hem i tokbaot ol wanwan poen?

• spel smol taem hem i stap toktok mo i askem kwestin long man blong haos, blong luk sipos hem i kasemsave no nogat?

• no traem tokbaot evri save long saed blong samting we tufala i stap stori long hem?—Jon 16:12.

Yumi wantem talem bigfala tangkiu long Jehova, from we hem nao i ‘Bigfala Tija’ blong yumi. Mo hem i stap tijim yumi olsem wanem blong eksplenem ol dip trutok blong Baebol long ol man we oli hanggri from ol save ya.—Aes. 30:20.