?Yu yu stap wea long rod blong baptaes?
LAEF BLONG OL KRISTIN
Jusum Blong Wosipim Jehova
Sipos yu wan yangfala pablisa o wan stadi, ?yu yu putum mak blong baptaes? ?From wanem yu wantem baptaes? Givim laef mo tekem baptaes hem i stat blong spesel frensip blong yu wetem Jehova. (Sam 91:1) Mo tu i save sevem laef blong yu. (1Pi 3:21) ?Olsem wanem yu save gohed gud blong kasem ol mak ya?
Pruvum yu wan se hemia trutok. Taem yu gat kwestin, mekem prapa risej blong yu. (Ro 12:2) Luksave eni jenis we yu mas mekem, mo traehad blong mekem olgeta from yu wantem mekem Jehova i glad. (Pro 27:11; Ef 4:23, 24) Prea oltaem blong hem i halpem yu. Yu save sua se Jehova bambae i sapotem mo mekem yu strong. (1Pi 5:10, 11) Traehad blong yu bambae i no blong nating. !Mekem wok blong Jehova, hemia beswan rod blong laef!—Sam 16:11.
WAJEM VIDEO YA ROD BLONG GO KASEM BAPTAES, BIAEN ANSA LONG OL KWESTIN YA:
?Wanem sam samting we samfala oli mas winim blong oli save baptaes?
?Yu save mekem wanem blong gat wan bilif we i pulum yu blong givim laef blong yu long Jehova?
?Wanem i pulum samfala blong oli gohed gogo oli baptaes?
?Olgeta we oli jusum blong mekem wok blong Jehova oli kasem wanem blesing?
?Givim laef mo tekem baptaes i minim wanem?