LAEF BLONG OL KRISTIN
Gat Sem Tingting Olsem Jehova Long Yu Wan
“Jehova i glad long ol man blong hem.” (Sam 149:4) Nating se yumi sinman, be hem i luk ol gudfala fasin blong yumi mo ol samting we bambae yumi naf blong mekem. Be samtaem, yumi save harem se i had blong gat stret tingting long saed blong yumi wan. Yumi save harem se i yumi nating nomo, from narafala i mekem yumi harem olsem. Mo sipos yumi tingbaot ol mastik we yumi bin mekem, yumi save gat filing ya se Jehova i no rili laekem yumi. ?Wanem i save givhan long yumi taem yumi harem olsem?
Tingbaot se Jehova i save luk samting we man i no save luk. (1Sa 16:7) Hemia i minim se hem i save luk plante moa gudfala samting long saed blong yumi we yumi no luk. Mo yumi glad se Baebol i halpem yumi blong save tingting blong Jehova long saed blong yumi. Blong save ol tingting ya, yumi mas ridim ol vas blong Baebol mo ol stori we i soemaot lav we Jehova i gat long ol man blong hem.
WAJEM VIDEO YA LONG HAT BLONG YU, BILIF STRONG SE JEHOVA I LAVEM YU, BIAEN ANSA LONG OL KWESTIN YA:
?Pijatok blong wan man blong resis mo papa blong hem, i tijim wanem long saed blong Jehova?
Sipos wan man i mekem wan bigfala sin mo i mekem evri samting blong fren bakegen wetem Jehova, ?olsem wanem hem i save sua fulwan se God i lavem hem?—1Jo 3:19, 20
Taem brata ya i ridim mo tingting dip long stori blong Deved mo Jehosafat, ?olsem wanem hemia i givhan long hem?