Ol Problem Blong Envaeronmen—Samting We Kingdom Blong God Bambae i Mekem

“Problem blong klaemet jenis i spolem ol man, ol taon, mo olgeta laef samting long wol. Klaemet jenis i mekem se naoia i gat ol strong win we i stap spolem gud ol haos mo laef blong ol man raon long wol. Solwota tu i stap long denja, mo hemia i save mekem se maet plante samting long solwota bambae oli no save gohed blong laef.”—Inger Andersen, under-secretary-general of the United Nations and executive director of the UN Environment Programme, 25 Julae 2023.

?Ol gavman bambae oli naf blong wok tugeta blong stretem ol problem ya we i stap spolem fulwol? ?Oli naf blong finisim fulwan ol problem ya?

Baebol i tokbaot wan gavman we i save stretem olgeta problem blong envaeronmen long wol, mo bambae i mekem. Hem i talem se “God blong heven bambae i stanemap wan kingdom,” wan gavman we bambae i rulum wol ya mo i finisim olgeta problem blong wol. (Daniel 2:44) Mo aninit long rul blong gavman ya, ol man bambae “oli no mekem eni trabol no oli spolem” eni man o wol ya.—Aesea 11:9.