Traem Kamgud Moa​—Jenisim Fastok Blong Yu

?FROM WANEM I IMPOTEN?: Ol tabu Kristin mo ol narafala sipsip oli stap singaotem olgeta man blong kam dring “wota blong laef we i fri nomo.” (Re 22:17) Wota ya i minim olgeta samting we Jehova i mekem blong givhan long ol man we oli obei long hem, blong oli fri long sin mo ded. Be blong halpem ol man we oli gat defren kastom mo bilif, yumi mas talemaot “gud nius ya we i blong stap olwe” long wan rod we i stret long wanwan man.—Re 14:6.

?OLSEM WANEM BLONG MEKEM?:

• Jusum wan topik mo wan vas we bambae i tajem hat blong ol man long teritori blong yu. Yu save jusum wan fastok blong prij o eni narafala samting we yu bin yusum mo yu luk se i wok gud. ?Wanem ol topik mo ol vas we i pulum intres blong ol man? ?Wanem ol nius we oli jes kamaot mo ol man oli stap tokbaot? ?Wanem i save pulum intres blong wan man o woman?

• Folem ol kastom mo fasin blong talem halo we i stret long eria blong yu.—2Ko 6:3, 4

• Savegud ol buk mo ol video we oli stap long Tul Blong Tijim Man we yu wantem serem wetem man we i soem intres

• Daonlodem sam buk mo video long lanwis blong ol man we bambae yu mitim olgeta long teritori

• Jenisim fastok blong yu blong i stret long nid blong man we yu mitim hem. (1Ko 9:19-23) ?Be olsem wanem sipos yu mitim wan man we i jes lusum wan fren o famle long ded?

WAJEM VIDEO, MO BIAEN YU ANSA LONG OL KWESTIN YA:

• ?Olsem wanem brata ya i statem storian blong hem wetem man blong haos?

• ?Man blong haos i stap fesem wanem samting?

• ?Wanem vas blong Baebol we i stret blong yusum long taem ya, mo from wanem?

• ?Yu yu mekem wanem blong jenisim fastok blong yu blong i stret long ol man long teritori blong yu?